大家好又係我Timson啊
今集遊戲學就會繼續同大家講Pokemon系列，今次就嚟到火紅葉綠版。
適逢最近任天堂喺Switch 重新上架咗火紅葉綠版，大家都好興奮呀，因為呢一隻game係初代嘅重製版，都係好多人嘅回憶嚟。
今集就大家回憶一下火紅版有乜變化同多咗啲乜啦
引入新系統
首先同大家睇吓今集新增咗啲乜嘢先，今集引入咗第三代嘅系統即係紅藍寶石版嘅特性啊，令到戰鬥更加多樂趣。仲有喺第二代新增嘅鋼屬性同惡屬性，今集都有出現嘅，當然唔少得嘅就有樹果，同埋精靈可以帶道具喺身。將比較新嘅系統呢，直接放咗入去舊版嗰度重制啦
特殊分拆特攻特防值
分拆特攻特防值係重大改變，由第二代開始有，今次重制都加入去。令到好多本身雙攻都好有威力的精靈，大隻牛，暴鯉龍，袋獸等等戰力大幅減低
精靈嘅招式更改
譬如話最舊嘅紅綠版，小火龍開局呢係最難打嘅，因為冇辦法打小剛，一路遇嘅精靈都冇招式可以剋制到小剛嘅岩石系精靈。咁今集就有啲改變啦，譬如話小火龍去到等級13嘅時候可以學到金屬爪，鋼系招式係可以剋制岩石係精靈，就令到小火龍開局嘅玩家都可以有機會打敗小剛。另外，就算你唔知道小火龍有新增嘅鋼係招式都唔緊要，喺22號路呢有猴怪啊，即係同舊版嘅黃版一樣啦。不過都係嗰句啦，其實用巴他蝶去打咪得囉。七島嘅劇情
七島嘅劇情，主要都係圍繞喺火箭兵團手上拎返紅寶石同埋藍寶石，同埋小小火箭兵團嘅後續劇情。當你玩到最後嘅時候火箭兵團你見到你有八個勝章，即係連第八個道館阪木老大嘅勝章係身嘅時候，火箭兵團就覺得佢哋氣數已盡，然後就撤離咗，將藍寶石呢歸還返比主角。
集齊紅寶石同埋藍寶石，可以同紅/藍寶石版，仲有之後出嘅綠寶石版，同埋gamecube 裏面嘅Pokemon競技場續集連動
全國圖鑑
今集你打完一次四天王加冠軍之後，大木博士就會幫你升級圖鑑做全國圖鑑，令到你有啲精靈可以透過提升親密度而進化做第二代先出現嘅精靈。不過順帶一提啦，如果呢你未攞到全國圖鑑嘅時候就算親密度升到滿，都冇辦法進化㗎。就好似大口蝠親密度滿嘅時候，佢係會有動畫話佢會進化嘅，不過就算你冇按B制佢都會進化唔到嘅。
當然唔少得就有新增嘅精靈，喺七島嗰度呢有機會會遇到第二代先出現嘅精靈嘅
官方派送嘅禮物
講緊嘅係神秘船飛同埋極光船飛，咁玩家就可以拎住船飛，去捉第二代嘅神獸鳳王同埋利基亞，仲有第三代嘅代歐奇希斯。其實都叫做誠意滿滿㗎啦，因為同第三代即係當年最新出嘅嗰一代接軌啊。官方仲有好多神秘禮物，包括夢夢等等。因為呢一代係斷層世代，無得由gameboy 傳第一二代精靈去第三代，官方出咗好多禮物去補圖鑑。
變幻洞穴
另外呢喺七島裏面嘅第六島，有一個名為變幻洞穴嘅地方，裏面剩係得波音蝠呢一隻精靈嘅，呢一個唔講未必會知啊，其實官方本身係諗住透過活動贈送神秘禮物，嚟改變呢一度出現嘅精靈。佢本身呢個設定係有多啲第二代嘅精靈會喺呢一度出現嘅譬如話咩樣長尾怪手、榛果球、熊寶寶、圖圖犬等等啦
