今集遊戲學就會同大家講Pokemon正傳系列，珍珠鑽石版，係神奧地區，呢一集故事好深奧，宗教背景非常濃厚，係好多玩家都喜愛的一集。我發現隱藏的精靈同道具非常多。到底有幾誇張呢，大家一齊嚟睇下啦?
故事劇情
故事由一則「尋找紅色ギャラドス（紅色鯉魚龍）」的新聞開始，主角同勁敵阿馴因為好奇跑去「心齊湖」，結果遭遇野生精靈襲擊，無意中使用了山梨博士遺留的手提箱，使用御三家戰鬥，旅程正程開始。
係挑戰8個道館的過程中，遇見無數次今集的邪惡組織，銀河隊。首先係佢哋想帶走山梨博士，希望博士對精靈的知識去，幫佢哋完成操控帝牙盧卡/帕路奇亞的目的。不過被主角同博士助手明輝阻止咗。
銀河隊之後佔領咗發電廠，為咗要拎大量電力去，去運作一個機器去控制三聖菇，因為銀河隊知道三聖菇可以造出能束縛神明的「紅色鎖鏈」，而呢部機器需要大量電力去運作。不過最後都被主角搶返發電廠。遊戲一路推進劇情會去到神和鎮，係今集冠軍竹蘭的婆婆口中得知神奧的傳說。
「當神明創造這個世界的時候，時間開始流動，空間開始延伸。但神明的力量太過絕對、太過強大。於是，祂們同時創造了三隻湖之寶可夢。」
「這三隻寶可夢，代表着生命最核心的『心靈』。只要這三隻精靈存在，牠們心靈的力量就會像一條無形的鎖鏈，死死地鎖住時空神獸的力量，讓世界保持完美的平衡。」意思係神明雖然擁有摧毀和重組宇宙的物質力量，但古老的規矩是：「物質必須受到心靈的制約」。只要人類和精靈擁有心靈（知識、情感、意志），時空神獸就不會輕易暴走，世界就能安穩運作。
之後就出現銀河隊搶三聖菇的事件，今次阻唔到佢哋了，佢哋真係捉咗三聖菇。唯有有去銀河隊基地，去解救三聖菇同消滅銀河隊了。去到基地同赤日對戰，先知道佢想點，我要利用時空神獸的力量，將這整個宇宙連同所有的心靈徹底格式化（Format）——我要創造一個沒有任何情感、絕對純淨、完全由我意志主宰的完美新宇宙！
這意味著，佢要的是一場無差別的宇宙大清洗，連佢自己嘅部下都會一併被抹消。
雖然打敗咗赤日，最後都救咗三聖菇，但為時以晚了，可以操控時空獸的「紅色鎖鏈」已經完成，佢哋要去天冠山控制時空獸了。去到天冠山，已經見到赤日成功召換緊時空獸出嚟了，不過佢計少咗一樣嘢，就係被主角放生咗三聖菇。可能因為主角救三聖菇的關係，令三聖菇力量得以恢復，破壞咗「紅色鎖鏈」，令到赤日計劃破滅，最後敗走，不過時空獸都係被召換咗出嚟，要由主角收尾。
解決完時空獸事件，就要打八個道館同四天王，再加埋今集冠軍，人氣好高的竹蘭姐，最後故事係登入名人堂後，暫時告一段落。
系統升級
嚟到第四代遊戲，遊戲系統嚟個大更新，就係每一個招式都有分特攻或者物攻。呢一個改變呢影響好大，唔再係跟屬性去分特攻或者特攻。咁有好有唔好啦，有啲精靈就係因為咁樣，而得到好強嘅能力。不過有一啲就因為呢一個特攻物攻分家改變，就變到非常非常之弱喇。
不過咁樣都好嘅，因為跟屬性嘅話，有啲精靈一開始嘅設定，就同佢本身嘅能力值差太遠。分咗特攻物攻之後，反而成件事變得合理。不過之前嗰啲精靈配招，就全部都要改曬佢啦。
另外由於珍珠鑽石呢係NDS上面第一隻出嘅遊戲，咁焗住佢要用雙屏幕設計。咁都有啲設計呢係要用到雙屏幕，就係後面會講嘅pokémon手錶。有個手錶功能有好多嘅，冇霸住個主螢幕，係另外一個螢幕度用，都算係運用咗NDS雙螢幕嘅設計。
另外對戰中唔再喺主畫面揀指令或者招式，全部會移咗落去下面嘅屏幕，咁我都可以話有改善嘅，至起碼個主螢幕冇畀你嗰啲指定遮住，不過個改變其實就唔係話真係去到太大。
另外呢一集多咗環球交易大樓，只要你有wi-fi連接你部主機，你就可以同世界各地任何一個玩家進行精靈交換。而且亦都出現咗奇蹟交換，即係你放一隻精靈出去，會隨機同任何一個有連去網路嘅人交換精靈，你唔知會得到啲咩返嚟㗎。呢個功能好正。
仲有呢一代呢有一個比較奇怪位，就係如果你收到一隻，唔同地區或者語言嘅精靈，再攞去孵蛋，得到閃光精靈嘅機會提升好多。令到大家不停咁去拆閃光精靈。另外呢一代都新增咗不少新特性，仲有隱藏能力，其中拾荒能力又強化咗，竟然可以拎到進化石。
Pokemon 手錶
另外今集新增手錶功能，嚟到2026年，我就咁睇返轉頭，覺得其實佢都似而家嘅智能手錶。
遊戲裏面用嚟用去都係用嗰兩三個功能，唔上網查都唔知原來有25種應用程式喺個手錶入面嘅。
比較有用的功能有
有最基本嘅畀你睇時間，仲有孵蛋必定要用嘅計步器。
另外仲有親密度檢測器，終於都唔使去NPC嗰度先見到佢親密度啦。另外仲有非常實用嘅尋寶器，只要你點擊個螢幕，就會探測附近有嘅隱藏道具。如果真係有道具嘅話呢會用圓點嘅表示。
另外，仲有樹果探測器，咁係會顯示喺地圖上，顯示有成熟樹果嘅地點，咁呢一個都算係有用。跟住仲有蛋嘅檢測，呢個真係非常有用。佢可以顯示你喺培育屋裏面，兩隻精靈係咪有生到蛋嘅。咁你要點擊螢幕先至會更新，先至會知道究竟你兩隻精靈有冇生到蛋。咁就唔使下下都估估下，又飛返去培育屋嗰度睇有冇生蛋。呢個真心方便。另外有一個非常實用嘅能力，就係標記地圖。嗱唔係淨係畀你自己落標記嘅，最大用途就係可以探測，四周圍遊走嘅神獸究竟係邊度呀。三聖菇裏面其中有一隻就一定會遊走。仲有美夢神即係克雷色利亞，都係會遊走，你都可以用呢個地圖去探測嘅。
跟住嗰個能力，就非常有用得就係精靈嘅追蹤計數器，咁呢一個喺刷連鎖精靈嘅時候會好有用嘅，呢一個後面會再講。跟住嗰個係招式效果探測器，對於喺當時網路資源都唔係太多嘅時候，都有用嘅。因為當你用一個招式，而對手有兩個屬性嘅時候，你根本就唔會太清楚，究竟你嘅招式係會對對手造成絕佳嘅傷害，定係對手會有抗性。不過嚟到2026年呀大家都上網查，咁所以呢去到而家就真係冇用，不過當時嚟講係有用嘅。
配合到檢測器，呢一個係關於生蛋個方面，你可以測試下兩隻精靈究竟係可唔可以生到蛋嘅。
跟住嗰真心無乜用啦
pokémon履歷喎，係按返順序顯示最近獲得嘅精靈。呢個要嚟做乜?
