大家好又到咗遊戲學，今集都係繼續講Pokemon Stadium 2，呢一集可以話係完全體，到底比起上一集有幾大改動? 一齊睇下啦
Pokémon Stadium 2 對比上一集不同
同上一集一樣，Pokémon Stadium 2其實唔係一集新game 嚟，只係比玩家讀返GB版的記錄，係N64到玩。第一集有的存取精靈今集都有，另外同樣有自由對戰同比賽模式。
同上一集不同之處係，多咗小遊戲，多咗九個小遊戲，可以最多四人連線玩，唔洗GB卡帶都玩到，不過玩完係無特別獎勵的。
另外可以同朋友交換精靈，如果精靈會通過通訊進化，會係呢隻遊戲內進化埋。呢係上集無的。
另外，自由對戰終於可以用哂初代151隻精靈了，再唔係得40隻比你用，仲可以自定對戰規則。自由度大好多。
競技場模式比第一集多好多比賽，除咗基本的任天堂盃仲有究極盃，黃色盃，幻彩盃。每一個比賽的對戰規則都有少少唔同。另外遊戲都可以比你租精靈嚟用，每一個比賽同一隻精靈的配招式都有唔同的。仲要除咗超夢同夢夢之後，其他精靈幾乎可以全部使用，變化多好多。最重要的改變係，多咗續關獎勵，例如你打一場比賽，三隻精靈都無被打敗，遊戲會獎勵你一次續關機會，當你不幸敗可以係嗰一關重玩，唔洗次次都重頭嚟過。太好了!!!另外遊戲仲新增咗道館館主城堡，係同初代八個道館同埋四天王加埋冠軍青綠對戰。唔洗一次過打哂，逐個逐個道館館主打，係打四天王加冠軍要一次過打，個感覺好似玩返本傳遊戲一樣。
遊戲仲新增咗名人堂，當你係道館館主城堡打敗冠軍之後，你係競技場模式打最後一場對戰的隊伍會登陸係名人堂。
就咁睇多咗好多嘢!!!
遊戲攻略同彩蛋
同第一集一樣有攻略的，任天堂盃不論97/98 同上集的競技場模式差唔多，如果你係用租用精靈，都係揀大隻牛/雷伊貝/三頭地鼠/寶石海星/頑皮雷彈/富迪就得了，雖然對手可以用149隻精靈(無得用超夢同夢夢)，但攻略方法其實差唔多。但去到99年任天堂盃就唔同了，多咗27隻禁用精靈，係跟足當年比賽限制，呢27隻有不同原因被禁，
大隻牛、卡比獸、袋獸
一般係三巨頭由於血量高同攻擊力高，仲可以學好多不同屬性招式，大家都知第一代得特殊值無特攻特防值，呢幾隻特殊值唔低，令到佢哋可以玩雙攻。戰力太多強
富迪、引夢貘人、紅唇娃
呢三隻係超能力系，初代超能力幾乎無天敵，得蟲系招可以剋制，但蟲系招非常少，比較有威力的係飛彈針，但可以學的精靈極少，仲有吸血，不過第一代吸血威力得20。呢三隻被判定為戰力太強唔比出
寶石海星、背背龍、水伊貝、水箭龜
因為攻擊層面好廣，仲要勁耐打，好似寶石海星我上集都有講，可以用水/電/超能招配自我再生，勁到不得了
奇異花，椰樹獸
可以用強力combo 催眠粉/寄生種子/劇毒，由於第一代睡眠時間上限比較長，令到呢個combo太強，唔比出急凍鳥
第一代暴風雪招式的冰凍機率極高，令到急凍鳥過強
其他精靈點解被禁大家自己去查啦，我唔講哂啦
我最主要講點攻略呢個任天堂盃，咁無咗最強堆，唯有揾二線精靈
首先電擊獸，能力值偏高，速度唔低，可以取代雷伊貝，但輸出點都比雷伊貝低，另外電擊獸遊戲內無配打雷，係配雷電拳，但命中基本係100
之後白海獅，水系嚟講呢隻一直戰力都唔錯，係無乜速度，但有水/冰系招式，仲有一般系招式，可以對應好多情況，仲配睡眠，當回血技能咁用，仲可以解異常