不過唔知係咪因為呢官方派送嘅神秘禮物呢太多啦，而呢一啲精靈呢亦都唔係話咁受歡迎，又或者太過特別，咁所以呢到最後計劃取消咗，呢一個洞穴就永遠剩係得波音蝠呢一隻精靈出現啦
刪減了的小遊戲
我上網查一查先先至發現原來係最舊版嘅黃版遊戲裏面，有一個小遊戲叫做比卡超夏日海灘喎，當你手上有當年官方派送嘅衝浪比卡超，你就可以去到淺紅巿下面小小嘅海灘裏面，有一間屋嘅，咁你同個NPC對話，就可以玩一個叫比卡超衝浪嘅遊戲啦。呢個真係唔知啊，因為衝浪比卡超唔係好多人有嘅啫。咁喺火紅葉綠版裏面係冇咗呢個遊戲。
神獸吼叫bug
呢一個係對應炎帝水君同埋雷公嘅，因為呢一代就算你遇到佢哋嘅時候，佢哋都有機會會逃走嘅，就算你用埋黑色目光或者其他可以防止佢哋逃走嘅技能啦，佢哋呢都會使用吼叫呢一招嚟趕你走嘅，只不過如果佢哋一用吼叫呢一招而又成功嘅時候，咁你就會強制退出戰鬥，同時遊戲會判斷呢佢哋唔會再出現㗎啦。呢一個係遊戲裏面好嚴重嘅bug，咁當然啦，唔係冇解決嘅方法嘅，你可以呢用一啲防止對手用聲音係招式嘅精靈，譬如吸盤小丑，佢嘅特性隔音，係可以令到對手聲音系嘅招式呢完全無效嘅，咁就可以被咗呢個 bug
複製道具bug
呢一個就比較麻煩啲啦，需要你有大蔥鴨，而且要學識”拍落”呢一招，同埋吸盤小丑並且你要學識”回收利用”呢一招，另外呢你要去到玉虹市嘅百貨公司買”復古郵件”呢一個道具，呢兩隻精靈以外，你就揀一隻精靈攞一個道具啦，譬如話攞樹果，另外吸盤小丑呢就要裝備啱啱買嘅復古郵件。
然後呢就搵一場雙打對戰進行嘅，首先要派出帶樹果嘅精靈同埋大蔥鴨，當帶樹果嘅隊友食咗樹果之後，就將呢一隻精靈換咗做吸盤小丑，然後對吸盤小丑用拍落呢一招，打走佢身上面嘅郵件，最後吸盤小丑就要用回收利用呢一招。
咁之後你就正常去打呢一場戰鬥啦，打贏咗之後呢你就會觸發到呢一個bug㗎啦。跟住你就唔需要再戰鬥㗎啦，你去返整理隊伍嘅畫面，將其中五隻精靈裝備啱啱買嘅復古郵件，而第六隻精靈就裝備你想複製嘅道具，帶道具的精靈呢嘗試要佢換裝備啦，裝備復古郵件呢一個道具，遊戲都會提示你係裝備成功嘅，不過你要發現呢個郵件呢會消失咗嘅，即係話嗰隻精靈冇任何嘅裝備，但係你嘅背包裏面，你想要複製嘅嗰道具就會增加咗一個㗎啦。咁重複呢個方法就可以無限刷道具啦，大師球都可以用呢個方法刷到出嚟㗎
無限刷金珠bug
舊版其中一個出名嘅bug呢，就係無限刷金珠嘅bug，喺華藍市北邊有條橋嘅，咁你要打五個訓練家，去到最後一名訓練家佢就會俾你一個金珠，同時會即刻同你進入戰鬥，如果你冇打贏呢場戰鬥，咁你就會返去精靈中心，咁你再返去呢條橋搵佢對話嘅時候，佢就會判斷之前個劇情未完成，咁佢會再同你對話多一次，再送你一粒金珠。咁可以用呢個方法不停咁樣刷金珠不斷幫你刷錢呀。
超難四星訓練卡任務
最後我就要同大家講呢一代比較難嘅一個務任。呢一代就好似紅/藍寶石，訓練卡卡片上面其實有幾粒星嘅，要符合特定嘅條件，先至會加粒星俾你嘅，第一粒星呢就係入名人堂，第二粒星就係完成關都圖鑑。
