作為玩咗25年有多的寶可夢玩家，由初代就開始玩到依家。對於第一代，一路都有好多疑問。今集就同大家講下初代一啲我諗咗好耐都唔知答案的疑問，同一啲回憶。
寶可夢黃版簡介
首先講下初代回憶。我一開始唔係玩紅/綠版，我一開始就玩比卡超版，即係黃版啦，因為我係睇完動畫先知有寶可夢遊戲。當時仲係小智做主角，帶住比卡超冒險，自然想買黃版啦。黃版個設定其實都係偏向要大家做小智，由一開始輸入自己個名已經有小智比你揀，到大木比比卡超你，比卡超唔肯留係精靈球，結果全程都係跟住主角行。仲有火箭隊，武藏同小次郎，仲有喵喵怪，佢哋唔會係紅/綠版出現，只會係黃版出現，多咗一份回憶!!! 而且黃版可以集齊關都御三家，同小智一樣，你可以試下組一隊同小智一樣的隊伍。好開心啊!!!! 你隻比卡超仲要無得進化，同動畫一樣。遊戲無講到明你係小智，但其實根本就係了。總之就係興奮!!! 黃版做得好過紅/綠版好多。玩過黃版再玩紅/綠版，硬係差啲嘢嫁。好啦!正式開始15個疑問同回憶點
1.博士個任務 郵包有乜嘢
資料來源https://www.reddit.com/r/pokemonconspiracies/comments/11bztr/oaks_parcel_whats_really_inside/
初代第一個任務
廿幾年前玩睇唔明日文，唔知一開始個任務係做乜，要亂撞先知要攞包裹，但個包裹裡面有乜就唔知了。依家用AI翻譯啲對話先知，原來係個特殊精靈球/客製精靈球，不過一路都無比主角。網上有好多人話其實係大師球，不過初代大師球唔係大木博士比嫁喎，係西爾佛公司社長比，仲要大師球係模板嚟，係一般商店揾唔到，不過都有可能係大木博士向西爾佛公司訂製。因為初代大木博士設定係非常有權威的一個研究者嚟。可能真係會為咗大木博士整一個精靈球都唔出奇。
2.點解要問勁敵姐姐攞地圖??
完全諗唔到點解要咁特別去勁敵個姐姐到借地圖，一攞到圖鑑勁敵就會叫你去佢姐姐到借地圖。我唔識你姐姐嫁喎，咁突然就走入去借地圖。成件事都好突然，完全唔知點解。
係之後的世代都無咁怪的設定，比如第三代，媽媽會係主角就嚟出發去冒險時送跑鞋。第四代係主角自己返屋企攞媽媽比的地圖，當時因為勁敵都係好朋友的關係，媽媽叫主角比埋地圖勁敵。仲之都無初代問姐姐攞地圖呢個設定。
第三代媽媽比跑鞋
第四代媽媽比地圖
3.勁敵伊布進化原來唔係隨機
由於我一開始係玩黃版，黃版勁敵係攞伊布，大家都知初代伊布有三個進化。打勁敵幾次之後，佢就伊布就會進化。我一路以為係固定進化做雷伊布，因為玩過不下十次，都係見到雷伊布，但我記憶中有一次係見到火伊布的。依家去查下先知唔係隨機，係真係固定但有條件。
一攞到比卡超就要同勁敵打，同埋第一次係22號路見到勁敵打嗰場，呢兩次就會決定勁敵隻伊布會進化邊個形態了。兩次都勝出就進化雷伊布。一輸一贏，或贏得第一場對戰但沒有觸發第二場對戰，就進化火伊布。兩場對戰中輸給勁敵，或輸掉第一場對戰並且沒有觸發第二場對戰，就進化水伊布。原來有呢個設定，真係唔知。官方其實都暗示咗，水系最弱?