跟住仲有計數器，無乜點用過。有指針錶。其實咪即係一個鐘。
跟住呢一個，我就真係冇用過。就係探測附近有冇人，係進行緊無線通訊。咁如果你喺街度攞住個NDS嚟玩，就可以搵到究竟有邊一個通訊，然後同佢交換精靈或者玩個地底世界。擲硬幣喎，即係純粹考下你啲運氣嘅啫。
仲有月曆呀，你喺屋企冇月曆睇㗎咩。
畫像素畫喎，唔係冇用嘅。即係畀你玩下咁樣囉。
跟住係輪盤。咁我唔好知個輪盤究竟個用處喺邊度。
另外仲有計時器，變色器，仲有又係計時器喎，不過呢次係秒錶。
仲有計數機。畀你畫下公仔嘅便條紙，你有冇用過呢?
另外仲有可以查你自己啲精靈嘅狀況喎，呢一個就比較有啲無謂，本身你自己撳入去睇精靈咪已經睇到囉。
最後係鬧鐘，都係一啲有無都無關係的功能。
咁總結而言，有啲就有用，有啲就唔知要嚟做乜啦。不過佢個設計，去到而家2026年睇返，就真係似而家嘅智能手錶。
超強道具
另外，呢一代亦都創造咗好多神級嘅戰鬥道具，去到而家都仲有人用緊。
譬如話氣勢玻帶，講究頭巾，講究眼鏡，呢一個世代之前，最多都係得講究頭帶，只強化物攻。
仲有火焰寶珠，劇毒寶珠，美納斯強化之路就係第四代開始形成㗎喇。仲有達人帶，使出效果絕佳招式嘅時候呢威力會再上升。
仲有好緊要嘅紅線呀，呢個生6v蛋必備嘅道具，原來就係喺第四代出現嘅。
仲有一大堆抗屬性嘅樹果，呢啲樹果係會減半特定屬性效果絕佳嘅傷害，原來都係呢一代出現。
可能因為配合物攻特攻分家嘅關係，就多咗好多超級實用嘅道具出現，去到而家都仲有人用緊。
沒有火系的神奧
呢一代火系成為咗設計嘅重災區，點解咁講，因為神奧地區新增嘅火系精靈太少，得御三家嗰隻火系，鴨嘴炎獸，爆咗機之後先至拎到的席多藍恩。咁你喺未玩完一週目之前，你成個遊戲裏面淨係可以捉到兩隻火系，第一隻就係御三家嗰隻火系，另外仲有小火馬，冇喇，得兩隻嘅啫。 就算今集有同舊世代嘅聯動機制，即係所謂嘅雙插槽模式，你都冇辦法可以喺一週目之前用到，咁你就捉唔到舊世代嗰啲火系用。咁樣嘅話，你唔揀火係御三家，就淨係得小火馬一隻火系用㗎喇喎，嘩……
會唔會太苛刻呀，本身火系精力嘅數量都已經唔係好多㗎喇喎。仲要得一隻可以用，好彩烈焰馬都算快嘅。
不過最搞笑嘅就係，有一個四天王叫大葉，佢係火系四天王。佢五隻精靈都係得兩隻係火系，連四天王都只可以攞到兩隻火系。鴨嘴炎獸雖然真係新增嘅精靈，但係一周目遊戲流程裏面，你係完全唔會遇到佢。
搞到連四天王都冇得用，結果佢要搭三隻淨係可以用火系招式嘅精靈，苛刻到連四天王都限制埋。
好慢
呢一集最大敗北位係好慢，由出精靈個動畫，到單車，最後連衝浪嗰陣都勁慢。衝浪嗰陣，真心好慢，隔離游水嗰NPC都快過我啊。
連加經驗值嗰條槽都好慢，對比返第三代條槽，同第四代條槽，點解會大倒退？仲有遊戲有機會行入去沼澤同大風雪，嗰都又係勁拖時間。
攪到成個遊戲體驗都好慢
不在神奧圖鑑的神獸
神奧地區圖鑑最多都係去到編號151嘅，即係包咗三聖菇，兩隻時空龍同埋瑪納霏。只不過你喺遊戲裏面，其實你會見到其他嘅神獸，都係神奧地區出㗎喎，例如騎拉帝納，達克萊伊，阿爾宙斯，克雷色利亞，其中嘅一條柱啦，席多藍恩，呢啲都係喺神奧地區出嘅神獸嚟㗎喎，但係哋唔包喺神奧圖鑑度。不過全國圖鑑都仲見到嘅。
咁我就好奇喇，喺神奧地區出嘅神獸，都唔喺神奧圖鑑裏面，淨係喺全國圖鑑先至有，咁佢哋究竟係屬於乜嘢地區。
另外我想講今集嗰啲神獸，其實遊戲裏面冇咩提示。克雷色利亞已經叫做比較直接，因為喺水脈巿有一間屋，你入去傾傾下計就發現呢有一個靚仔瞓咗張床度嘅，就算你唔識日文，都好啦，咁你再去同其他npc對話嘅時候，就發現本身幫手揸船去鋼鐵島嘅嗰個人，佢就會有其他嘅對話，就算你亂撳呢都會撳咗入去捉克雷色利亞嗰個島，咁你見到克雷色利亞後，佢就會逃走。然後就會喺神奧地區任何一個位置，不停喺度走嚟走去㗎喇，咁已經成日好直接。仲有騎拉帝納就唔使官方派送，禮物都唔需要呀，你打爆咗機，佢就會出㗎喇，不過究竟係邊個位置。係喺214號路行落去中間，有一個樹林突然間有條路多出嚟嘅，嘩…呢個位你唔特登行呢條路你真係唔會知㗎喎。遊戲內提示真係好少，好似係去返神和鎮同返竹蘭嗰個嫲嫲對話，就會有少少嘅提示，但係都唔係好明顯嘅，最主要都係靠玩家，不停喺度走嚟走去，先至發現到原來嗰個位有得畀你捉騎拉帝納。
仲有雷吉奇卡斯，即係最後一條柱啦。佢嗰個神殿本身就唔畀入嘅，打爆咗機之後就畀入啦。不過你去到最底，係咁調查佢你都冇反應嘅。如果你玩過第三代，都知佢應該係同第三代嗰幾條柱係有啲關連嘅，但係我喺珍珠鑽石係冇得捉返第三代嗰幾條柱，即係我一定要用雙插槽模式，將個三條柱全部過返過嚟喇喎，咁但係遊戲裏面，其實就冇咩提示嘅，點樣可以令到玩家係呢個冇咩提示嘅情況之下，都可以識得將個三條柱傳返嚟，而喚醒呢一條柱呢? 咁其他嗰啲神獸，因為好多都同官方派送有關，派送時應該會有相關資訊，就唔特別講了。
沒有資料的神奧新精靈
咁除咗神獸之外，其實仲有其他精靈，都係冇乜資訊嘅，但係佢哋係神奧精靈嚟㗎喎，譬如葉伊貝，冰伊貝，電擊魔獸等等，其實都係喺呢一代新增嘅進化形態嚟嘅
