Switch版Pokemon將於今年登場!? 將會進入第八世代？ 精選 推薦

作為宇宙級IP嘅Pokemon，連整個手提機市場俾手機遊戲打到體無完膚嘅時候，依然可以撐住部3DS(，當然唔止佢ww)，可想而知佢係有幾受歡迎。記得當初仲未宣佈Ultra Sun/Ultra Moon會係3DS最後一隻Pokemon，嗰陣話會喺Switch出Pokemon 嘅RPG，我仲講笑咁話"不思議迷宮都係RPG喎"，點知下一隻Pokemon真係出喺Switch！


雖然講就講咗會出，但成個開發過程都好神秘，唔少之前傳過嘅傳聞都證實係假，不過"最近"似乎終於有個會係真嘅消息，呢個消息嚟自一本西班牙嘅Game雜誌，其實已經出咗一段時間，不過PokeJungle近幾日先指出呢段介紹係指Pokemon會進入第八代！
經過一直喺手提機推出，Pokemon將會喺家用機迎接第八代(octava generacion)。製作團隊正開發新嘅機制，預計2018年或之後推出。
註：唔識西班牙文，有錯請指正！


個人覺得Smash應該年尾先出，為咗唔會互搶風頭，Pokemon應該2019先會出，大家都係慢慢等下啦ww。