同勁敵第一次打
同勁敵第二次打
4.第一次22號路遇勁敵, 完全無提示
啱啱都有講第22號路會見到勁敵，呢個位完全無提示要行入嚟。我問哂成個常青巿的人，都無提示要行入去22號路呢個位。因為呢個位係去冠軍之路，應該係打完8個道館先行入去。但係遊戲偏偏又放咗個勁敵係度，仲要呢場戰鬥係關係到佢隻伊布進化，睇得明日文都唔會無端端行入去啦。仲要你見到勁敵時，佢會串你咁弱，唔好行過去啦，要齊8個勝章先好去啦。咁勁敵嗰陣都係無8個勝章嫁啦，佢又係入面行出嚟?? 當時佢得兩隻精靈，唔好同我講佢有8個勝章啊。
呢場戰鬥完全無提示
5.猴怪係22號路出現係，原來只係黃版補救方案
成日睇一啲人開post 話，揀小火龍開局係難玩，我一路都唔明。22號路有猴怪，打第一道館用猴怪好易喎。過咗咁多年，先玩返紅/綠版先知，原來紅/綠版22號路係無猴怪，嗰陣先明點解會話揀小火龍開局最難，因為完全無法剋制到小剛。黃版仲要特登改咗猴怪係level 9就可以學到格鬥系招式，本身level 9係學唔到招式嫁。不過我心諗，咁多個版本其實都可以打小剛前捉到綠毛蟲同進化巴大蝶，用念力打咪得喎。無猴怪都無問題，我當年用gameboy 玩都唔用猴怪嫁喎。
黃版22號路可以捉猴怪
6.鐵甲蛹同巴大蝶都有補救方案, 但鐵殼蛹同大針蜂無
玩過咁多版本先知，黃版完成度係高啲。好似鐵甲蛹，紅/綠版一進化係學唔到變硬，直到進化都學唔到，係黃版先修定返可以一進化就有變硬。仲有巴大蝶本身一進化唔識念力，要到LV12先學到，黃版一進化就學到了。算係降低咗難度比玩家。不過鐵殼蛹同大針蜂無修正到，明明個設定係一對但無修正到。可能因為黃版本身無得捉鐵殼蛹同大針蜂。
另外其實仲有不少精靈學習招式的次序有變，比如尼多朗同尼多蘭，本身要去到LV4X先可以學到格鬥系招式連續踢，黃版LV12就學到了。打小剛又多一個選擇。
黃版巴大蝶學習招式時間有修改
黃版大針鋒學習招式時間完全無改
7.華藍巿個”兇案現場”, 後面原來係個洞
華藍巿有一間屋，原本比人守住無得入去，過咗一定劇情先比入去。我第一次玩以為嗰間屋係”兇案現場”，封咗唔比入。我當時係呢間屋卡關卡咗幾日，因為我揾唔到路。間屋得一對門，無其他位置出到間屋，我當時又睇唔明日文，只係知呢間屋一定有啲嘢但就唔知係乜。我係見到屋最後的牆係有個類似洞的物體，我當時以為係隻窗。去到我比我家姐玩下時候，佢唔洗唔五分鐘就過咗間屋。原來我以係窗嗰個位，真係一個洞嚟，可以直接行出去間屋……我係嗰度玩咗幾日都唔知嗰個位有得直接走出去囉…
呢間屋上面原來係洞
8.用小火龍打小霞XD
打小霞時，咁啱我表弟係隔離，又咁啱攞咗小火龍，當下我表弟好興奮咁叫我用小火龍去打小霞XD
我真係有跟住做，因為初代已經有好多屬性，我當時唔太知屬性相剋，所以用咗火花打海星星，不過我單據睇嗰幾行唔識的日文同個音效，仲有有睇動畫就就知應該唔係用火打XD 不過我表弟係隔離就照跟先啦XD
最後好似係用比卡超打完
小火龍係無乜機會打得到海星星
9.莉佳之後遊戲難度突然提升
我玩黃版時，就覺得怪了。因為打莉佳最勁嗰隻精靈都只係LV32，去到打阿桔就會去到LV50 !!! 一下子等級提升咗唔少，對手一下子強咗好多，計我話阿桔先係童年惡夢，因為一下子強太多了
10.阿桔根本就係超能系道館
我諗打阿桔時大家都有發現，佢啲訓練家好多都攞催眠貘/引夢貘人/勇基拉，呢幾隻完全唔係毒系，催眠貘/引夢貘人只係因為可以到一招毒系招式毒瓦斯，你就當佢係毒系??? 呢幾隻不停同我出精神強念同念力，超難打。勇基拉仲要乜嘢毒系招都學係唔到，都知點解要放係毒系道館。黃版就連阿桔都變咗超能力系道館，佢攞住三隻毛球加一隻摩魯蛾，全部都只係識一招毒系招，就係劇毒，其他時間都係用精神強念。根本係扮毒系館，但其實係超能力系。最神奇係黃版嗰幾隻精靈的組合，係後期的版本都無再出現，最起碼都比返臭臭泥/雙彈瓦斯佢。我諗連官方都覺得有啲過份???