咁但係呢遊戲裏面，就算訓練家都比較少用呢幾隻精靈，咁神奧地區嘅圖鑑又無佢哋，係去到全國圖鑑，你就要發現有十幾個編號係冇精靈㗎喎。遊戲裏面，都係冇提示話畀你知，呢啲精靈係點樣攞到嘅。好多時都係靠玩家自己亂撞先撞到，咁葉伊貝同埋冰伊貝都叫做容易撞到嘅，因為遊戲裏面有一個位置，係周圍好多草，然後中間有一舊綠色嘅石，又或者好大風雪中間有一舊好大嘅冰塊，咁都叫做有機會估到係同呢兩舊石有關。
只不過有一啲你真係冇辦法估到，譬如話電擊魔獸，佢係需要攜帶道具電力增幅器，再同其他玩家交換精靈先至進化嘅。但就連呢個電力增幅器，都要去到白金版，先至可以喺發電廠攞到，如果唔係你就只可以喺本傳以外嘅一啲小遊戲，或者叫小設備，叫pokemon計步器，行咗一定步數，就可以同返你本身隻game連動，用wi-fi攞禮物。
又或者用雙插槽模式，咁你都有機會可以攞到電擊怪，電擊怪好似都有機率係會攞住呢個道具嘅。但係就算我畀你捉咗電擊怪，係有呢個道具都好啦。你都唔會無端端知道，係要用交換精靈嘅方式進化㗎喎。即係官方逼住你一定要買佢嗰啲攻略書先知，咁有啲唔係幾好喎，好似有啲殘喎。
超多的連動方法
另外啱啱都提及過，有唔同嘅連動方式，包括有雙插槽模式，可以將火紅葉綠版嘅卡帶又或者將紅藍綠寶石版嘅卡帶，插喺nds嗰度，咁你就可以喺唔同嘅草叢嗰度，見返舊世代到嘅精靈，不過要爆咗一週目之後先。另外其實你都可以用呢個方法，直接傳啲精靈過去珍珠鑽石版嘅，不過就需要用到夥伴公園，都係喺爆機之後先至可以畀你去到。而且每一日，好似只係限傳6隻精靈過去夥伴公園，咁你傳咗去夥伴公園之後，你仲要行入去，再用精靈球去捉返佢嘅，不過100%捕捉機率。不過呢兩個都唔係最特別，最特別就係佢仲可以同喺nds上面都可以玩嘅pokemon遊戲--Pokemon巡護員 英文係Pokémon Ranger呢一隻遊戲連動嘅。最主要都係為咗攞瑪納霏隻蛋。咁就算巡護員之後再有其他作品，都好似可以傳返呢一代嘅作品連動嘅。
仲有，仲可以同之後出嘅Wii裏面嘅pokemon對戰革命同埋pokemon牧場聯動。呢一個連動，係為咗可以再傳畀再下一代嘅遊戲裏面嘅，個作用同pokemon home類似。
特別方法捕捉精靈
今集已經開始新增一啲比較特殊方式，先至可以捉到嘅精靈，譬如花岩怪要喺地底世界同32個人對話完，先至可以捉到嘅。之後仲有甜甜蜜樹，可以係甜甜蜜樹有機會捉到結草兒，三蜜蜂，同埋小卡比獸，小卡比獸係隨機喺四棵樹先有，好難捉到呀。
另外仲有飄飄球，星期五係發電廠被你見到嘅，係定點見到。咁當然唔少都仲有醜醜魚啦，都係好似第三代咁，係某幾個點先至可以捉到。另外仲有落托姆，係呢一集新出嘅精靈，咁你一定要係打爆咗機之後，再去八代森林嗰間旅館，要夜晚去喎，調查電視機，佢就出嚟同你對戰，然後你就可以捉佢喇。咁為捉精靈添加咗唔少嘅色彩呀。
超級華麗大賽!
當然唔少得嘅就係有華麗大賽，嚟都第四代變咗做超級華麗大賽，不過我覺得冇之前嗰代咁好玩。
首先佢嘅形式呢分拆咗做三個部分，第一部分都依然係要觀賞你隻精靈嘅外表，不過就加咗好多飾物囉，而且每一次嘅華麗大賽有唔同個主題嘅，你要跟返唔同嘅主題，揀返啱嘅飾物先至可以攞到高分嘅，咁但係你啲飾物究竟啱唔啱個主题，其實你唔知嘅，係要上網查係先知嘅。我而家都係去上網查呢先至知我要拎啲乜嘢飾物嘅啫。
第二部分玩跳舞喇，咁係用盡咗nds嘅功能㗎喇，呢一part比較容易就冇咩特別嘢講喇。
最後嗰part就同之前嘅華麗大賽一樣，都係要出招式博取評審歡心，不過呢有樣嘢改咗嘅，就係所有招式都冇妨害能力㗎喇。即係話你唔會因為出咗招式而令到其他對手嘅心心減少，淨係會增加心心嘅啫，咁妨害嗰方面呢，就淨係可以減低評判嘅熱情，又或者令到對手作出表演嘅時候，評判熱情都唔會提高，最多嘅妨害都係咁嘅啫。淨返嘅效果就有第一次出場表演就加兩個心心，最後一次出嚟表演又加唔知幾多心心，又或者下一個回合第一個表演先，又或者下一個回合嘅評價變成兩倍等等等等啦。不過今集都有少少變化嘅，就係有三個評判，咁你每一次表演完之後，評判會加分數比表演者。不過如果幾個參賽者，都揀同一個評判嚟做表演嘅時候，最後加心心嘅數量會少咗。如果得一個人揀嘅時候，個評判就會加多三個心心畀你，如果有兩個人揀嘅話，咁兩個都會有兩個心心，如果三個人揀同一個評判，三個都只會加一個心心。遊戲裏面都仲有一啲招式，係會寫到明，如果全部精靈都揀咗同一個評判嘅話，就會加15個心心畀你添，好多呀。不過我玩咁耐，都冇見過，頂多都係三個參賽者揀同一個。
咁但係因為冇咗妨害能力嘅關係，我覺得嗰個刺激嘅程度就少咗好多喇。而且啲招式效果，就冇咁豐富。對上嗰一代真係啲招式效果豐富好多嘅，今次我搵招式都唔使搵太多時間，因為來來去去都係得嗰幾個效果。仲有對手個戰鬥力，冇之前咁誇張呀。可能因為多咗前面兩個模式，官方唔想將成個比賽搞到太複雜，所以最後一個模式想簡單啲。
刷閃光精靈!
