大家好又係我Timson啊
今集遊戲學就會同大家講Pokemon競技場系列，今次係gamecube的作品，Pokemon ＸＤ 暗之旋風 陰暗利基亞，係上一集pokemon Colosseum 續作。故事接返上一集故事繼續寫落，遊戲系統有所改善，
到底個故事變成點呢，大家一齊嚟睇下啦?
故事劇情
故事發生喺第一集《Colosseum》結束後的 5 年。雖然場景同樣係歐雷地區（Orre），但氛圍由第一集的「荒漠求生」轉向更科幻、更宏大的「對抗陰謀」。
故事由一場震撼的開場動畫開始：一艘巨大的貨輪 天秤座號 (SS Libra) 在大海中航行，突然被一隻巨大的、渾身散發紫色黑氣的「暗黑利基亞」直接用超能力從海面整艘抓起，消失在天際。這象徵著失蹤已久的邪惡組織暗影捲土重來，並掌握了比 5 年前更可怕的技術。主角Ryūto 係一位住在精靈綜合研究所的天才少年。他的父親同今集的博士Professor Krane正現研究和開發出一種淨化陰暗精靈的其他方法。
不過有一日暗影組織突然襲擊研究所並綁架博士，暗影組織逼迫他說明淨化陰暗精靈的原理，試圖根據原理開發不可能被淨化的陰暗精靈，但博士絕口不提，堅決拒絕和暗影合作。
Ryuto 帶領著他的拍檔伊貝踏上了拯救之路，博士告訴眾人暗影死灰復燃，而且又在製造新的陰暗精靈，其中最為棘手的就是他們正試圖製造一種不可能被淨化的究極陰暗精靈。呢隻精靈就係XD001，就係暗黑利基亞的代號。它是暗影組織的最高傑作。暗影組織試圖將這項技術量產化，建立一支無堅不摧的黑暗軍團來統治世界。此時淨化室終於竣工，暮陰博士會告訴主角該淨化室就是自己和主角父親在五年前的事件發生之後設計的，希望主角能繼承父親的遺志，讓淨化室的光輝歷史翻開新的篇章。
隨著劇情推進，Ryuto 遇上不同的同伴，第一集到黃鐵鎮地下鎮的同伴，成立了ONBS 電視台，利用媒體網絡幫主角搜集情報。當然唔少得第一集係瑪瑙村，Rui的爺爺。仲有海港的機器零件店。
仲有另一個博士幫手研究特別機械。係對抗暗影組織的後期，會製作機械蓋歐卡比Ryuto去進攻暗影組織的藏匿之處--鎳暗島。
係島上要對對抗超級多的暗影組織成員，同埋佢哋啲幹部。最後遇見首腦，佢使用暗黑利基亞同其他神獸同Ryuto對抗，不過最後都比Ryuto一一打敗。
雖然首腦其中一個仔都仲係唔死心，但首腦被另一個仔勸阻佢再繼續錯落去，暗影組織正式被消滅。
同上一集對比
對比起第一集，分別都唔少，例如一開始有得自己揀伊貝可以進化乜嘢屬性，暗黑精靈再唔係得暗黑衝擊呢一招，多咗好多款招式，例如黑暗火花、黑暗冰凍，甚至有黑暗天氣，戰術性強好多。對手初期都只會帶一隻暗黑精靈，但到後期可能會有兩隻/三隻/或都六隻都係暗黑精靈，難度有少少提高。暗黑精靈由第一集嘅 48 隻 增加到第二集嘅 83 隻，包括傳說中嘅「暗黑利基亞」另外，淨化精靈之後，有啲可以學得識原本正傳無法學到的招式，例如芭瓢蟲可以學識幻像光線，圓絲蛛可以學識挖洞，土狼犬可以學識劇毒牙等等，令到一眾弱勢精靈都有反盤機會。
地圖有擴張，雖然沿用咗好多舊地圖，但多咗港口同暗黑精靈製造工廠同暗影組織基地等新場景。
上一集只可以去瑪瑙村時拉比的祭壇去淨化精靈，今集個博士就製造個淨化室，最多一次過淨化 9 隻精靈，唔使再好似第一集咁，每隻都要帶喺身行路行到斷腳。都唔需要對戰先可以淨化到了。另外今集歐雷地區終於有野生精靈了，雖然得好少，得9隻精靈，但對於呢個新地區嚟講，如果一下子出太多又好似唔多正常。出少少就啱啱好了。
另外係瑪瑙村多咗個NPC 可以學招式，呢個係上一集無的。招式機器都多咗好多，五十個裡面都攞到三十幾個，雖然好多都要爆機或者玩小遊戲先攞到，但都多過上一集了。
遊戲內仲多咗小遊戲，有bingo係玩正傳嗰陣完全無的遊戲，仲有戰鬥光碟，有不同情況的解難題目比玩家玩，玩完會有獎勵。
遊戲內對戰山得到的積分點數有上升，仲有打完100場終於有獎勵了，係送城都御三家一隻!