阿桔黃版配隊
11.野生精靈區捕獲機率
野生精靈區捕獲機會係低嫁啦，但一路都唔知原來有得提升捕獲機率。投擲誘餌同投擲石頭有兩個完全唔同的效果，我一路以為投擲誘餌係增加機率，但原來係減機率XD 投擲石頭先係加機率
仲有一樣叫憤怒計數器，係用嚟計寶可夢會唔會逃走，真係要研究下先知。
12.黃版阿渡超難打
玩黃版時，覺得阿渡好難打，不過玩完紅/綠版先知，係得黃版先難打。完全唔知紅/綠版阿渡配招係咁奇怪，我以為同黃版一樣。紅綠版快龍有配高速移動，成日都出高速移動，根本無攻擊過我。黃版無配高速移動，攻擊機會多咗好多，仲要配啲勁高威力的招式，難打咗好多。
加上遊戲嗰AI聰明咗，終於揀啱招去打我，難玩咗好多。阿渡紅綠藍版配招
阿渡黃版配招
13.黃版比卡超可以交换
呢個都係玩到今時今日先知，我以為係交換過程中會唔比玩家用黃版一開始的比卡超交換，點知完全無限制XD
我試過黃版換走起手嗰隻比卡超去紅版，換完之後黃版真係無咗比卡超跟住行。換咗去紅版嗰隻比卡超，仲可以進化。
仲有個叫聲變咗唔係”比卡超”，係同其他版本一樣的聲。不過係紅版的時候就唔會跟住玩家行。
讀返記錄去返未進化之前，換返隻比卡超去黃版，個叫聲又變返”比卡超”，又有一隻比卡超跟住行。但個親密度好似有啲下跌???
