喺1月15號Bandai已經講16號會做生放送，講明會有款作品喺新平台推出。新平台無容置疑就肯定係NS，只係邊隻game移植落去，好多人都有估可能係Gundam Versus，始終NS比起PS4有個優勢就係面連，亦都有人恥咁講"可能係G-Gen Genesis"呢。
點知，好嘅唔靈醜嘅靈，Bandai噚日喺生放送宣佈G-Gen Genesis會移植落NS，4月26號出，賣¥6800，包哂PS4/PSV上推過嘅DLC，早期購入特典送超任時期嘅G-Gen X。喺鬧之前介紹返隻game先，G-Gen系列係高達嘅戰棋game，2016年出嗰陣都幾多人期待，仲要係第一款Console上中文化嘅高達game。
嗱，個人覺得隻game唔算差嘅，問題係NS使唔使炒冷飯炒到極致，機戰X你又出唔到，反而炒返隻16年嘅作品出嚟，攞景定贈慶…… 仲要其實係高達fans就一早玩緊，可以未爆機嘅，但又唔會有得cross save，無得好似MHXX咁喺3DS過落NS又點引到人買多次。仲有，唔會話我睇死佢，我肯定最後剩係得日文，唔會有其他語言，連吸多啲其他地區嘅新人玩嘅誘因都冇。另一吸引嘅地方就係會送G-Gen X懷緬下，但用¥6800嚟懷緬過去會唔會誇咗少少……
點知，好嘅唔靈醜嘅靈，Bandai噚日喺生放送宣佈G-Gen Genesis會移植落NS，4月26號出，賣¥6800，包哂PS4/PSV上推過嘅DLC，早期購入特典送超任時期嘅G-Gen X。喺鬧之前介紹返隻game先，G-Gen系列係高達嘅戰棋game，2016年出嗰陣都幾多人期待，仲要係第一款Console上中文化嘅高達game。
嗱，個人覺得隻game唔算差嘅，問題係NS使唔使炒冷飯炒到極致，機戰X你又出唔到，反而炒返隻16年嘅作品出嚟，攞景定贈慶…… 仲要其實係高達fans就一早玩緊，可以未爆機嘅，但又唔會有得cross save，無得好似MHXX咁喺3DS過落NS又點引到人買多次。仲有，唔會話我睇死佢，我肯定最後剩係得日文，唔會有其他語言，連吸多啲其他地區嘅新人玩嘅誘因都冇。另一吸引嘅地方就係會送G-Gen X懷緬下，但用¥6800嚟懷緬過去會唔會誇咗少少……
請按此登錄後留言。未成為會員? 立即註冊