美隊真係要走喇,Chris Evans表明唔再做美隊!

卡關の達人 於 23/03/2018 發表 收藏文章
現時最代表到Avengers、最代表到MCU,一定非美國隊長莫屬。不過一直以嚟Chris Evans都表示自己對導演、幕後、以及唔同嘅劇種都好有興趣,好似Gifted就係同美國隊長嘅風格截然不同,但Chris Evans可以參演都係格硬喺Captain America 3同Avengers 3嘅拍攝檔期中間唔抖,擠時間出嚟拍。


過去一年,不斷有傳言指Chris Evans唔會同Marvel續約,其實不論係要還原返原著劇情,定劇組有心,喺Civil War結尾放低盾牌都顯示咗美國隊長要放低隊長嘅身份。而近日Chris Evans喺一個訪問裡就重申佢將會離開MCU:"喺完成Avengers 4嘅補拍之後,我同Marvel就真係完約喇,今次會係我最後一次可以着上美國隊長嘅制服。喺俾人推落車之前,自己應該落車先。以前我係嗰啲搏命衝嘅人,想同某啲人一樣達成某啲成就,但當你得到之後,你又會發現自己咁樣係好悲哀,之後你嘅想法就會改變,會慢慢放慢原先嘅步伐,呢個時候你就會有被釋放嘅感覺,因為你終於明白把握現在先係人生最重要嘅嘢。"


喺劇情上大家就唔需要擔心涵接嘅問題嘅,因為下年Captain Marvel就會登場,不過話哂都十年,唔捨得就點都有啲嘅……

留言


請按此登錄後留言。未成為會員? 立即註冊
    快捷鍵:←
    快捷鍵:→