穿山王，你點都要一隻地面系去防對手的電系， 穿山王唯一作用就係防對手的電系招式，本身戰力無乜，但係可以揀的地面系，速度算唔差，另外尼多后/尼多王都係地面系，但遊戲無比地面系招式佢哋勇基拉，佢的進化型被禁，但勇基拉速度同特殊值都仲係非常高，超能力系輸出最佳選擇，係物防太低，好易被對手一擊打敗，另外可以選擇吸盤小丑
火伊貝/火鳥/鴨嘴火龍，上一集完全唔建議揀火系，但今集對手有機會用草系，其中鴨嘴火龍最好，係速度最快的火系
多腳水母，最後一隻係是但揀，因為上面五隻已經可以打好多屬性，最後一隻揀乜都無所謂，所以揀咗速度超快的水系，最大缺點係得水系招式仲要命中不高。
對戰策略好簡單，基本係出電擊獸速度快仲可以落麻痺，幾乎每次出場即刻可以落到麻痺，只係見到地面系要回避，就算對手用草都可以用固定輸出招式打。對手有帶電系就一定要揀穿山王，無就完全唔洗揀佢了。勇基拉都係必選擇，因為速度快。其餘三隻有得弱屬性先揀佢哋出場。基本呢個策略，玩一兩次就可以過大師級別了，無錯99年任天堂盃係有4個level 要玩四次…
之後係超可愛幻彩盃，全部都係未進化仲要係細細隻的精靈，可以揀的精靈仲少，不過只要用最基本策略，揀一隻地面系，一隻電，一隻水，一隻火系基本就過了，唔算太難
黃色盃係等級限制20以下，20以上先進化嗰啲無得出，但都唔難打，用返揀一隻地面系，一隻電，一隻水，一隻火系基本就過了，唔算太難
最後係究極盃，隻隻精靈等級100，除咗超夢同夢夢唔可以用，其他全部都可以用!太好了!不過租用精靈，明顯弱化咗之前被禁嗰27隻，三頭地鼠唔比地震佢，但多咗岩崩。富迪無咗精神強念，又無自我回復，寶石海星只係配泡沫光線又係無自我回復，仲要配命中無100的打雷。反之而鴨嘴火龍配招好好，有火焰拳仲有精神強念，速度仲要唔慢，雷伊貝竟然配比較少見的飛彈針，可以打超能力系了。
策略大同小異，對手有電系就要出地面系備戰，不過對手組好多都齊唔同屬性，比較難估，首發出鴨嘴火龍反之而會比較好啲。另外最後一個對手，係有夢夢，好似係必出，但大師級夢夢好似無想像中咁勁，但可以用雷伊貝的飛彈針打。整體唔算太難。
咁打完大師級99年任天堂盃同大師級究極盃，就有彩蛋，就係可以用兩倍速同三倍速玩GB tower 了。
之後到道館館主城堡，雖然係打館主但其實館主前仲有三個訓練家，嗰三個訓練家唔一定跟館主的屬性，所以唔可以針對館主屬性揀精靈，要全面一啲，最多一兩隻針對館主屬性，其他要係其他屬性
另外，精靈配招又唔同咗，另外電系隻隻都配打雷，命中太低了，所以最後揀咗雷擊獸，其他精靈都唔洗一定揀招式攻擊力高，命中緊要啲…
去到四天王最重要係屬性平均一啲，因為冠軍屬性全面，同命中高，之前好勁嗰啲寶石海星，富迪等等都唔好揀啦，因為被弱化得太緊要啦
另外我第一次打唔知冠軍會出電系，無帶地面系，輸咗…之後揀返就勝出了，唔算太難。
當打完道館館主城堡，就可以隨機得到大木博士隨機送一隻精靈你，奇異種子/小火龍/車厘龜/沙古拉/比華拉/伊貝/菊石獸/化石盔是但比一隻你，係真係入去你gameboy 帶電腦。
另外仲有彩蛋，返去主畫面，天色一變，原來超夢來了，可以挑戰LV100超夢了!!!打超夢係可以6打1，係有啲不道德，但超夢係超勁，基本兩下打敗我一隻，佢必配暴風雪，精神強念，十萬伏特同睡覺，攻擊層面好廣，要打敗佢最好唔好揀被佢剋制的精靈，唔係的話好難打，另外我諗到必勝策略，就係降命中!! 係比較強的精靈有富迪同雷伊貝有得降對手命中，首先要降超夢6層命中，之後就慢慢用飛彈針打敗佢!!! 超易!!!!