其中一粒就要去七島裏面嘅第二島裏面玩小遊戲，裏面有兩個小遊戲，一個係玩跳繩嘅，一個係接樹果，好似話要跳到200下+接200個果實你先至可以攞到呢粒星喎。呢個遊戲一個人係無法完成，最少要有兩個人。呢應該係好難㗎喇，我就冇玩過啦。不過點解粒星係要同呢兩個小遊戲掛鉤嘅呢？我真係諗唔明啦不過最最最最最難都唔係跳繩啊，係要完成全國圖鑑，最後一粒星就係要你完成全國圖鑑先至可以得到嘅，呢一個簡直就係歷史性任務，而且非常之難做到。因為當時嘅全國圖鑑已經包含咗第一代嘅關都地區，第二代城都地區，再加埋第三代嘅豐緣地區精靈㗎啦。
咁關都地區呢都叫做容易達成嘅，豐緣地區只要你有紅藍寶石版呢都唔難嘅，不過呢要過超過100隻精靈就要啲時間啦，最麻煩嘅就係城都嘅精靈啦。就算係重製版嘅火紅版或者葉綠版，裏面都唔係話有好多城都嘅精靈出現。而喺第三代嘅紅藍寶石版都唔係話有太多城都嘅精靈出現嘅啫，咁我查一查先至發現，有部份嘅精靈根本就冇辦法可以喺重製嘅火紅版或者葉綠版裏面得到，而且亦都唔可能喺紅藍寶石版裏面得到嘅。有好多呢都係要等官方派送，送俾你先至可以拎到嘅
不過仲有一啲呢係連官方派送都冇嘅，譬如出名嘅大奶罐，佢係冇辦法可以喺重製嘅火紅版或者葉綠版，又或者紅藍寶石版，又或者官方派送攞到㗎。
咁點解遊戲要有呢一個咁樣嘅任務比玩家呢？
另外大家都知道，伊貝係第二代有兩個進化，係太陽伊貝同埋月亮伊貝。兩個進化形態係要用遊戲裏面嘅日夜系統觸發嘅，不過重製版嘅火紅/葉綠版係冇呢一個系統嘅，其實紅/藍寶石都冇日夜系統嘅，不過佢裏面有個時間系統，都可以令到伊貝進化太陽伊貝同埋月亮伊貝。但係紅藍寶石版就冇辦法拎到伊貝，咁所以如果你要儲齊全國圖鑑，你就要喺火紅版傳隻伊貝去紅藍寶石版，再進化，再傳返過去火紅版嗰度啦
嘩，會唔會太麻煩啊？
不過就算你進化咗都好啦，其實都有啲精靈係攞唔到㗎嘛，咁基本上無法係當年完成全國圖鑑喎
官方應該都知衰㗎啦，我諗佢哋冇check清楚，所以之後出嘅綠寶石版，佢哋就有一個補完制度啊。綠寶石當你打爆機之後，就發現狩獵地區會多咗兩個區域。多出嚟嘅呢兩個區域，最主要都係要補返，你捉唔到嘅城都精靈嘅啫。裏面有好多都係喺火紅版或者紅藍寶石裏面捉唔到嘅精靈嘅
仲有啊，其實綠寶石版都唔係包含晒紅/藍寶石有嘅精靈，綠寶石版呢有啲精靈係紅/藍寶石版先，有綠寶石版冇嘅。咁即係話如果你要喺火紅版完成全國圖鑑呢個任務，攞訓練卡裏面最後一粒星，你就要買齊晒紅寶石版，藍寶石，綠寶石版，火紅版，同埋葉綠版嘅遊戲啦
嘩太過苛刻啊，玩五隻game喎
咁就算你唔玩五隻game都有其他方法嘅，不過就再苛刻啲啦，就係玩gamecube裏面嘅競技場續作。裏面都拎到一啲競技場裏面有嘅精靈嘅，不過都唔係話全部城都嘅精靈都有啊。而且我仲要買多一部gamecube先至可以攞到你嗰啲精靈，要用嘅錢仲多過買多一兩隻GBA嘅game呀
其實我當年玩嘅時候都覺得奇怪㗎啦，點解佢比全國圖鑑我嘅呢？有好多精靈都捉唔到喎，嗰啲精靈究竟係邊度呢？
完整影片
