Game廠末日？比利時政府正式裁定戰利品箱屬非法賭博！ 精選

係呀，我又追擊Loot Box喇，不過今次終於係真 • 好消息。事緣Star Wars Battlefront 2苛刻嘅角色解鎖要求(US$40/40小時遊玩)，以及戰利品箱內含極影響遊戲平衡嘅元素，引起全球玩家不滿，甚至觸動歐美各地政府認真研究戰利品箱係咪等同賭博。


之前就誤傳過比利時政府裁定戰利品箱等同賭博，不過就算經澄清後，當地嘅議員當時嘅口風都係覺得戰利品箱同賭博無異。比利時電玩委員會調查咗Overwatch、FIFA18、CS: GO、Star Wars Battlefront 2等含戰利品箱元素嘅遊戲。基本上所有遊戲都被評為包含賭博成份，唯獨Star Wars Battlefront 2喺調查期間移除咗成個課金系統，所以成為例外。


比利時司法部長Koen Geens表示希望可以同呢堆遊戲嘅開發者見個面，商討呢啲遊戲嘅後續發展，如果開發商執意保留戰利品箱機制，將會面臨強制下架、80萬歐元罰款，甚到監禁5年。雖然ESA一直都迴避呢個問題，只係推出會喺遊戲封面加返句含小額課金嘅標語，不過唔少州政府都已經就相關議題，比利時呢裁決正正成為佢哋最有力嘅參考。