之後終於上字幕了，終於打完了，打咗十幾個小時啊，但係原來未完…
遊戲仲有裏模式!!!! 下….我又要重新打過所有競技場模式/道館城堡/超夢…
我唔玩啦!!!我睇返資料對手係會勁啲，但我已經無心機再玩了
最後仲有名人堂，都有小彩蛋，如果你登陸所有精靈係名人堂，你就可以有一隻遊戲就會比一隻識瞬間失憶的儍鴨你。不過都係要好花時間…
後記
今集改善咗好多，比返151隻精靈出場，戰力平衡咗好多，多咗好多模式，但都太多了!!!! 玩一次要爆機，要打138場，雖然多咗個機制比你續關，但都玩咗好耐…要玩咁耐先有獎勵…對玩家嚟講好慘不過整體都係好咗好多
呢集之後仲有一集，係金銀版的stadium，係gameboy系列，終點站!!因為第三代同第二代係斷層世代第二代最多都只可傳去金銀版stadium，要等到3DS先有解決方法
我哋下集見
完整影片
Pokémon Stadium 2 對比上一集不同
同上一集一樣，Pokémon Stadium 2其實唔係一集新game 嚟，只係比玩家讀返GB版的記錄，係N64到玩。第一集有的存取精靈今集都有，另外同樣有自由對戰同比賽模式。
同上一集不同之處係，多咗小遊戲，多咗九個小遊戲，可以最多四人連線玩，唔洗GB卡帶都玩到，不過玩完係無特別獎勵的。
另外可以同朋友交換精靈，如果精靈會通過通訊進化，會係呢隻遊戲內進化埋。呢係上集無的。
另外，自由對戰終於可以用哂初代151隻精靈了，再唔係得40隻比你用，仲可以自定對戰規則。自由度大好多。
競技場模式比第一集多好多比賽，除咗基本的任天堂盃仲有究極盃，黃色盃，幻彩盃。每一個比賽的對戰規則都有少少唔同。另外遊戲都可以比你租精靈嚟用，每一個比賽同一隻精靈的配招式都有唔同的。仲要除咗超夢同夢夢之後，其他精靈幾乎可以全部使用，變化多好多。最重要的改變係，多咗續關獎勵，例如你打一場比賽，三隻精靈都無被打敗，遊戲會獎勵你一次續關機會，當你不幸敗可以係嗰一關重玩，唔洗次次都重頭嚟過。太好了!!!另外遊戲仲新增咗道館館主城堡，係同初代八個道館同埋四天王加埋冠軍青綠對戰。唔洗一次過打哂，逐個逐個道館館主打，係打四天王加冠軍要一次過打，個感覺好似玩返本傳遊戲一樣。
遊戲仲新增咗名人堂，當你係道館館主城堡打敗冠軍之後，你係競技場模式打最後一場對戰的隊伍會登陸係名人堂。
就咁睇多咗好多嘢!!!