今集遊戲學就會繼續同大家講Pokemon系列，今次就嚟到火紅葉綠版。
適逢最近任天堂喺Switch 重新上架咗火紅葉綠版，大家都好興奮呀，因為呢一隻game係初代嘅重製版，都係好多人嘅回憶嚟。
今集就大家回憶一下火紅版有乜變化同多咗啲乜啦
引入新系統
首先同大家睇吓今集新增咗啲乜嘢先，今集引入咗第三代嘅系統即係紅藍寶石版嘅特性啊，令到戰鬥更加多樂趣。仲有喺第二代新增嘅鋼屬性同惡屬性，今集都有出現嘅，當然唔少得嘅就有樹果，同埋精靈可以帶道具喺身。將比較新嘅系統呢，直接放咗入去舊版嗰度重制啦
特殊分拆特攻特防值
分拆特攻特防值係重大改變，由第二代開始有，今次重制都加入去。令到好多本身雙攻都好有威力的精靈，大隻牛，暴鯉龍，袋獸等等戰力大幅減低
精靈嘅招式更改
譬如話最舊嘅紅綠版，小火龍開局呢係最難打嘅，因為冇辦法打小剛，一路遇嘅精靈都冇招式可以剋制到小剛嘅岩石系精靈。咁今集就有啲改變啦，譬如話小火龍去到等級13嘅時候可以學到金屬爪，鋼系招式係可以剋制岩石係精靈，就令到小火龍開局嘅玩家都可以有機會打敗小剛。另外，就算你唔知道小火龍有新增嘅鋼係招式都唔緊要，喺22號路呢有猴怪啊，即係同舊版嘅黃版一樣啦。不過都係嗰句啦，其實用巴他蝶去打咪得囉。七島嘅劇情
七島嘅劇情，主要都係圍繞喺火箭兵團手上拎返紅寶石同埋藍寶石，同埋小小火箭兵團嘅後續劇情。當你玩到最後嘅時候火箭兵團你見到你有八個勝章，即係連第八個道館阪木老大嘅勝章係身嘅時候，火箭兵團就覺得佢哋氣數已盡，然後就撤離咗，將藍寶石呢歸還返比主角。
集齊紅寶石同埋藍寶石，可以同紅/藍寶石版，仲有之後出嘅綠寶石版，同埋gamecube 裏面嘅Pokemon競技場續集連動
全國圖鑑
今集你打完一次四天王加冠軍之後，大木博士就會幫你升級圖鑑做全國圖鑑，令到你有啲精靈可以透過提升親密度而進化做第二代先出現嘅精靈。不過順帶一提啦，如果呢你未攞到全國圖鑑嘅時候就算親密度升到滿，都冇辦法進化㗎。就好似大口蝠親密度滿嘅時候，佢係會有動畫話佢會進化嘅，不過就算你冇按B制佢都會進化唔到嘅。
當然唔少得就有新增嘅精靈，喺七島嗰度呢有機會會遇到第二代先出現嘅精靈嘅
官方派送嘅禮物
講緊嘅係神秘船飛同埋極光船飛，咁玩家就可以拎住船飛，去捉第二代嘅神獸鳳王同埋利基亞，仲有第三代嘅代歐奇希斯。其實都叫做誠意滿滿㗎啦，因為同第三代即係當年最新出嘅嗰一代接軌啊。官方仲有好多神秘禮物，包括夢夢等等。因為呢一代係斷層世代，無得由gameboy 傳第一二代精靈去第三代，官方出咗好多禮物去補圖鑑。
變幻洞穴
另外呢喺七島裏面嘅第六島，有一個名為變幻洞穴嘅地方，裏面剩係得波音蝠呢一隻精靈嘅，呢一個唔講未必會知啊，其實官方本身係諗住透過活動贈送神秘禮物，嚟改變呢一度出現嘅精靈。佢本身呢個設定係有多啲第二代嘅精靈會喺呢一度出現嘅譬如話咩樣長尾怪手、榛果球、熊寶寶、圖圖犬等等啦
不過唔知係咪因為呢官方派送嘅神秘禮物呢太多啦，而呢一啲精靈呢亦都唔係話咁受歡迎，又或者太過特別，咁所以呢到最後計劃取消咗，呢一個洞穴就永遠剩係得波音蝠呢一隻精靈出現啦