爆機之後仲有side quest，可以攞到幸運蛋增加經驗值。
另外遊戲都出現第四代的精靈，盆才怪/小卡比獸，雖然都係支線之一，但連外傳作品都好似正傳咁會出現下一世代精靈，係好有心思的設定。就咁睇都新增好多嘢喎
遊戲難度
呢一集一開始難度有少少調低，因為有得自己揀伊貝的進化型，仲有一開始係由等級10開始，對手等級都未去到10。
另外，遊戲好早期就有得淨化精靈了，比上一集時間提早了不少。捕捉精靈機率明顯提升，只要黃血中異常，基本連續五個精靈球都捉到精靈了。好過上一集一開始都要用十幾個精靈球先捉到。
遊戲一開始可以比大家捉的精靈多咗，隊友有多啲選擇，同埋遊戲中的道具同藥物補給都明顯多咗。
不過呢啲都係一開始的褔利，之後就唔係了。因為呢一集唔係得暗黑衝擊呢一招，多咗好多款招式，例如黑暗火花、黑暗冰凍，甚至有黑暗天氣，仲要暗黑的招式，對任何精靈都係效果絕佳，即係兩倍傷，嘩……除非對上暗黑精靈先會變成得一半傷害。咁係捉精靈時的難度會大大提，捉精靈同埋要幫精靈回血先得。
仲有黑暗精靈最難應付係黑暗天氣，佢哋用求雨係落黑色的雨，每回合扣我方傷害但對手係會無事，好似沙暴咁。
遊戲後期對手有機會拎兩隻或者三隻暗黑精靈，令到遊戲仲難玩咗，因為唔可以打死，但又要捉佢哋，而佢哋每次攻擊都對我哋做成兩倍傷害，好痳煩啊。最終boss 仲要六隻都係暗黑精靈，仲要有關都三神鳥!! 嘩，難玩到暈! 要買勁多藥物先得。仲要攪到遊戲時間拖到好長!!!!
另外，係練等方面都係一大難題，遊戲一開始都仲可以依賴畫面呢六個暗影組織成員幫手練等，呢六個NPC係最易打。玩到對手有等級20幾時，呢六個NPC等級都會升到20幾。但到中後期對手等級30幾時，呢個六位同其他地方的NPC都係得20幾等級，根本好難練等級，要練就只可以去對戰山了。去到遊戲最後攻打到暗影組織基地時，其他地方NPC 都仲係20幾等級，呢六位一下子去到等級50…雖然對手都去到接近50，但玩家都係等級40到無練啊…最後我想講樂天河童真係呢個遊戲最強精靈，我試過係對戰山對上樂天河童，佢一串四…
只有飛行/毒/蟲系弱點，但呢個遊毒同蟲都係比較少同弱，得返飛行打到，但佢次次都用求雨，速度X2，下下都比先手攻擊用冷凍光束打死…
戰鬥光碟又係一個難玩地方，本身都好想玩解難題，但50個戰鬥光碟去到33打後都唔係解難，係玩運氣了。有一關係雙打，敵我雙方都只可以用揮指，對手精靈仲要明顯高過我方，仲要我玩極都出唔到攻擊招式，得變化招式，對手下下都攻擊招式，點玩啊…最好好好彩出到逆鱗先勝出。後面仲有多好都係要用運氣先攪得掂…
最後對戰山，我本身以為對戰山比較容易，點知係第99戰差啲全軍覆沒。未打之前上網查就見到對手係拎三神柱，都知係難打，點知到最後自爆隊，對手隻隻都自爆，一下自爆我必死兩隻，我要係咁用回復藥先過到，嚇死。反之而第100戰就無去到咁難，係正常對戰嚟。真係好難玩啊!!
