任天堂提告白貓侵權五大專利公開!大家又點睇?

I am Switch-er 於 21/02/2018 發表 收藏文章
上個月已經提過任天堂正式提告Colopl,指白貓侵權,向Colopl索賠44億日元兼即時下架白貓(,詳見:http://s.fanpiece.com/KfKYQFC),之後就傳過一啲Colopl有機會侵犯嘅專利,引起大家熱切討論。任天堂同Colopl呢單官司終於喺上星期五(2/16)喺東京地區法院進行第一次口頭答辯,內容只係雙方提交書面資料、確應提告內容、同埋決定下次開庭時間,所以呢單官司只係啱啱開始,不過同時就對外公開咗究竟任天堂認為Colopl侵犯咗邊啲專利。


1. 以座標為基準嘅虛擬搖桿操作
呢項專利內容為"使用虛擬搖桿控制嘅時候,提供可以防止玩家操作混亂嘅程式及裝置",亦即係類似ぷにコン嗰種,玩家可以喺任意一點作為原點,喺嗰點做出虛擬搖桿嘅效果。

2. 角色被環境或其他物體遮蔽時嘅表現方式
呢項專利內容為"喺遊戲空間內配合地形物件同玩家角色嘅配置決定描繪狀態嘅程式及裝置",簡單講即係當你個角色被遮蔽後,以現時嘅角度同遮蔽程度,決定以咩方式呈現,例如半透明、全透明等。

3. 喺停止觸控操作時,根據物件位置決定反應
呢項專利內容為"喺具備指向裝置嘅遊戲裝置設備上,玩家停止操作嘅時候,以畫面上同其他物件嘅距離決定下一步行動嘅程式",簡單講就好似你停喺敵人一定距離之內就會觸發敵人開始攻擊咁。

4. 由休眠模式回歸嘅專利
呢項專利內容為"喺具備休眠模式嘅主機上,進入同解除休眠模式嘅時候運行操作管理程式",即係平時開返部機之後要撳確認先會繼續遊戲,係為咗防止意外解除休眠遊戲喺玩家唔知情唧情況下繼續。

5. 只允許已經彼此登錄嘅玩家進行連線嘅專利

呢五項專利其實唔止白貓,好多手遊都中哂咁滯,咁究竟係咩原因任天堂個個唔告剩係告Colopl呢?

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→