想打太鼓有feel啲?唔使買鼓架!NS太鼓Joy-Con咪係鼓棍!

I am Switch-er 於 09/03/2018 發表 收藏文章
其實上年Nintendo Switch發表,公開第三方合作名單嘅時候,太鼓の達人已經榜上有名,但等呀等、等呀等,等足成年都冇出呀陰公,中間仲要出咗隻PS4嘅太鼓,你叫剩係得NS嘅玩家情何以堪。早排終於出咗隻Gal Metal,諗住可以止下渴啦,點知佢真係模仿得太真實,我呢啲音痴已經跟唔到,仲要有delay!諗住轉返做撳掣會好啲啦,頂,複雜到呀媽都唔認得!得,我認命。


同我類似嘅讀者又唔使絕望,NS版太鼓の達人終於發表,今個夏天就會出!玩法就唔會變架喇,換個角度講,想玩太鼓嘅都唔想佢大變啦。不過NS自然會有返佢嘅特色啦,之前不論Wii定PS4版,你想玩得有feel啲都要額外俾錢買個鼓嘅配件,嚟緊NS終於可以慳返呢筆錢,因為Joy-Con本身咪可以模擬返鼓棍!正還正,真係要解決到delay嘅問題先,唔係盞俾人插。

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→