遊戲攻略
因為呢隻遊戲有得係任天堂switch online 玩，所以我有攻略比大家。首先一開始揀伊貝屬性，揀電或超能力就得，因為本遊戲速度係至勝關鍵，雷伊貝同太陽伊貝都係速度快，但雷伊貝其實係最好的，因為對手好多都可以用電系打，同好多弱電，返而弱超能力的精靈比較少，要去到好後期先有。其餘三個屬性，唔洗理了。遊戲一開始無乜邊隻精靈係快，所以揀雷或太陽伊貝係好。之後有得捉暗黑精靈，先練戴魯比，因為呢一代惡系都仲係特攻，進化黑魯加價值好高。另外有一隻精靈要練，就係蘑蘑菇，因為佢有一招刀背打，以前叫手下留情，係一定唔會打死對手，係捉暗黑精靈超有用，加上佢本身可以有麻痺粉，係捉精靈必備啊。
仲要有一隻玩防守的精靈，係為咗捉精靈時唔好被對手精靈打死你全部精靈，我推薦遊戲中段的月石，因為有宇宙力量可以加雙防。防守力不差。
其他就無咁多限制了，只要係揀速度快就得，沙奈朵/沙漠蜻蜓/寶石海星等等都夠玩了。
另外遊戲一開始有得去瑪瑙鎮學招式，有得學電磁波都係開局有用技能，因為捉暗黑精靈時超有用，一定要去學了。今集仲多咗個淨化室，係快速淨化精靈好幫手，但要快淨化都要技巧，裡面要求玩家放四隻精靈，要配合埋屬性相剋特性，先可以加快淨化速度，比如畫面呆火駝的火系剋制毽子草的草系， 毽子草的草系剋制貝殼怪的水系，貝殼怪的水系剋制小山豬的地面系，最後小山豬地面系剋制呆火駝火系，要有呢個相剋的循環先會令到淨化變最快。
遊戲彩蛋
與其話係彩蛋，不如話係隱藏位了，係遇見野生精靈地方，有機會引到第四代的小卡比獸出嚟，佢個主人會因為你幫手揾返小卡比獸而比一啲道具你。
另外盆才怪都係支線，你會係入去已經變咗廢墟的天秤座號見到佢，要唔好跑，慢慢推個joystrick，慢慢行過去先可以接觸到佢，但到最後都係會逃走。之後係野生精靈遇見點，有機會會遇返佢，都係要用慢慢行去的方法接觸。之後會返去ONBS 電視台交還盆才怪，之後NPC會比個道具你，之後去玩bingo，對住個職員用呢個道具就可以玩隱藏bingo關卡了。爆機之後有一條要花比較耐的支線，就係瑪瑙鎮有好多精靈，突然完全無法出聲，向主角求助，玩家要去製作機械蓋歐卡的博士攞機器去幫啲精靈恢復佢哋的聲音，最後可以得到幸運蛋。
故事最後的利基亞，唔可以好似一般精靈咁淨化，要去淨化室，9個淨化室都要達到最高淨化效率先可以淨化到，即係要跟我之前的屬性相剋方法先得，係最難淨化的精靈。
另外我上網查一下，好似上一集主角wes係對戰中會登場，但我係故事模式見唔到，可能要跳出故事模式係打100人挑戰到先有了。
後記
雖然故事最後暗影組織係被消滅，但明顯首腦其中一個仔係好唔滿意，話唔定仲有續作出?
唔好以為隻game 係2005年出，隔咗超過20年就無機會。Pokemon Snap 我都估唔到隔咗咁多年係上兩年出咗續作，所以唔係無可能。
另外遊戲一開始的天秤座號，點解會出現，點解會有咁多精靈係入面，遊戲有少量對話好似話要運啲精靈入去歐雷地區??? 個意途到底係乜???