刪減了的小遊戲
我上網查一查先先至發現原來係最舊版嘅黃版遊戲裏面，有一個小遊戲叫做比卡超夏日海灘喎，當你手上有當年官方派送嘅衝浪比卡超，你就可以去到淺紅巿下面小小嘅海灘裏面，有一間屋嘅，咁你同個NPC對話，就可以玩一個叫比卡超衝浪嘅遊戲啦。呢個真係唔知啊，因為衝浪比卡超唔係好多人有嘅啫。咁喺火紅葉綠版裏面係冇咗呢個遊戲。
神獸吼叫bug
呢一個係對應炎帝水君同埋雷公嘅，因為呢一代就算你遇到佢哋嘅時候，佢哋都有機會會逃走嘅，就算你用埋黑色目光或者其他可以防止佢哋逃走嘅技能啦，佢哋呢都會使用吼叫呢一招嚟趕你走嘅，只不過如果佢哋一用吼叫呢一招而又成功嘅時候，咁你就會強制退出戰鬥，同時遊戲會判斷呢佢哋唔會再出現㗎啦。呢一個係遊戲裏面好嚴重嘅bug，咁當然啦，唔係冇解決嘅方法嘅，你可以呢用一啲防止對手用聲音係招式嘅精靈，譬如吸盤小丑，佢嘅特性隔音，係可以令到對手聲音系嘅招式呢完全無效嘅，咁就可以被咗呢個 bug
複製道具bug
呢一個就比較麻煩啲啦，需要你有大蔥鴨，而且要學識”拍落”呢一招，同埋吸盤小丑並且你要學識”回收利用”呢一招，另外呢你要去到玉虹市嘅百貨公司買”復古郵件”呢一個道具，呢兩隻精靈以外，你就揀一隻精靈攞一個道具啦，譬如話攞樹果，另外吸盤小丑呢就要裝備啱啱買嘅復古郵件。
然後呢就搵一場雙打對戰進行嘅，首先要派出帶樹果嘅精靈同埋大蔥鴨，當帶樹果嘅隊友食咗樹果之後，就將呢一隻精靈換咗做吸盤小丑，然後對吸盤小丑用拍落呢一招，打走佢身上面嘅郵件，最後吸盤小丑就要用回收利用呢一招。
咁之後你就正常去打呢一場戰鬥啦，打贏咗之後呢你就會觸發到呢一個bug㗎啦。跟住你就唔需要再戰鬥㗎啦，你去返整理隊伍嘅畫面，將其中五隻精靈裝備啱啱買嘅復古郵件，而第六隻精靈就裝備你想複製嘅道具，帶道具的精靈呢嘗試要佢換裝備啦，裝備復古郵件呢一個道具，遊戲都會提示你係裝備成功嘅，不過你要發現呢個郵件呢會消失咗嘅，即係話嗰隻精靈冇任何嘅裝備，但係你嘅背包裏面，你想要複製嘅嗰道具就會增加咗一個㗎啦。咁重複呢個方法就可以無限刷道具啦，大師球都可以用呢個方法刷到出嚟㗎
無限刷金珠bug
舊版其中一個出名嘅bug呢，就係無限刷金珠嘅bug，喺華藍市北邊有條橋嘅，咁你要打五個訓練家，去到最後一名訓練家佢就會俾你一個金珠，同時會即刻同你進入戰鬥，如果你冇打贏呢場戰鬥，咁你就會返去精靈中心，咁你再返去呢條橋搵佢對話嘅時候，佢就會判斷之前個劇情未完成，咁佢會再同你對話多一次，再送你一粒金珠。咁可以用呢個方法不停咁樣刷金珠不斷幫你刷錢呀。
超難四星訓練卡任務
最後我就要同大家講呢一代比較難嘅一個務任。呢一代就好似紅/藍寶石，訓練卡卡片上面其實有幾粒星嘅，要符合特定嘅條件，先至會加粒星俾你嘅，第一粒星呢就係入名人堂，第二粒星就係完成關都圖鑑。
