Switch再次被破解，原因居然係Nvidia問題!? 精選

Switch被破解就唔係咩大新聞嚟嘅，年頭Team Xecuter就拍埋片證明自己真係破解咗Switch，不過之後就無哂聲氣。不過破解嘅工作又點會得一個人研究，上個禮拜就有另一位大神Kate Temkin宣佈成功破解Switch。


佢表示早前已經發現Nvidia Tegra芯片有漏洞，呢個漏洞存在喺唯讀嘅bootrom裡面，只係可以喺出廠前更新，出咗廠就無辦法補救。佢已經第一時間通知嘅Nvidia同其他包括任天堂在內有用Tegra嘅廠商，不過考慮到受影響嘅範圍太廣，佢決定過咗廠商嘅反應週期先公開破解方法。


佢暫時予定夏季會公開，無論大家嘅System有幾update都可以用佢嘅方法破解，而且同以往流出嘅方法唔同，除咗硬解之外，佢更加會提供唔使拆機嘅軟解。如果屬實，唔止Switch大穫咁簡單，而係Nvidia瀨哂嘢！