NS又一新功能？外國玩家靠Joy-Con HD震動發現腫瘤！ 精選

喺香港，打機成日都俾人冠以一個負面嘅形象，但其實打機都可以好正面！我今日唔係要同大家講咩電競都係正當職業，唔係要同大家講咩遊戲都可以教大家一個好好嘅價值觀，我今日想講原來打機同你嘅健康係有幫助！


最近喺Reddit就有位澳洲玩家同大家分享，佢全靠Joy-Con嘅HD震動先發現自己手掌有個腫瘤："當我玩Mario Mart 8嘅時候會出現一個奇怪嘅問題，右手食指會好X痛。因為剩係玩NS先有呢個問題，我玩返Xbox嗰陣又無呢個問題，咁我就擺低咗部NS。幾個月之後我發現當初痛嗰個位好似有個印，我咪去睇醫生，醫生同我講我右手有個腫瘤！我下個月會做手術切咗個腫瘤，我真係好感謝Joy-Con HD震動呢個功能，等我可以及時發現問題、無等情況更惡劣嘅時候先睇醫生。