其中一粒就要去七島裏面嘅第二島裏面玩小遊戲，裏面有兩個小遊戲，一個係玩跳繩嘅，一個係接樹果，好似話要跳到200下+接200個果實你先至可以攞到呢粒星喎。呢個遊戲一個人係無法完成，最少要有兩個人。呢應該係好難㗎喇，我就冇玩過啦。不過點解粒星係要同呢兩個小遊戲掛鉤嘅呢？我真係諗唔明啦不過最最最最最難都唔係跳繩啊，係要完成全國圖鑑，最後一粒星就係要你完成全國圖鑑先至可以得到嘅，呢一個簡直就係歷史性任務，而且非常之難做到。因為當時嘅全國圖鑑已經包含咗第一代嘅關都地區，第二代城都地區，再加埋第三代嘅豐緣地區精靈㗎啦。
咁關都地區呢都叫做容易達成嘅，豐緣地區只要你有紅藍寶石版呢都唔難嘅，不過呢要過超過100隻精靈就要啲時間啦，最麻煩嘅就係城都嘅精靈啦。就算係重製版嘅火紅版或者葉綠版，裏面都唔係話有好多城都嘅精靈出現。而喺第三代嘅紅藍寶石版都唔係話有太多城都嘅精靈出現嘅啫，咁我查一查先至發現，有部份嘅精靈根本就冇辦法可以喺重製嘅火紅版或者葉綠版裏面得到，而且亦都唔可能喺紅藍寶石版裏面得到嘅。有好多呢都係要等官方派送，送俾你先至可以拎到嘅
不過仲有一啲呢係連官方派送都冇嘅，譬如出名嘅大奶罐，佢係冇辦法可以喺重製嘅火紅版或者葉綠版，又或者紅藍寶石版，又或者官方派送攞到㗎。
咁點解遊戲要有呢一個咁樣嘅任務比玩家呢？
另外大家都知道，伊貝係第二代有兩個進化，係太陽伊貝同埋月亮伊貝。兩個進化形態係要用遊戲裏面嘅日夜系統觸發嘅，不過重製版嘅火紅/葉綠版係冇呢一個系統嘅，其實紅/藍寶石都冇日夜系統嘅，不過佢裏面有個時間系統，都可以令到伊貝進化太陽伊貝同埋月亮伊貝。但係紅藍寶石版就冇辦法拎到伊貝，咁所以如果你要儲齊全國圖鑑，你就要喺火紅版傳隻伊貝去紅藍寶石版，再進化，再傳返過去火紅版嗰度啦
嘩，會唔會太麻煩啊？
不過就算你進化咗都好啦，其實都有啲精靈係攞唔到㗎嘛，咁基本上無法係當年完成全國圖鑑喎
官方應該都知衰㗎啦，我諗佢哋冇check清楚，所以之後出嘅綠寶石版，佢哋就有一個補完制度啊。綠寶石當你打爆機之後，就發現狩獵地區會多咗兩個區域。多出嚟嘅呢兩個區域，最主要都係要補返，你捉唔到嘅城都精靈嘅啫。裏面有好多都係喺火紅版或者紅藍寶石裏面捉唔到嘅精靈嘅
仲有啊，其實綠寶石版都唔係包含晒紅/藍寶石有嘅精靈，綠寶石版呢有啲精靈係紅/藍寶石版先，有綠寶石版冇嘅。咁即係話如果你要喺火紅版完成全國圖鑑呢個任務，攞訓練卡裏面最後一粒星，你就要買齊晒紅寶石版，藍寶石，綠寶石版，火紅版，同埋葉綠版嘅遊戲啦
嘩太過苛刻啊，玩五隻game喎
咁就算你唔玩五隻game都有其他方法嘅，不過就再苛刻啲啦，就係玩gamecube裏面嘅競技場續作。裏面都拎到一啲競技場裏面有嘅精靈嘅，不過都唔係話全部城都嘅精靈都有啊。而且我仲要買多一部gamecube先至可以攞到你嗰啲精靈，要用嘅錢仲多過買多一兩隻GBA嘅game呀
其實我當年玩嘅時候都覺得奇怪㗎啦，點解佢比全國圖鑑我嘅呢？有好多精靈都捉唔到喎，嗰啲精靈究竟係邊度呢？
完整影片
請按此登錄後留言。未成為會員? 立即註冊