另外我都有試過由其他版本換隻比卡超去黃版，個叫聲無變”比卡超”，係原本的聲音。仲有無黃版一起手嗰隻比卡超，就算有其他版本的比卡超，都唔會跟住玩家行。呢個玩咗廿幾年先知。
14.捉神獸有限制
我重玩時先發現，見到神鳥直接出精靈球係唔會捉到，連一下都唔會搖，仲有句信息出咗嚟，係話”我打唔到隻寶可夢”，個意思應該係個精靈球，打唔到寶可夢。呢句我都係第一次見，以前玩都無，就算紅血都唔得，一定要神鳥中狀態先捉得。玩咗咁耐依家先知囉
15.火鳥真係最廢三神鳥
火鳥有個別名叫瞪眼鳥，大家都知嫁啦。因為三神鳥一捉返嚟就得level 50 升一級就可以學到招式，雷鳥學打雷，冰凍鳥學暴風雪，火鳥學無威力的瞪眼…玩咩
不過仔細睇下level 51之前有乜嘢招式，雷鳥可以有啄鑽，威力80，冰凍鳥有冰凍光束，威力95。反而火鳥得火焰旋渦，威力得15，雖然火焰旋渦係第一代係勁的招式，同束縛一樣，對手中咗無得行動，基本上係封咗對手完全唔比郁。但威力差太遠啦，仲要命中得70…點用你啊
好啦以上就係我對第一代的疑問同回憶點，其實遊戲仲有好多秘密無講，比如可以同大木博士對戰，用返捉超夢的bug 技就可以同大木博士對戰，好似話大木博士本身係可以通過正常流程去打，但到最後廢除咗。但大木的配隊明顯係要打完青綠之後打，唔hea嫁，係正常隊伍，仲要勁的，不過因為我知道時間已經過咗可以用嗰個bug 技的時間就無詳細講。
大木博士配隊
仲有遊戲有個比玩家叫故障市的地方，係野生精靈區的bug 衍生出嚟的一個鎮，我跟網上指示係去到有錯誤嗰位置，但有好多描述都同網上講的唔同，就無再深入研究了。
最後我因為呢條片我特登重玩一次黃版，仲要捉哂所有精靈，真係最有心機玩係今次嫁啦。最煩係練等級，隻隻都要練，仲要比大家睇個進化畫面，要夾返啱打邊場再進化先可以慳啲時間，仲要去查哂咁多個版本要傳邊啲精靈去黃版都攪咗我一陣，好彩之前有唔少挑戰玩完個記錄無清到，先唔洗每個版本都從頭玩一次。捉神鳥都用咗我好多時間，用咗好多個精靈球，但未算最難。野生精靈區就真係堅煩，啲精靈出現機會好低，刷咗好耐先出到，仲要可以逃走，勁難捉。不過最難一定係多邊獸!! 要係賭場用9999金幣先換到，無第二個方法，我要一路都唔買道具，用哂啲錢買金幣先換到，如果要玩老虎機應該要玩到2026先換到了。夢幻個bug 真心唔難，試一兩次就得了，點解當年啲人可以研究到個咁的bug 出嚟真心勁。好啦大家去我另一個頻道去睇返成個遊戲流程。
去影片睇完整版
寶可夢黃版簡介
首先講下初代回憶。我一開始唔係玩紅/綠版，我一開始就玩比卡超版，即係黃版啦，因為我係睇完動畫先知有寶可夢遊戲。當時仲係小智做主角，帶住比卡超冒險，自然想買黃版啦。黃版個設定其實都係偏向要大家做小智，由一開始輸入自己個名已經有小智比你揀，到大木比比卡超你，比卡超唔肯留係精靈球，結果全程都係跟住主角行。仲有火箭隊，武藏同小次郎，仲有喵喵怪，佢哋唔會係紅/綠版出現，只會係黃版出現，多咗一份回憶!!! 而且黃版可以集齊關都御三家，同小智一樣，你可以試下組一隊同小智一樣的隊伍。好開心啊!!!! 你隻比卡超仲要無得進化，同動畫一樣。遊戲無講到明你係小智，但其實根本就係了。總之就係興奮!!! 黃版做得好過紅/綠版好多。玩過黃版再玩紅/綠版，硬係差啲嘢嫁。好啦!正式開始15個疑問同回憶點
1.博士個任務 郵包有乜嘢
資料來源https://www.reddit.com/r/pokemonconspiracies/comments/11bztr/oaks_parcel_whats_really_inside/
初代第一個任務
廿幾年前玩睇唔明日文，唔知一開始個任務係做乜，要亂撞先知要攞包裹，但個包裹裡面有乜就唔知了。依家用AI翻譯啲對話先知，原來係個特殊精靈球/客製精靈球，不過一路都無比主角。網上有好多人話其實係大師球，不過初代大師球唔係大木博士比嫁喎，係西爾佛公司社長比，仲要大師球係模板嚟，係一般商店揾唔到，不過都有可能係大木博士向西爾佛公司訂製。因為初代大木博士設定係非常有權威的一個研究者嚟。可能真係會為咗大木博士整一個精靈球都唔出奇。
2.點解要問勁敵姐姐攞地圖??