呢個到玩完都無答案，希望官方之後會再有續作啦
完整影片
今集遊戲學就會同大家講Pokemon競技場系列，今次係gamecube的作品，Pokemon ＸＤ 暗之旋風 陰暗利基亞，係上一集pokemon Colosseum 續作。故事接返上一集故事繼續寫落，遊戲系統有所改善，
到底個故事變成點呢，大家一齊嚟睇下啦?
故事劇情
故事發生喺第一集《Colosseum》結束後的 5 年。雖然場景同樣係歐雷地區（Orre），但氛圍由第一集的「荒漠求生」轉向更科幻、更宏大的「對抗陰謀」。
故事由一場震撼的開場動畫開始：一艘巨大的貨輪 天秤座號 (SS Libra) 在大海中航行，突然被一隻巨大的、渾身散發紫色黑氣的「暗黑利基亞」直接用超能力從海面整艘抓起，消失在天際。這象徵著失蹤已久的邪惡組織暗影捲土重來，並掌握了比 5 年前更可怕的技術。主角Ryūto 係一位住在精靈綜合研究所的天才少年。他的父親同今集的博士Professor Krane正現研究和開發出一種淨化陰暗精靈的其他方法。
不過有一日暗影組織突然襲擊研究所並綁架博士，暗影組織逼迫他說明淨化陰暗精靈的原理，試圖根據原理開發不可能被淨化的陰暗精靈，但博士絕口不提，堅決拒絕和暗影合作。
Ryuto 帶領著他的拍檔伊貝踏上了拯救之路，博士告訴眾人暗影死灰復燃，而且又在製造新的陰暗精靈，其中最為棘手的就是他們正試圖製造一種不可能被淨化的究極陰暗精靈。呢隻精靈就係XD001，就係暗黑利基亞的代號。它是暗影組織的最高傑作。暗影組織試圖將這項技術量產化，建立一支無堅不摧的黑暗軍團來統治世界。此時淨化室終於竣工，暮陰博士會告訴主角該淨化室就是自己和主角父親在五年前的事件發生之後設計的，希望主角能繼承父親的遺志，讓淨化室的光輝歷史翻開新的篇章。
隨著劇情推進，Ryuto 遇上不同的同伴，第一集到黃鐵鎮地下鎮的同伴，成立了ONBS 電視台，利用媒體網絡幫主角搜集情報。當然唔少得第一集係瑪瑙村，Rui的爺爺。仲有海港的機器零件店。
仲有另一個博士幫手研究特別機械。係對抗暗影組織的後期，會製作機械蓋歐卡比Ryuto去進攻暗影組織的藏匿之處--鎳暗島。
係島上要對對抗超級多的暗影組織成員，同埋佢哋啲幹部。最後遇見首腦，佢使用暗黑利基亞同其他神獸同Ryuto對抗，不過最後都比Ryuto一一打敗。
雖然首腦其中一個仔都仲係唔死心，但首腦被另一個仔勸阻佢再繼續錯落去，暗影組織正式被消滅。
同上一集對比
對比起第一集，分別都唔少，例如一開始有得自己揀伊貝可以進化乜嘢屬性，暗黑精靈再唔係得暗黑衝擊呢一招，多咗好多款招式，例如黑暗火花、黑暗冰凍，甚至有黑暗天氣，戰術性強好多。對手初期都只會帶一隻暗黑精靈，但到後期可能會有兩隻/三隻/或都六隻都係暗黑精靈，難度有少少提高。暗黑精靈由第一集嘅 48 隻 增加到第二集嘅 83 隻，包括傳說中嘅「暗黑利基亞」另外，淨化精靈之後，有啲可以學得識原本正傳無法學到的招式，例如芭瓢蟲可以學識幻像光線，圓絲蛛可以學識挖洞，土狼犬可以學識劇毒牙等等，令到一眾弱勢精靈都有反盤機會。
地圖有擴張，雖然沿用咗好多舊地圖，但多咗港口同暗黑精靈製造工廠同暗影組織基地等新場景。
上一集只可以去瑪瑙村時拉比的祭壇去淨化精靈，今集個博士就製造個淨化室，最多一次過淨化 9 隻精靈，唔使再好似第一集咁，每隻都要帶喺身行路行到斷腳。都唔需要對戰先可以淨化到了。另外今集歐雷地區終於有野生精靈了，雖然得好少，得9隻精靈，但對於呢個新地區嚟講，如果一下子出太多又好似唔多正常。出少少就啱啱好了。
另外係瑪瑙村多咗個NPC 可以學招式，呢個係上一集無的。招式機器都多咗好多，五十個裡面都攞到三十幾個，雖然好多都要爆機或者玩小遊戲先攞到，但都多過上一集了。
遊戲內仲多咗小遊戲，有bingo係玩正傳嗰陣完全無的遊戲，仲有戰鬥光碟，有不同情況的解難題目比玩家玩，玩完會有獎勵。
遊戲內對戰山得到的積分點數有上升，仲有打完100場終於有獎勵了，係送城都御三家一隻!
