邊個話NS得自家作?四大第三廠作總有一款啱你玩!

I am Switch-er 於 13/03/2018 發表 收藏文章
上個禮拜嘅Nintendo Direct相信大家都將個焦點放咗喺大亂鬥度,但我過往都講過好多次,除咗高質自家作,第三廠嘅支持都好重要!而今次就公佈咗幾款第三廠嘅作品,我喺度介紹其中四款,總有一款你會有興趣嘅。

South Park: The Fractured But Whole
連South Park都出,任天堂你變喇ww,South Park算係成人向嘅動畫,而佢嘅遊戲一如佢嘅動畫,充滿住粗口同Racist ww。玩法係戰棋混合解謎,4月24號就會出!

Little Nightmares: Complete Edition
好耐之前已經介紹過呢隻game,少少恐怖嘅重解謎遊戲,故事嘅含意都幾有深度。呢個版本係包哂所有DLC,之前未玩過嘅真係可以諗諗,5月18號出。

大神 絕景版
經典遊戲大神上年年尾已經陸續喺唔同平台推出重製版,數下數下終於到NS喇!嚟到NS會支援體感,可以用touch screen或者Joy-Con"寫書法"ww,予定夏季推出。

古惑狼:瘋狂三部曲
上年玩到唔少PS4玩家掉爛手掣ww,古惑狼今個夏季終於出埋喺NS、Xbox One同PC,係初代三款作品嘅重製版。闊別10年,古惑狼終於再次登陸任天堂同Xbox平台,更加係首次喺PC上推出,粉碎咗上年話古惑狼會再次由PlayStation獨佔嘅傳言!

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→