爆機之後會得到道具pokemon追蹤，除咗可以畀你遇到一啲新嘅精靈之外，仲可以幫你刷到閃光嘅精靈。呢一個就同我頭先講嘅pokémon手錶裏面，其中一個功能有關。
咁當你用咗pokemon追蹤嘅時候，喺周圍嘅草叢就會搖動，咁你只要行咗入去其中一個草叢嗰度，就會遇到精靈，你就打敗佢，又或者捉咗佢啦。咁你打完佢之後，草叢又會即刻搖動㗎喇，咁你再行去其他草叢，你又會再見返你頭先見到嘅嗰隻精靈嘅。不過記住喇，草叢搖動嘅幅度，都會影響到你究竟見邊隻精靈嘅。如果你一開始係入去搖動幅度大嘅草叢，之後打完嗰隻精靈，你都要去返個搖動幅度大嘅草叢，先至會遇到同一隻精靈嘅。
如是者，不斷咁樣重複呢一個步驟，你嗰個閃光精靈出現嘅機會呢8192分之一，不停咁樣提高㗎。只要連鎖到40次，就會去到200分之一。咁只要你一路繼續落去，基本上可以刷到100%閃光精靈嘅。當然啦呢個刷閃光精靈嘅方法，係需要好多技巧同埋好多資源嘅。不過既然可以得到100%閃光精靈，咁有好多玩家係嗰時候都不斷不斷喺度咁樣刷㗎喇。
NPC同伴
今集嘅遊戲多咗啲npc同伴呀，咁係玩到遊戲某一個位置時候，個npc可能會同你一齊去冒險，又或者通過某一個區域。其中一個必定會遇到嘅就係芽米啦。百代森林一定會同你一齊行嘅，咁其他npc好似唔係100%一定會遇到嘅。不過啲npc就好無情，你同佢一齊行嗰段路之後，一個禮物都唔畀你，直接走咗去就算數啦，所以我覺得呢一個設定有啲怪怪哋，好彩之後都好似冇再出現呀。
又對戰塔!?
珍珠鑽石打爆咗機之後，又有一個新區域。咁除咗可以捉到席多藍恩之外呢，仲可以玩對戰塔呀，冇錯又係對戰塔呀，又係要打唔知幾多場呀。
不過今集呢個對戰塔我覺得呢比較簡單，因為玩頭三輪對戰，對手都有啲未完全進化嘅精靈出嚟打嘅，而且得到嘅分數會多少少，每一次打完都有三分，咁頭三輪打到最後一個，就係對戰塔嘅主腦，即係勁敵嘅老豆啦。打完佢好似有二十點。
難度調低咗少少，我覺得係為咗確保，玩家起碼打到三輪，起碼有廿幾分對戰點數先，而唔係下下都係得三分三分咁樣拎呀。如果下下都係靠打七場先至拎到三分，之後好容易又輸，應該冇乜人肯再繼續打落去，咁所以起碼都畀你容易啲打到頭三輪，畀你攞到廿幾分。先至可以畀你容易啲，換到少少道具呀我心諗，又係對戰塔，會唔會太冇誠意呢，不過我記得去金白金版，就會有好似綠寶石板嘅開拓區㗎喇。
地底世界
今集仲新增咗地底世界添呀，咁地底世界主要為咗掘化石同埋掘進化石嘅啫，因為喺遊戲裏面執到進化石嘅機會，好似好低呀，不過掘就掘到好多出嚟啦，同埋就係為咗可以拎花岩怪，因為喺地下世界可以同唔玩家接觸，接觸夠32個玩家之後，就可以出花岩怪㗎喇，咁都算係多咗另外一個玩法嘅，不過就好嘥時間囉。
可怕的五星訓練卡
好喇最後最後我要講嘅就係，今集嘅五星訓練卡達到嘅條件非常苛刻，咁首先登入名人堂就可以攞到一粒星，之後就有勝出超級華麗大賽其中一個項目嘅大師比賽，就可以攞到另一粒星，一個相對上一集嚟講呢係調低咗個難度，唔使你喺每一個類別都攞到大師級優勝先至可以攞到粒星。之後就有對戰塔100連勝，之前好似得50連勝嘅啫，而家加到100連勝啦，不過呢個都唔係最難呀。
仲有一粒係地下通道奪取50個秘密基地嘅旗。喺地下通道其實你仲可以開秘密基地，即係好似紅藍綠寶石版嘅秘密基地一樣，咁你裏面可以插旗嘅，咁你可以同其他朋友連線去其他嘅朋友嗰度，偷佢支旗再帶返去你自己基地度，不過每一次都只可以偷一支旗。咁要偷50次喎，咁其實有啲煩嘅，不過呢個都只係花多少少時間，最後一個真係好難呀。
就係要完成全國圖鑑喇，你冇睇錯唔係完成神奧圖鑑，係完成全國圖鑑，嘩……呢個真係一個好艱巨嘅任務呀 .
