白金工作室正開發截然不同嘅動作遊戲!

卡關の達人 於 15/05/2018 發表 收藏文章
白金工作室舊年就講過打算將所有自家作品移植到PC,但喺Bayonetta放咗上Steam之後,除咗Switch獨佔嘅Bayonetta 3之外,都無任何新作嘅消息。直到今年年頭,佢哋就表示開發緊兩款介乎於3A級以及indie之間嘅遊戲。終於,神谷英樹喺今個禮拜終於講多少少資訊,佢就話自己製作一隻可以完全改變動作遊戲嘅作品。


神谷表示除咗自己,幾乎整個工作室都無人知有呢款作品。雖然神谷剩係講咗咁多,但另一位製作人稻葉敦志表示佢哋嘅目標唔係整一隻連招為主嘅動作遊戲,而係好嘅動作遊戲:"我哋由頭到尾都無諗過剩係做一啲有華麗連招嘅遊戲,只係咁啱我哋做出嚟覺得有趣嘅作品都包含呢個元素。"

留言


請按此登錄後留言。未成為會員? 立即註冊
    快捷鍵:←
    快捷鍵:→