完全諗唔到點解要咁特別去勁敵個姐姐到借地圖，一攞到圖鑑勁敵就會叫你去佢姐姐到借地圖。我唔識你姐姐嫁喎，咁突然就走入去借地圖。成件事都好突然，完全唔知點解。
係之後的世代都無咁怪的設定，比如第三代，媽媽會係主角就嚟出發去冒險時送跑鞋。第四代係主角自己返屋企攞媽媽比的地圖，當時因為勁敵都係好朋友的關係，媽媽叫主角比埋地圖勁敵。仲之都無初代問姐姐攞地圖呢個設定。
第三代媽媽比跑鞋
第四代媽媽比地圖
3.勁敵伊布進化原來唔係隨機
由於我一開始係玩黃版，黃版勁敵係攞伊布，大家都知初代伊布有三個進化。打勁敵幾次之後，佢就伊布就會進化。我一路以為係固定進化做雷伊布，因為玩過不下十次，都係見到雷伊布，但我記憶中有一次係見到火伊布的。依家去查下先知唔係隨機，係真係固定但有條件。
一攞到比卡超就要同勁敵打，同埋第一次係22號路見到勁敵打嗰場，呢兩次就會決定勁敵隻伊布會進化邊個形態了。兩次都勝出就進化雷伊布。一輸一贏，或贏得第一場對戰但沒有觸發第二場對戰，就進化火伊布。兩場對戰中輸給勁敵，或輸掉第一場對戰並且沒有觸發第二場對戰，就進化水伊布。原來有呢個設定，真係唔知。官方其實都暗示咗，水系最弱?
同勁敵第一次打
同勁敵第二次打
4.第一次22號路遇勁敵, 完全無提示
啱啱都有講第22號路會見到勁敵，呢個位完全無提示要行入嚟。我問哂成個常青巿的人，都無提示要行入去22號路呢個位。因為呢個位係去冠軍之路，應該係打完8個道館先行入去。但係遊戲偏偏又放咗個勁敵係度，仲要呢場戰鬥係關係到佢隻伊布進化，睇得明日文都唔會無端端行入去啦。仲要你見到勁敵時，佢會串你咁弱，唔好行過去啦，要齊8個勝章先好去啦。咁勁敵嗰陣都係無8個勝章嫁啦，佢又係入面行出嚟?? 當時佢得兩隻精靈，唔好同我講佢有8個勝章啊。
呢場戰鬥完全無提示
5.猴怪係22號路出現係，原來只係黃版補救方案
成日睇一啲人開post 話，揀小火龍開局係難玩，我一路都唔明。22號路有猴怪，打第一道館用猴怪好易喎。過咗咁多年，先玩返紅/綠版先知，原來紅/綠版22號路係無猴怪，嗰陣先明點解會話揀小火龍開局最難，因為完全無法剋制到小剛。黃版仲要特登改咗猴怪係level 9就可以學到格鬥系招式，本身level 9係學唔到招式嫁。不過我心諗，咁多個版本其實都可以打小剛前捉到綠毛蟲同進化巴大蝶，用念力打咪得喎。無猴怪都無問題，我當年用gameboy 玩都唔用猴怪嫁喎。
黃版22號路可以捉猴怪
6.鐵甲蛹同巴大蝶都有補救方案, 但鐵殼蛹同大針蜂無
玩過咁多版本先知，黃版完成度係高啲。好似鐵甲蛹，紅/綠版一進化係學唔到變硬，直到進化都學唔到，係黃版先修定返可以一進化就有變硬。仲有巴大蝶本身一進化唔識念力，要到LV12先學到，黃版一進化就學到了。算係降低咗難度比玩家。不過鐵殼蛹同大針蜂無修正到，明明個設定係一對但無修正到。可能因為黃版本身無得捉鐵殼蛹同大針蜂。
另外其實仲有不少精靈學習招式的次序有變，比如尼多朗同尼多蘭，本身要去到LV4X先可以學到格鬥系招式連續踢，黃版LV12就學到了。打小剛又多一個選擇。
黃版巴大蝶學習招式時間有修改
黃版大針鋒學習招式時間完全無改
7.華藍巿個”兇案現場”, 後面原來係個洞