你知道當時嘅全國圖鑑已經有493隻精靈，有好多神獸你都要透過官方派送先至可以攞到，咁就算我當你真係攞曬先算，咁你仲有一啲唔知點樣進化精靈，咁我當你都買埋個攻略書，咁你又知點進喎，咁仲有前嗰幾個世代精靈，究竟有幾多個人，係真係買紅寶石版，藍寶石版，綠寶石版，火紅版同埋葉綠版，仲要捉哂精靈喎，仲要肯慢慢傳啲精靈過去珍珠鑽石版，你要知道唔係畀你無限量過啲精靈過去，咁每一日好似都係比過六隻。咁就要好花時間先至可以過,哂精靈過去㗎啦。咁就算你冇捉曬精靈，都唔緊要嘅，你用雙插槽模式都可以捉返精靈嘅。不過捉精靈就冇得捉御三家，淨係捉到其他，已經叫相對仁慈少少㗎喇，因為個漏洞淨係喺御三家嗰度出現，咁即係其實得幾隻你係捉唔到嘅啫。咁你都仲可以問朋友傳咗畀你嘅，因為每一個玩家一開始都揀一隻御三家㗎嘛，不過呢一個全國圖鑑，真係非常之花時間，咁我今次個gameplay我都冇去完成呢個五星訓練卡。
當年嘅玩家，你哋究竟係點樣玩嘅，尤其係nds出珍珠鑽石嗰陣時候，其實GBA都已經畀人淘汰㗎喇喎，但係佢偏偏就要你買返gba嗰個卡帶插返落去個nds嗰度，去捉精靈喎。咁我覺得呢個設計真係玩殘啲玩家嘅，你要喺nds嗰年代玩返上世代嗰啲卡帶，仲要咁做一定會畀人炒到好貴嘅。即係好似你而家2026年你要玩返啲舊嘅實體版遊戲時，都一定係畀人炒到好貴㗎喇，變相除咗時間同埋有無心機嘅問題之外，係有金錢上啲問題。你要玩返前嗰一代遊戲，仲要玩齊曬咁多個版本，要好多錢啊，呢個訓練卡五星嘅條件真係有啲苛刻。
完整影片
故事劇情
故事由一則「尋找紅色ギャラドス（紅色鯉魚龍）」的新聞開始，主角同勁敵阿馴因為好奇跑去「心齊湖」，結果遭遇野生精靈襲擊，無意中使用了山梨博士遺留的手提箱，使用御三家戰鬥，旅程正程開始。
係挑戰8個道館的過程中，遇見無數次今集的邪惡組織，銀河隊。首先係佢哋想帶走山梨博士，希望博士對精靈的知識去，幫佢哋完成操控帝牙盧卡/帕路奇亞的目的。不過被主角同博士助手明輝阻止咗。
銀河隊之後佔領咗發電廠，為咗要拎大量電力去，去運作一個機器去控制三聖菇，因為銀河隊知道三聖菇可以造出能束縛神明的「紅色鎖鏈」，而呢部機器需要大量電力去運作。不過最後都被主角搶返發電廠。遊戲一路推進劇情會去到神和鎮，係今集冠軍竹蘭的婆婆口中得知神奧的傳說。
「當神明創造這個世界的時候，時間開始流動，空間開始延伸。但神明的力量太過絕對、太過強大。於是，祂們同時創造了三隻湖之寶可夢。」
「這三隻寶可夢，代表着生命最核心的『心靈』。只要這三隻精靈存在，牠們心靈的力量就會像一條無形的鎖鏈，死死地鎖住時空神獸的力量，讓世界保持完美的平衡。」意思係神明雖然擁有摧毀和重組宇宙的物質力量，但古老的規矩是：「物質必須受到心靈的制約」。只要人類和精靈擁有心靈（知識、情感、意志），時空神獸就不會輕易暴走，世界就能安穩運作。
之後就出現銀河隊搶三聖菇的事件，今次阻唔到佢哋了，佢哋真係捉咗三聖菇。唯有有去銀河隊基地，去解救三聖菇同消滅銀河隊了。去到基地同赤日對戰，先知道佢想點，我要利用時空神獸的力量，將這整個宇宙連同所有的心靈徹底格式化（Format）——我要創造一個沒有任何情感、絕對純淨、完全由我意志主宰的完美新宇宙！
這意味著，佢要的是一場無差別的宇宙大清洗，連佢自己嘅部下都會一併被抹消。
雖然打敗咗赤日，最後都救咗三聖菇，但為時以晚了，可以操控時空獸的「紅色鎖鏈」已經完成，佢哋要去天冠山控制時空獸了。去到天冠山，已經見到赤日成功召換緊時空獸出嚟了，不過佢計少咗一樣嘢，就係被主角放生咗三聖菇。可能因為主角救三聖菇的關係，令三聖菇力量得以恢復，破壞咗「紅色鎖鏈」，令到赤日計劃破滅，最後敗走，不過時空獸都係被召換咗出嚟，要由主角收尾。
解決完時空獸事件，就要打八個道館同四天王，再加埋今集冠軍，人氣好高的竹蘭姐，最後故事係登入名人堂後，暫時告一段落。
系統升級
嚟到第四代遊戲，遊戲系統嚟個大更新，就係每一個招式都有分特攻或者物攻。呢一個改變呢影響好大，唔再係跟屬性去分特攻或者特攻。咁有好有唔好啦，有啲精靈就係因為咁樣，而得到好強嘅能力。不過有一啲就因為呢一個特攻物攻分家改變，就變到非常非常之弱喇。
不過咁樣都好嘅，因為跟屬性嘅話，有啲精靈一開始嘅設定，就同佢本身嘅能力值差太遠。分咗特攻物攻之後，反而成件事變得合理。不過之前嗰啲精靈配招，就全部都要改曬佢啦。
另外由於珍珠鑽石呢係NDS上面第一隻出嘅遊戲，咁焗住佢要用雙屏幕設計。咁都有啲設計呢係要用到雙屏幕，就係後面會講嘅pokémon手錶。有個手錶功能有好多嘅，冇霸住個主螢幕，係另外一個螢幕度用，都算係運用咗NDS雙螢幕嘅設計。
另外對戰中唔再喺主畫面揀指令或者招式，全部會移咗落去下面嘅屏幕，咁我都可以話有改善嘅，至起碼個主螢幕冇畀你嗰啲指定遮住，不過個改變其實就唔係話真係去到太大。
另外呢一集多咗環球交易大樓，只要你有wi-fi連接你部主機，你就可以同世界各地任何一個玩家進行精靈交換。而且亦都出現咗奇蹟交換，即係你放一隻精靈出去，會隨機同任何一個有連去網路嘅人交換精靈，你唔知會得到啲咩返嚟㗎。呢個功能好正。
仲有呢一代呢有一個比較奇怪位，就係如果你收到一隻，唔同地區或者語言嘅精靈，再攞去孵蛋，得到閃光精靈嘅機會提升好多。令到大家不停咁去拆閃光精靈。另外呢一代都新增咗不少新特性，仲有隱藏能力，其中拾荒能力又強化咗，竟然可以拎到進化石。
Pokemon 手錶
另外今集新增手錶功能，嚟到2026年，我就咁睇返轉頭，覺得其實佢都似而家嘅智能手錶。
遊戲裏面用嚟用去都係用嗰兩三個功能，唔上網查都唔知原來有25種應用程式喺個手錶入面嘅。
比較有用的功能有
有最基本嘅畀你睇時間，仲有孵蛋必定要用嘅計步器。
另外仲有親密度檢測器，終於都唔使去NPC嗰度先見到佢親密度啦。另外仲有非常實用嘅尋寶器，只要你點擊個螢幕，就會探測附近有嘅隱藏道具。如果真係有道具嘅話呢會用圓點嘅表示。
另外，仲有樹果探測器，咁係會顯示喺地圖上，顯示有成熟樹果嘅地點，咁呢一個都算係有用。跟住仲有蛋嘅檢測，呢個真係非常有用。佢可以顯示你喺培育屋裏面，兩隻精靈係咪有生到蛋嘅。咁你要點擊螢幕先至會更新，先至會知道究竟你兩隻精靈有冇生到蛋。咁就唔使下下都估估下，又飛返去培育屋嗰度睇有冇生蛋。呢個真心方便。另外有一個非常實用嘅能力，就係標記地圖。嗱唔係淨係畀你自己落標記嘅，最大用途就係可以探測，四周圍遊走嘅神獸究竟係邊度呀。三聖菇裏面其中有一隻就一定會遊走。仲有美夢神即係克雷色利亞，都係會遊走，你都可以用呢個地圖去探測嘅。
跟住嗰個能力，就非常有用得就係精靈嘅追蹤計數器，咁呢一個喺刷連鎖精靈嘅時候會好有用嘅，呢一個後面會再講。跟住嗰個係招式效果探測器，對於喺當時網路資源都唔係太多嘅時候，都有用嘅。因為當你用一個招式，而對手有兩個屬性嘅時候，你根本就唔會太清楚，究竟你嘅招式係會對對手造成絕佳嘅傷害，定係對手會有抗性。不過嚟到2026年呀大家都上網查，咁所以呢去到而家就真係冇用，不過當時嚟講係有用嘅。
配合到檢測器，呢一個係關於生蛋個方面，你可以測試下兩隻精靈究竟係可唔可以生到蛋嘅。
跟住嗰真心無乜用啦
pokémon履歷喎，係按返順序顯示最近獲得嘅精靈。呢個要嚟做乜?
