終於有日麻、經典Super Mario Bros.登場!一週Switch精選新Games情報(12/18-24)

I am Switch-er 於 19/12/2017 發表 收藏文章
シンプル麻雀オンライン 12月21號推出
日麻愛好者終於等到喇!以往喺任天堂嘅主機都出過唔少好玩嘅日麻Game,今次呢隻賣¥800(約$56),有得網上對戰,又有得單機同電腦,絕對買得過!

リディー&スールのアトリエ ~不思議な絵画の錬金術士~ 12月21號推出
鍊金術士系列不嬲都好受歡迎,今次都係靠你幫佢哋成為全國第一嘅鍊金工房,賣¥7884(約$548),可惜Switch版無中文版,得PS4同PC有,仲要至少等多個幾兩個月……

ワンピース 海賊無双3 デラックスエディション 12月21號推出
得,我知,又係冷飯吖嘛,咁你已經食過梗係唔係叫你再食,但未玩過嘅真係可以諗諗,賣¥6264(約$435),一隻正常大game嘅價錢,包哂所有DLC,算抵玩架喇。

The Coma: Recut 12月21號推出
一款Indie、恐怖嘅冒險遊戲,用埋韓國學校做背景,有睇開韓國恐怖片嘅會特別明白個恐怖嘅氛圍,不過提提你,其實PS4同Steam幾個月前已經出咗,Steam版仲要平廿幾蚊,呢類game對電腦嘅需求又唔大,你明我想講乜嘅ww

アーケードアーカイブス VS.スーパーマリオブラザーズ 12月23號推出
最後呢隻我知你哋會話上網都有得玩啦,不過支持正版吖嘛,特別你第一次接觸係Game Boy嗰陣,用返手提機真係特別有feel,真係賣¥823(約$58)啫,食少幾包薯片都喺返度啦。

留言


請按此登錄後留言。未成為會員? 立即註冊
    快捷鍵:←
    快捷鍵:→