華藍巿有一間屋，原本比人守住無得入去，過咗一定劇情先比入去。我第一次玩以為嗰間屋係”兇案現場”，封咗唔比入。我當時係呢間屋卡關卡咗幾日，因為我揾唔到路。間屋得一對門，無其他位置出到間屋，我當時又睇唔明日文，只係知呢間屋一定有啲嘢但就唔知係乜。我係見到屋最後的牆係有個類似洞的物體，我當時以為係隻窗。去到我比我家姐玩下時候，佢唔洗唔五分鐘就過咗間屋。原來我以係窗嗰個位，真係一個洞嚟，可以直接行出去間屋……我係嗰度玩咗幾日都唔知嗰個位有得直接走出去囉…
呢間屋上面原來係洞
8.用小火龍打小霞XD
打小霞時，咁啱我表弟係隔離，又咁啱攞咗小火龍，當下我表弟好興奮咁叫我用小火龍去打小霞XD
我真係有跟住做，因為初代已經有好多屬性，我當時唔太知屬性相剋，所以用咗火花打海星星，不過我單據睇嗰幾行唔識的日文同個音效，仲有有睇動畫就就知應該唔係用火打XD 不過我表弟係隔離就照跟先啦XD
最後好似係用比卡超打完
小火龍係無乜機會打得到海星星
9.莉佳之後遊戲難度突然提升
我玩黃版時，就覺得怪了。因為打莉佳最勁嗰隻精靈都只係LV32，去到打阿桔就會去到LV50 !!! 一下子等級提升咗唔少，對手一下子強咗好多，計我話阿桔先係童年惡夢，因為一下子強太多了
10.阿桔根本就係超能系道館
我諗打阿桔時大家都有發現，佢啲訓練家好多都攞催眠貘/引夢貘人/勇基拉，呢幾隻完全唔係毒系，催眠貘/引夢貘人只係因為可以到一招毒系招式毒瓦斯，你就當佢係毒系??? 呢幾隻不停同我出精神強念同念力，超難打。勇基拉仲要乜嘢毒系招都學係唔到，都知點解要放係毒系道館。黃版就連阿桔都變咗超能力系道館，佢攞住三隻毛球加一隻摩魯蛾，全部都只係識一招毒系招，就係劇毒，其他時間都係用精神強念。根本係扮毒系館，但其實係超能力系。最神奇係黃版嗰幾隻精靈的組合，係後期的版本都無再出現，最起碼都比返臭臭泥/雙彈瓦斯佢。我諗連官方都覺得有啲過份???
阿桔黃版配隊
11.野生精靈區捕獲機率
野生精靈區捕獲機會係低嫁啦，但一路都唔知原來有得提升捕獲機率。投擲誘餌同投擲石頭有兩個完全唔同的效果，我一路以為投擲誘餌係增加機率，但原來係減機率XD 投擲石頭先係加機率
仲有一樣叫憤怒計數器，係用嚟計寶可夢會唔會逃走，真係要研究下先知。
12.黃版阿渡超難打
玩黃版時，覺得阿渡好難打，不過玩完紅/綠版先知，係得黃版先難打。完全唔知紅/綠版阿渡配招係咁奇怪，我以為同黃版一樣。紅綠版快龍有配高速移動，成日都出高速移動，根本無攻擊過我。黃版無配高速移動，攻擊機會多咗好多，仲要配啲勁高威力的招式，難打咗好多。
加上遊戲嗰AI聰明咗，終於揀啱招去打我，難玩咗好多。阿渡紅綠藍版配招
阿渡黃版配招
13.黃版比卡超可以交换
呢個都係玩到今時今日先知，我以為係交換過程中會唔比玩家用黃版一開始的比卡超交換，點知完全無限制XD
我試過黃版換走起手嗰隻比卡超去紅版，換完之後黃版真係無咗比卡超跟住行。換咗去紅版嗰隻比卡超，仲可以進化。
仲有個叫聲變咗唔係”比卡超”，係同其他版本一樣的聲。不過係紅版的時候就唔會跟住玩家行。
讀返記錄去返未進化之前，換返隻比卡超去黃版，個叫聲又變返”比卡超”，又有一隻比卡超跟住行。但個親密度好似有啲下跌???