跟住仲有計數器，無乜點用過。有指針錶。其實咪即係一個鐘。
跟住呢一個，我就真係冇用過。就係探測附近有冇人，係進行緊無線通訊。咁如果你喺街度攞住個NDS嚟玩，就可以搵到究竟有邊一個通訊，然後同佢交換精靈或者玩個地底世界。擲硬幣喎，即係純粹考下你啲運氣嘅啫。
仲有月曆呀，你喺屋企冇月曆睇㗎咩。
畫像素畫喎，唔係冇用嘅。即係畀你玩下咁樣囉。
跟住係輪盤。咁我唔好知個輪盤究竟個用處喺邊度。
另外仲有計時器，變色器，仲有又係計時器喎，不過呢次係秒錶。
仲有計數機。畀你畫下公仔嘅便條紙，你有冇用過呢?
另外仲有可以查你自己啲精靈嘅狀況喎，呢一個就比較有啲無謂，本身你自己撳入去睇精靈咪已經睇到囉。
最後係鬧鐘，都係一啲有無都無關係的功能。
咁總結而言，有啲就有用，有啲就唔知要嚟做乜啦。不過佢個設計，去到而家2026年睇返，就真係似而家嘅智能手錶。
超強道具
另外，呢一代亦都創造咗好多神級嘅戰鬥道具，去到而家都仲有人用緊。
譬如話氣勢玻帶，講究頭巾，講究眼鏡，呢一個世代之前，最多都係得講究頭帶，只強化物攻。
仲有火焰寶珠，劇毒寶珠，美納斯強化之路就係第四代開始形成㗎喇。仲有達人帶，使出效果絕佳招式嘅時候呢威力會再上升。
仲有好緊要嘅紅線呀，呢個生6v蛋必備嘅道具，原來就係喺第四代出現嘅。
仲有一大堆抗屬性嘅樹果，呢啲樹果係會減半特定屬性效果絕佳嘅傷害，原來都係呢一代出現。
可能因為配合物攻特攻分家嘅關係，就多咗好多超級實用嘅道具出現，去到而家都仲有人用緊。
沒有火系的神奧
呢一代火系成為咗設計嘅重災區，點解咁講，因為神奧地區新增嘅火系精靈太少，得御三家嗰隻火系，鴨嘴炎獸，爆咗機之後先至拎到的席多藍恩。咁你喺未玩完一週目之前，你成個遊戲裏面淨係可以捉到兩隻火系，第一隻就係御三家嗰隻火系，另外仲有小火馬，冇喇，得兩隻嘅啫。 就算今集有同舊世代嘅聯動機制，即係所謂嘅雙插槽模式，你都冇辦法可以喺一週目之前用到，咁你就捉唔到舊世代嗰啲火系用。咁樣嘅話，你唔揀火係御三家，就淨係得小火馬一隻火系用㗎喇喎，嘩……
會唔會太苛刻呀，本身火系精力嘅數量都已經唔係好多㗎喇喎。仲要得一隻可以用，好彩烈焰馬都算快嘅。
不過最搞笑嘅就係，有一個四天王叫大葉，佢係火系四天王。佢五隻精靈都係得兩隻係火系，連四天王都只可以攞到兩隻火系。鴨嘴炎獸雖然真係新增嘅精靈，但係一周目遊戲流程裏面，你係完全唔會遇到佢。
搞到連四天王都冇得用，結果佢要搭三隻淨係可以用火系招式嘅精靈，苛刻到連四天王都限制埋。
好慢
呢一集最大敗北位係好慢，由出精靈個動畫，到單車，最後連衝浪嗰陣都勁慢。衝浪嗰陣，真心好慢，隔離游水嗰NPC都快過我啊。
連加經驗值嗰條槽都好慢，對比返第三代條槽，同第四代條槽，點解會大倒退？仲有遊戲有機會行入去沼澤同大風雪，嗰都又係勁拖時間。
攪到成個遊戲體驗都好慢
不在神奧圖鑑的神獸
神奧地區圖鑑最多都係去到編號151嘅，即係包咗三聖菇，兩隻時空龍同埋瑪納霏。只不過你喺遊戲裏面，其實你會見到其他嘅神獸，都係神奧地區出㗎喎，例如騎拉帝納，達克萊伊，阿爾宙斯，克雷色利亞，其中嘅一條柱啦，席多藍恩，呢啲都係喺神奧地區出嘅神獸嚟㗎喎，但係哋唔包喺神奧圖鑑度。不過全國圖鑑都仲見到嘅。
咁我就好奇喇，喺神奧地區出嘅神獸，都唔喺神奧圖鑑裏面，淨係喺全國圖鑑先至有，咁佢哋究竟係屬於乜嘢地區。
另外我想講今集嗰啲神獸，其實遊戲裏面冇咩提示。克雷色利亞已經叫做比較直接，因為喺水脈巿有一間屋，你入去傾傾下計就發現呢有一個靚仔瞓咗張床度嘅，就算你唔識日文，都好啦，咁你再去同其他npc對話嘅時候，就發現本身幫手揸船去鋼鐵島嘅嗰個人，佢就會有其他嘅對話，就算你亂撳呢都會撳咗入去捉克雷色利亞嗰個島，咁你見到克雷色利亞後，佢就會逃走。然後就會喺神奧地區任何一個位置，不停喺度走嚟走去㗎喇，咁已經成日好直接。仲有騎拉帝納就唔使官方派送，禮物都唔需要呀，你打爆咗機，佢就會出㗎喇，不過究竟係邊個位置。係喺214號路行落去中間，有一個樹林突然間有條路多出嚟嘅，嘩…呢個位你唔特登行呢條路你真係唔會知㗎喎。遊戲內提示真係好少，好似係去返神和鎮同返竹蘭嗰個嫲嫲對話，就會有少少嘅提示，但係都唔係好明顯嘅，最主要都係靠玩家，不停喺度走嚟走去，先至發現到原來嗰個位有得畀你捉騎拉帝納。
仲有雷吉奇卡斯，即係最後一條柱啦。佢嗰個神殿本身就唔畀入嘅，打爆咗機之後就畀入啦。不過你去到最底，係咁調查佢你都冇反應嘅。如果你玩過第三代，都知佢應該係同第三代嗰幾條柱係有啲關連嘅，但係我喺珍珠鑽石係冇得捉返第三代嗰幾條柱，即係我一定要用雙插槽模式，將個三條柱全部過返過嚟喇喎，咁但係遊戲裏面，其實就冇咩提示嘅，點樣可以令到玩家係呢個冇咩提示嘅情況之下，都可以識得將個三條柱傳返嚟，而喚醒呢一條柱呢? 咁其他嗰啲神獸，因為好多都同官方派送有關，派送時應該會有相關資訊，就唔特別講了。
沒有資料的神奧新精靈
咁除咗神獸之外，其實仲有其他精靈，都係冇乜資訊嘅，但係佢哋係神奧精靈嚟㗎喎，譬如葉伊貝，冰伊貝，電擊魔獸等等，其實都係喺呢一代新增嘅進化形態嚟嘅