遊戲攻略同彩蛋
同第一集一樣有攻略的，任天堂盃不論97/98 同上集的競技場模式差唔多，如果你係用租用精靈，都係揀大隻牛/雷伊貝/三頭地鼠/寶石海星/頑皮雷彈/富迪就得了，雖然對手可以用149隻精靈(無得用超夢同夢夢)，但攻略方法其實差唔多。但去到99年任天堂盃就唔同了，多咗27隻禁用精靈，係跟足當年比賽限制，呢27隻有不同原因被禁，
大隻牛、卡比獸、袋獸
一般係三巨頭由於血量高同攻擊力高，仲可以學好多不同屬性招式，大家都知第一代得特殊值無特攻特防值，呢幾隻特殊值唔低，令到佢哋可以玩雙攻。戰力太多強
富迪、引夢貘人、紅唇娃
呢三隻係超能力系，初代超能力幾乎無天敵，得蟲系招可以剋制，但蟲系招非常少，比較有威力的係飛彈針，但可以學的精靈極少，仲有吸血，不過第一代吸血威力得20。呢三隻被判定為戰力太強唔比出
寶石海星、背背龍、水伊貝、水箭龜
因為攻擊層面好廣，仲要勁耐打，好似寶石海星我上集都有講，可以用水/電/超能招配自我再生，勁到不得了
奇異花，椰樹獸
可以用強力combo 催眠粉/寄生種子/劇毒，由於第一代睡眠時間上限比較長，令到呢個combo太強，唔比出急凍鳥
第一代暴風雪招式的冰凍機率極高，令到急凍鳥過強
其他精靈點解被禁大家自己去查啦，我唔講哂啦
我最主要講點攻略呢個任天堂盃，咁無咗最強堆，唯有揾二線精靈
首先電擊獸，能力值偏高，速度唔低，可以取代雷伊貝，但輸出點都比雷伊貝低，另外電擊獸遊戲內無配打雷，係配雷電拳，但命中基本係100
之後白海獅，水系嚟講呢隻一直戰力都唔錯，係無乜速度，但有水/冰系招式，仲有一般系招式，可以對應好多情況，仲配睡眠，當回血技能咁用，仲可以解異常
穿山王，你點都要一隻地面系去防對手的電系， 穿山王唯一作用就係防對手的電系招式，本身戰力無乜，但係可以揀的地面系，速度算唔差，另外尼多后/尼多王都係地面系，但遊戲無比地面系招式佢哋勇基拉，佢的進化型被禁，但勇基拉速度同特殊值都仲係非常高，超能力系輸出最佳選擇，係物防太低，好易被對手一擊打敗，另外可以選擇吸盤小丑
火伊貝/火鳥/鴨嘴火龍，上一集完全唔建議揀火系，但今集對手有機會用草系，其中鴨嘴火龍最好，係速度最快的火系
多腳水母，最後一隻係是但揀，因為上面五隻已經可以打好多屬性，最後一隻揀乜都無所謂，所以揀咗速度超快的水系，最大缺點係得水系招式仲要命中不高。
對戰策略好簡單，基本係出電擊獸速度快仲可以落麻痺，幾乎每次出場即刻可以落到麻痺，只係見到地面系要回避，就算對手用草都可以用固定輸出招式打。對手有帶電系就一定要揀穿山王，無就完全唔洗揀佢了。勇基拉都係必選擇，因為速度快。其餘三隻有得弱屬性先揀佢哋出場。基本呢個策略，玩一兩次就可以過大師級別了，無錯99年任天堂盃係有4個level 要玩四次…
之後係超可愛幻彩盃，全部都係未進化仲要係細細隻的精靈，可以揀的精靈仲少，不過只要用最基本策略，揀一隻地面系，一隻電，一隻水，一隻火系基本就過了，唔算太難
黃色盃係等級限制20以下，20以上先進化嗰啲無得出，但都唔難打，用返揀一隻地面系，一隻電，一隻水，一隻火系基本就過了，唔算太難