另外我都有試過由其他版本換隻比卡超去黃版，個叫聲無變”比卡超”，係原本的聲音。仲有無黃版一起手嗰隻比卡超，就算有其他版本的比卡超，都唔會跟住玩家行。呢個玩咗廿幾年先知。
14.捉神獸有限制
我重玩時先發現，見到神鳥直接出精靈球係唔會捉到，連一下都唔會搖，仲有句信息出咗嚟，係話”我打唔到隻寶可夢”，個意思應該係個精靈球，打唔到寶可夢。呢句我都係第一次見，以前玩都無，就算紅血都唔得，一定要神鳥中狀態先捉得。玩咗咁耐依家先知囉
15.火鳥真係最廢三神鳥
火鳥有個別名叫瞪眼鳥，大家都知嫁啦。因為三神鳥一捉返嚟就得level 50 升一級就可以學到招式，雷鳥學打雷，冰凍鳥學暴風雪，火鳥學無威力的瞪眼…玩咩
不過仔細睇下level 51之前有乜嘢招式，雷鳥可以有啄鑽，威力80，冰凍鳥有冰凍光束，威力95。反而火鳥得火焰旋渦，威力得15，雖然火焰旋渦係第一代係勁的招式，同束縛一樣，對手中咗無得行動，基本上係封咗對手完全唔比郁。但威力差太遠啦，仲要命中得70…點用你啊
好啦以上就係我對第一代的疑問同回憶點，其實遊戲仲有好多秘密無講，比如可以同大木博士對戰，用返捉超夢的bug 技就可以同大木博士對戰，好似話大木博士本身係可以通過正常流程去打，但到最後廢除咗。但大木的配隊明顯係要打完青綠之後打，唔hea嫁，係正常隊伍，仲要勁的，不過因為我知道時間已經過咗可以用嗰個bug 技的時間就無詳細講。
大木博士配隊
仲有遊戲有個比玩家叫故障市的地方，係野生精靈區的bug 衍生出嚟的一個鎮，我跟網上指示係去到有錯誤嗰位置，但有好多描述都同網上講的唔同，就無再深入研究了。
最後我因為呢條片我特登重玩一次黃版，仲要捉哂所有精靈，真係最有心機玩係今次嫁啦。最煩係練等級，隻隻都要練，仲要比大家睇個進化畫面，要夾返啱打邊場再進化先可以慳啲時間，仲要去查哂咁多個版本要傳邊啲精靈去黃版都攪咗我一陣，好彩之前有唔少挑戰玩完個記錄無清到，先唔洗每個版本都從頭玩一次。捉神鳥都用咗我好多時間，用咗好多個精靈球，但未算最難。野生精靈區就真係堅煩，啲精靈出現機會好低，刷咗好耐先出到，仲要可以逃走，勁難捉。不過最難一定係多邊獸!! 要係賭場用9999金幣先換到，無第二個方法，我要一路都唔買道具，用哂啲錢買金幣先換到，如果要玩老虎機應該要玩到2026先換到了。夢幻個bug 真心唔難，試一兩次就得了，點解當年啲人可以研究到個咁的bug 出嚟真心勁。好啦大家去我另一個頻道去睇返成個遊戲流程。
去影片睇完整版
請按此登錄後留言。未成為會員? 立即註冊