EA喺凌晨4點就為Battlefield V搞咗個發佈會，之前都有Game舖老闆同我講佢好驚呢類game一係唔出，一出就炒埋一碟，先有10/12推出嘅COD Black ops 4，後有10/26推出嘅Red Dead Redemption 2。我嗰陣仲叫佢唔使驚，啲Game廠無理由咁蠢撞到應一應咁出，但原來各大Game廠都有份傲骨、有種"我一定唔會輸俾你"嘅信念ww，EA公佈Battlefield V 10/19推出！大佬，呢個已經唔係有冇錢買嘅問題，而係就算唔返工都唔夠時間玩呀！(況且，又有乜可能唔使返工/.\)
講返Battlefield V，Battlefield 1就用咗WWI做背景，所以Battlefield V就一如大家所料，係用WWII作為主要背景。雖然多人模式好受歡迎，但Battlrfield V仍然好照顧鍾意玩單機嘅朋友，會帶嚟全新嘅單人模式 - 戰爭故事。好鍾意Battlefield 1嘅玩法唔需要太擔心，Grand Operations係有保留，而且規模更大！另外，Battlefield V將會重新加入4人合作模式，除咗單機同對打，今集又可以再叫返啲Friend真 • 一齊玩。
細佬我覺得最重要嘅係，喺發佈會係講明咗Battlefield V係唔會有任何Pay-to-Win嘅付費元素，所有嘢都係要靠玩家落手玩去儲返嚟，而且遊戲推出只係一個開始，遊戲將會持續提供免費更新以及定期舉行限時活動，每個為期2至3個月，11月會公開第一個。Battlefield V將會喺10/19於PC、XB1以及PS4推出，預購豪華版將會提早三日有得玩！
講返Battlefield V，Battlefield 1就用咗WWI做背景，所以Battlefield V就一如大家所料，係用WWII作為主要背景。雖然多人模式好受歡迎，但Battlrfield V仍然好照顧鍾意玩單機嘅朋友，會帶嚟全新嘅單人模式 - 戰爭故事。好鍾意Battlefield 1嘅玩法唔需要太擔心，Grand Operations係有保留，而且規模更大！另外，Battlefield V將會重新加入4人合作模式，除咗單機同對打，今集又可以再叫返啲Friend真 • 一齊玩。
細佬我覺得最重要嘅係，喺發佈會係講明咗Battlefield V係唔會有任何Pay-to-Win嘅付費元素，所有嘢都係要靠玩家落手玩去儲返嚟，而且遊戲推出只係一個開始，遊戲將會持續提供免費更新以及定期舉行限時活動，每個為期2至3個月，11月會公開第一個。Battlefield V將會喺10/19於PC、XB1以及PS4推出，預購豪華版將會提早三日有得玩！
請按此登錄後留言。未成為會員? 立即註冊