咁但係呢遊戲裏面，就算訓練家都比較少用呢幾隻精靈，咁神奧地區嘅圖鑑又無佢哋，係去到全國圖鑑，你就要發現有十幾個編號係冇精靈㗎喎。遊戲裏面，都係冇提示話畀你知，呢啲精靈係點樣攞到嘅。好多時都係靠玩家自己亂撞先撞到，咁葉伊貝同埋冰伊貝都叫做容易撞到嘅，因為遊戲裏面有一個位置，係周圍好多草，然後中間有一舊綠色嘅石，又或者好大風雪中間有一舊好大嘅冰塊，咁都叫做有機會估到係同呢兩舊石有關。
只不過有一啲你真係冇辦法估到，譬如話電擊魔獸，佢係需要攜帶道具電力增幅器，再同其他玩家交換精靈先至進化嘅。但就連呢個電力增幅器，都要去到白金版，先至可以喺發電廠攞到，如果唔係你就只可以喺本傳以外嘅一啲小遊戲，或者叫小設備，叫pokemon計步器，行咗一定步數，就可以同返你本身隻game連動，用wi-fi攞禮物。
又或者用雙插槽模式，咁你都有機會可以攞到電擊怪，電擊怪好似都有機率係會攞住呢個道具嘅。但係就算我畀你捉咗電擊怪，係有呢個道具都好啦。你都唔會無端端知道，係要用交換精靈嘅方式進化㗎喎。即係官方逼住你一定要買佢嗰啲攻略書先知，咁有啲唔係幾好喎，好似有啲殘喎。
超多的連動方法
另外啱啱都提及過，有唔同嘅連動方式，包括有雙插槽模式，可以將火紅葉綠版嘅卡帶又或者將紅藍綠寶石版嘅卡帶，插喺nds嗰度，咁你就可以喺唔同嘅草叢嗰度，見返舊世代到嘅精靈，不過要爆咗一週目之後先。另外其實你都可以用呢個方法，直接傳啲精靈過去珍珠鑽石版嘅，不過就需要用到夥伴公園，都係喺爆機之後先至可以畀你去到。而且每一日，好似只係限傳6隻精靈過去夥伴公園，咁你傳咗去夥伴公園之後，你仲要行入去，再用精靈球去捉返佢嘅，不過100%捕捉機率。不過呢兩個都唔係最特別，最特別就係佢仲可以同喺nds上面都可以玩嘅pokemon遊戲--Pokemon巡護員 英文係Pokémon Ranger呢一隻遊戲連動嘅。最主要都係為咗攞瑪納霏隻蛋。咁就算巡護員之後再有其他作品，都好似可以傳返呢一代嘅作品連動嘅。
仲有，仲可以同之後出嘅Wii裏面嘅pokemon對戰革命同埋pokemon牧場聯動。呢一個連動，係為咗可以再傳畀再下一代嘅遊戲裏面嘅，個作用同pokemon home類似。
特別方法捕捉精靈
今集已經開始新增一啲比較特殊方式，先至可以捉到嘅精靈，譬如花岩怪要喺地底世界同32個人對話完，先至可以捉到嘅。之後仲有甜甜蜜樹，可以係甜甜蜜樹有機會捉到結草兒，三蜜蜂，同埋小卡比獸，小卡比獸係隨機喺四棵樹先有，好難捉到呀。
另外仲有飄飄球，星期五係發電廠被你見到嘅，係定點見到。咁當然唔少都仲有醜醜魚啦，都係好似第三代咁，係某幾個點先至可以捉到。另外仲有落托姆，係呢一集新出嘅精靈，咁你一定要係打爆咗機之後，再去八代森林嗰間旅館，要夜晚去喎，調查電視機，佢就出嚟同你對戰，然後你就可以捉佢喇。咁為捉精靈添加咗唔少嘅色彩呀。
超級華麗大賽!
當然唔少得嘅就係有華麗大賽，嚟都第四代變咗做超級華麗大賽，不過我覺得冇之前嗰代咁好玩。
首先佢嘅形式呢分拆咗做三個部分，第一部分都依然係要觀賞你隻精靈嘅外表，不過就加咗好多飾物囉，而且每一次嘅華麗大賽有唔同個主題嘅，你要跟返唔同嘅主題，揀返啱嘅飾物先至可以攞到高分嘅，咁但係你啲飾物究竟啱唔啱個主题，其實你唔知嘅，係要上網查係先知嘅。我而家都係去上網查呢先至知我要拎啲乜嘢飾物嘅啫。
第二部分玩跳舞喇，咁係用盡咗nds嘅功能㗎喇，呢一part比較容易就冇咩特別嘢講喇。
最後嗰part就同之前嘅華麗大賽一樣，都係要出招式博取評審歡心，不過呢有樣嘢改咗嘅，就係所有招式都冇妨害能力㗎喇。即係話你唔會因為出咗招式而令到其他對手嘅心心減少，淨係會增加心心嘅啫，咁妨害嗰方面呢，就淨係可以減低評判嘅熱情，又或者令到對手作出表演嘅時候，評判熱情都唔會提高，最多嘅妨害都係咁嘅啫。淨返嘅效果就有第一次出場表演就加兩個心心，最後一次出嚟表演又加唔知幾多心心，又或者下一個回合第一個表演先，又或者下一個回合嘅評價變成兩倍等等等等啦。不過今集都有少少變化嘅，就係有三個評判，咁你每一次表演完之後，評判會加分數比表演者。不過如果幾個參賽者，都揀同一個評判嚟做表演嘅時候，最後加心心嘅數量會少咗。如果得一個人揀嘅時候，個評判就會加多三個心心畀你，如果有兩個人揀嘅話，咁兩個都會有兩個心心，如果三個人揀同一個評判，三個都只會加一個心心。遊戲裏面都仲有一啲招式，係會寫到明，如果全部精靈都揀咗同一個評判嘅話，就會加15個心心畀你添，好多呀。不過我玩咁耐，都冇見過，頂多都係三個參賽者揀同一個。
咁但係因為冇咗妨害能力嘅關係，我覺得嗰個刺激嘅程度就少咗好多喇。而且啲招式效果，就冇咁豐富。對上嗰一代真係啲招式效果豐富好多嘅，今次我搵招式都唔使搵太多時間，因為來來去去都係得嗰幾個效果。仲有對手個戰鬥力，冇之前咁誇張呀。可能因為多咗前面兩個模式，官方唔想將成個比賽搞到太複雜，所以最後一個模式想簡單啲。
刷閃光精靈!