爆機之後仲有side quest，可以攞到幸運蛋增加經驗值。
另外遊戲都出現第四代的精靈，盆才怪/小卡比獸，雖然都係支線之一，但連外傳作品都好似正傳咁會出現下一世代精靈，係好有心思的設定。就咁睇都新增好多嘢喎
遊戲難度
呢一集一開始難度有少少調低，因為有得自己揀伊貝的進化型，仲有一開始係由等級10開始，對手等級都未去到10。
另外，遊戲好早期就有得淨化精靈了，比上一集時間提早了不少。捕捉精靈機率明顯提升，只要黃血中異常，基本連續五個精靈球都捉到精靈了。好過上一集一開始都要用十幾個精靈球先捉到。
遊戲一開始可以比大家捉的精靈多咗，隊友有多啲選擇，同埋遊戲中的道具同藥物補給都明顯多咗。
不過呢啲都係一開始的褔利，之後就唔係了。因為呢一集唔係得暗黑衝擊呢一招，多咗好多款招式，例如黑暗火花、黑暗冰凍，甚至有黑暗天氣，仲要暗黑的招式，對任何精靈都係效果絕佳，即係兩倍傷，嘩……除非對上暗黑精靈先會變成得一半傷害。咁係捉精靈時的難度會大大提，捉精靈同埋要幫精靈回血先得。
仲有黑暗精靈最難應付係黑暗天氣，佢哋用求雨係落黑色的雨，每回合扣我方傷害但對手係會無事，好似沙暴咁。
遊戲後期對手有機會拎兩隻或者三隻暗黑精靈，令到遊戲仲難玩咗，因為唔可以打死，但又要捉佢哋，而佢哋每次攻擊都對我哋做成兩倍傷害，好痳煩啊。最終boss 仲要六隻都係暗黑精靈，仲要有關都三神鳥!! 嘩，難玩到暈! 要買勁多藥物先得。仲要攪到遊戲時間拖到好長!!!!
另外，係練等方面都係一大難題，遊戲一開始都仲可以依賴畫面呢六個暗影組織成員幫手練等，呢六個NPC係最易打。玩到對手有等級20幾時，呢六個NPC等級都會升到20幾。但到中後期對手等級30幾時，呢個六位同其他地方的NPC都係得20幾等級，根本好難練等級，要練就只可以去對戰山了。去到遊戲最後攻打到暗影組織基地時，其他地方NPC 都仲係20幾等級，呢六位一下子去到等級50…雖然對手都去到接近50，但玩家都係等級40到無練啊…最後我想講樂天河童真係呢個遊戲最強精靈，我試過係對戰山對上樂天河童，佢一串四…
只有飛行/毒/蟲系弱點，但呢個遊毒同蟲都係比較少同弱，得返飛行打到，但佢次次都用求雨，速度X2，下下都比先手攻擊用冷凍光束打死…
戰鬥光碟又係一個難玩地方，本身都好想玩解難題，但50個戰鬥光碟去到33打後都唔係解難，係玩運氣了。有一關係雙打，敵我雙方都只可以用揮指，對手精靈仲要明顯高過我方，仲要我玩極都出唔到攻擊招式，得變化招式，對手下下都攻擊招式，點玩啊…最好好好彩出到逆鱗先勝出。後面仲有多好都係要用運氣先攪得掂…
最後對戰山，我本身以為對戰山比較容易，點知係第99戰差啲全軍覆沒。未打之前上網查就見到對手係拎三神柱，都知係難打，點知到最後自爆隊，對手隻隻都自爆，一下自爆我必死兩隻，我要係咁用回復藥先過到，嚇死。反之而第100戰就無去到咁難，係正常對戰嚟。真係好難玩啊!!