最後係究極盃，隻隻精靈等級100，除咗超夢同夢夢唔可以用，其他全部都可以用!太好了!不過租用精靈，明顯弱化咗之前被禁嗰27隻，三頭地鼠唔比地震佢，但多咗岩崩。富迪無咗精神強念，又無自我回復，寶石海星只係配泡沫光線又係無自我回復，仲要配命中無100的打雷。反之而鴨嘴火龍配招好好，有火焰拳仲有精神強念，速度仲要唔慢，雷伊貝竟然配比較少見的飛彈針，可以打超能力系了。
策略大同小異，對手有電系就要出地面系備戰，不過對手組好多都齊唔同屬性，比較難估，首發出鴨嘴火龍反之而會比較好啲。另外最後一個對手，係有夢夢，好似係必出，但大師級夢夢好似無想像中咁勁，但可以用雷伊貝的飛彈針打。整體唔算太難。
咁打完大師級99年任天堂盃同大師級究極盃，就有彩蛋，就係可以用兩倍速同三倍速玩GB tower 了。
之後到道館館主城堡，雖然係打館主但其實館主前仲有三個訓練家，嗰三個訓練家唔一定跟館主的屬性，所以唔可以針對館主屬性揀精靈，要全面一啲，最多一兩隻針對館主屬性，其他要係其他屬性
另外，精靈配招又唔同咗，另外電系隻隻都配打雷，命中太低了，所以最後揀咗雷擊獸，其他精靈都唔洗一定揀招式攻擊力高，命中緊要啲…
去到四天王最重要係屬性平均一啲，因為冠軍屬性全面，同命中高，之前好勁嗰啲寶石海星，富迪等等都唔好揀啦，因為被弱化得太緊要啦
另外我第一次打唔知冠軍會出電系，無帶地面系，輸咗…之後揀返就勝出了，唔算太難。
當打完道館館主城堡，就可以隨機得到大木博士隨機送一隻精靈你，奇異種子/小火龍/車厘龜/沙古拉/比華拉/伊貝/菊石獸/化石盔是但比一隻你，係真係入去你gameboy 帶電腦。
另外仲有彩蛋，返去主畫面，天色一變，原來超夢來了，可以挑戰LV100超夢了!!!打超夢係可以6打1，係有啲不道德，但超夢係超勁，基本兩下打敗我一隻，佢必配暴風雪，精神強念，十萬伏特同睡覺，攻擊層面好廣，要打敗佢最好唔好揀被佢剋制的精靈，唔係的話好難打，另外我諗到必勝策略，就係降命中!! 係比較強的精靈有富迪同雷伊貝有得降對手命中，首先要降超夢6層命中，之後就慢慢用飛彈針打敗佢!!! 超易!!!!
之後終於上字幕了，終於打完了，打咗十幾個小時啊，但係原來未完…
遊戲仲有裏模式!!!! 下….我又要重新打過所有競技場模式/道館城堡/超夢…
我唔玩啦!!!我睇返資料對手係會勁啲，但我已經無心機再玩了
最後仲有名人堂，都有小彩蛋，如果你登陸所有精靈係名人堂，你就可以有一隻遊戲就會比一隻識瞬間失憶的儍鴨你。不過都係要好花時間…
後記
今集改善咗好多，比返151隻精靈出場，戰力平衡咗好多，多咗好多模式，但都太多了!!!! 玩一次要爆機，要打138場，雖然多咗個機制比你續關，但都玩咗好耐…要玩咁耐先有獎勵…對玩家嚟講好慘不過整體都係好咗好多
呢集之後仲有一集，係金銀版的stadium，係gameboy系列，終點站!!因為第三代同第二代係斷層世代第二代最多都只可傳去金銀版stadium，要等到3DS先有解決方法
我哋下集見
完整影片
請按此登錄後留言。未成為會員? 立即註冊