爆機之後會得到道具pokemon追蹤，除咗可以畀你遇到一啲新嘅精靈之外，仲可以幫你刷到閃光嘅精靈。呢一個就同我頭先講嘅pokémon手錶裏面，其中一個功能有關。
咁當你用咗pokemon追蹤嘅時候，喺周圍嘅草叢就會搖動，咁你只要行咗入去其中一個草叢嗰度，就會遇到精靈，你就打敗佢，又或者捉咗佢啦。咁你打完佢之後，草叢又會即刻搖動㗎喇，咁你再行去其他草叢，你又會再見返你頭先見到嘅嗰隻精靈嘅。不過記住喇，草叢搖動嘅幅度，都會影響到你究竟見邊隻精靈嘅。如果你一開始係入去搖動幅度大嘅草叢，之後打完嗰隻精靈，你都要去返個搖動幅度大嘅草叢，先至會遇到同一隻精靈嘅。
如是者，不斷咁樣重複呢一個步驟，你嗰個閃光精靈出現嘅機會呢8192分之一，不停咁樣提高㗎。只要連鎖到40次，就會去到200分之一。咁只要你一路繼續落去，基本上可以刷到100%閃光精靈嘅。當然啦呢個刷閃光精靈嘅方法，係需要好多技巧同埋好多資源嘅。不過既然可以得到100%閃光精靈，咁有好多玩家係嗰時候都不斷不斷喺度咁樣刷㗎喇。
NPC同伴
今集嘅遊戲多咗啲npc同伴呀，咁係玩到遊戲某一個位置時候，個npc可能會同你一齊去冒險，又或者通過某一個區域。其中一個必定會遇到嘅就係芽米啦。百代森林一定會同你一齊行嘅，咁其他npc好似唔係100%一定會遇到嘅。不過啲npc就好無情，你同佢一齊行嗰段路之後，一個禮物都唔畀你，直接走咗去就算數啦，所以我覺得呢一個設定有啲怪怪哋，好彩之後都好似冇再出現呀。
又對戰塔!?
珍珠鑽石打爆咗機之後，又有一個新區域。咁除咗可以捉到席多藍恩之外呢，仲可以玩對戰塔呀，冇錯又係對戰塔呀，又係要打唔知幾多場呀。
不過今集呢個對戰塔我覺得呢比較簡單，因為玩頭三輪對戰，對手都有啲未完全進化嘅精靈出嚟打嘅，而且得到嘅分數會多少少，每一次打完都有三分，咁頭三輪打到最後一個，就係對戰塔嘅主腦，即係勁敵嘅老豆啦。打完佢好似有二十點。
難度調低咗少少，我覺得係為咗確保，玩家起碼打到三輪，起碼有廿幾分對戰點數先，而唔係下下都係得三分三分咁樣拎呀。如果下下都係靠打七場先至拎到三分，之後好容易又輸，應該冇乜人肯再繼續打落去，咁所以起碼都畀你容易啲打到頭三輪，畀你攞到廿幾分。先至可以畀你容易啲，換到少少道具呀我心諗，又係對戰塔，會唔會太冇誠意呢，不過我記得去金白金版，就會有好似綠寶石板嘅開拓區㗎喇。
地底世界
今集仲新增咗地底世界添呀，咁地底世界主要為咗掘化石同埋掘進化石嘅啫，因為喺遊戲裏面執到進化石嘅機會，好似好低呀，不過掘就掘到好多出嚟啦，同埋就係為咗可以拎花岩怪，因為喺地下世界可以同唔玩家接觸，接觸夠32個玩家之後，就可以出花岩怪㗎喇，咁都算係多咗另外一個玩法嘅，不過就好嘥時間囉。
可怕的五星訓練卡
好喇最後最後我要講嘅就係，今集嘅五星訓練卡達到嘅條件非常苛刻，咁首先登入名人堂就可以攞到一粒星，之後就有勝出超級華麗大賽其中一個項目嘅大師比賽，就可以攞到另一粒星，一個相對上一集嚟講呢係調低咗個難度，唔使你喺每一個類別都攞到大師級優勝先至可以攞到粒星。之後就有對戰塔100連勝，之前好似得50連勝嘅啫，而家加到100連勝啦，不過呢個都唔係最難呀。
仲有一粒係地下通道奪取50個秘密基地嘅旗。喺地下通道其實你仲可以開秘密基地，即係好似紅藍綠寶石版嘅秘密基地一樣，咁你裏面可以插旗嘅，咁你可以同其他朋友連線去其他嘅朋友嗰度，偷佢支旗再帶返去你自己基地度，不過每一次都只可以偷一支旗。咁要偷50次喎，咁其實有啲煩嘅，不過呢個都只係花多少少時間，最後一個真係好難呀。
就係要完成全國圖鑑喇，你冇睇錯唔係完成神奧圖鑑，係完成全國圖鑑，嘩……呢個真係一個好艱巨嘅任務呀 .
你知道當時嘅全國圖鑑已經有493隻精靈，有好多神獸你都要透過官方派送先至可以攞到，咁就算我當你真係攞曬先算，咁你仲有一啲唔知點樣進化精靈，咁我當你都買埋個攻略書，咁你又知點進喎，咁仲有前嗰幾個世代精靈，究竟有幾多個人，係真係買紅寶石版，藍寶石版，綠寶石版，火紅版同埋葉綠版，仲要捉哂精靈喎，仲要肯慢慢傳啲精靈過去珍珠鑽石版，你要知道唔係畀你無限量過啲精靈過去，咁每一日好似都係比過六隻。咁就要好花時間先至可以過,哂精靈過去㗎啦。咁就算你冇捉曬精靈，都唔緊要嘅，你用雙插槽模式都可以捉返精靈嘅。不過捉精靈就冇得捉御三家，淨係捉到其他，已經叫相對仁慈少少㗎喇，因為個漏洞淨係喺御三家嗰度出現，咁即係其實得幾隻你係捉唔到嘅啫。咁你都仲可以問朋友傳咗畀你嘅，因為每一個玩家一開始都揀一隻御三家㗎嘛，不過呢一個全國圖鑑，真係非常之花時間，咁我今次個gameplay我都冇去完成呢個五星訓練卡。
當年嘅玩家，你哋究竟係點樣玩嘅，尤其係nds出珍珠鑽石嗰陣時候，其實GBA都已經畀人淘汰㗎喇喎，但係佢偏偏就要你買返gba嗰個卡帶插返落去個nds嗰度，去捉精靈喎。咁我覺得呢個設計真係玩殘啲玩家嘅，你要喺nds嗰年代玩返上世代嗰啲卡帶，仲要咁做一定會畀人炒到好貴嘅。即係好似你而家2026年你要玩返啲舊嘅實體版遊戲時，都一定係畀人炒到好貴㗎喇，變相除咗時間同埋有無心機嘅問題之外，係有金錢上啲問題。你要玩返前嗰一代遊戲，仲要玩齊曬咁多個版本，要好多錢啊，呢個訓練卡五星嘅條件真係有啲苛刻。
完整影片
請按此登錄後留言。未成為會員? 立即註冊