遊戲攻略
因為呢隻遊戲有得係任天堂switch online 玩，所以我有攻略比大家。首先一開始揀伊貝屬性，揀電或超能力就得，因為本遊戲速度係至勝關鍵，雷伊貝同太陽伊貝都係速度快，但雷伊貝其實係最好的，因為對手好多都可以用電系打，同好多弱電，返而弱超能力的精靈比較少，要去到好後期先有。其餘三個屬性，唔洗理了。遊戲一開始無乜邊隻精靈係快，所以揀雷或太陽伊貝係好。之後有得捉暗黑精靈，先練戴魯比，因為呢一代惡系都仲係特攻，進化黑魯加價值好高。另外有一隻精靈要練，就係蘑蘑菇，因為佢有一招刀背打，以前叫手下留情，係一定唔會打死對手，係捉暗黑精靈超有用，加上佢本身可以有麻痺粉，係捉精靈必備啊。
仲要有一隻玩防守的精靈，係為咗捉精靈時唔好被對手精靈打死你全部精靈，我推薦遊戲中段的月石，因為有宇宙力量可以加雙防。防守力不差。
其他就無咁多限制了，只要係揀速度快就得，沙奈朵/沙漠蜻蜓/寶石海星等等都夠玩了。
另外遊戲一開始有得去瑪瑙鎮學招式，有得學電磁波都係開局有用技能，因為捉暗黑精靈時超有用，一定要去學了。今集仲多咗個淨化室，係快速淨化精靈好幫手，但要快淨化都要技巧，裡面要求玩家放四隻精靈，要配合埋屬性相剋特性，先可以加快淨化速度，比如畫面呆火駝的火系剋制毽子草的草系， 毽子草的草系剋制貝殼怪的水系，貝殼怪的水系剋制小山豬的地面系，最後小山豬地面系剋制呆火駝火系，要有呢個相剋的循環先會令到淨化變最快。
遊戲彩蛋
與其話係彩蛋，不如話係隱藏位了，係遇見野生精靈地方，有機會引到第四代的小卡比獸出嚟，佢個主人會因為你幫手揾返小卡比獸而比一啲道具你。
另外盆才怪都係支線，你會係入去已經變咗廢墟的天秤座號見到佢，要唔好跑，慢慢推個joystrick，慢慢行過去先可以接觸到佢，但到最後都係會逃走。之後係野生精靈遇見點，有機會會遇返佢，都係要用慢慢行去的方法接觸。之後會返去ONBS 電視台交還盆才怪，之後NPC會比個道具你，之後去玩bingo，對住個職員用呢個道具就可以玩隱藏bingo關卡了。爆機之後有一條要花比較耐的支線，就係瑪瑙鎮有好多精靈，突然完全無法出聲，向主角求助，玩家要去製作機械蓋歐卡的博士攞機器去幫啲精靈恢復佢哋的聲音，最後可以得到幸運蛋。
故事最後的利基亞，唔可以好似一般精靈咁淨化，要去淨化室，9個淨化室都要達到最高淨化效率先可以淨化到，即係要跟我之前的屬性相剋方法先得，係最難淨化的精靈。
另外我上網查一下，好似上一集主角wes係對戰中會登場，但我係故事模式見唔到，可能要跳出故事模式係打100人挑戰到先有了。
後記
雖然故事最後暗影組織係被消滅，但明顯首腦其中一個仔係好唔滿意，話唔定仲有續作出?
唔好以為隻game 係2005年出，隔咗超過20年就無機會。Pokemon Snap 我都估唔到隔咗咁多年係上兩年出咗續作，所以唔係無可能。
另外遊戲一開始的天秤座號，點解會出現，點解會有咁多精靈係入面，遊戲有少量對話好似話要運啲精靈入去歐雷地區??? 個意途到底係乜???
呢個到玩完都無答案，希望官方之後會再有續作啦
完整影片
請按此登錄後留言。未成為會員? 立即註冊