真 • 手機食雞！PUBG Mobile官方國際版推出！ 精選

都係嗰句，食雞就無人唔識架喇，雖然我從來都覺得用手掣玩呢啲game已經好痴線，更加無理由用手機玩呢啲game。不過今時今日大家有部好嘅手機都未必有部好嘅電腦(，雖然PUBG嘅系統要求唔高，但部機無返咁上下係會lag)，所以好多人都好期待會有手機版。


當然，鄰國"回應"玩家嘅速度永遠都比官方快，市面上好多向PUBG致敬嘅手機食雞game。不過始終唔係官方做嘅，呢堆山寨版嘅質素就真係……你玩埋我嗰份。其實之前PUBG為咗出官方中國版，唯有同騰訊合作，授權俾佢哋出隻手機版"絕地求生 刺激戰場"，而PUBG Mobile就係刺激戰場嘅國際版，所以流暢度、虛擬鍵嘅設計都比抄考嘅作品嚟得好，真係想體驗下食雞，又唔想俾百幾蚊買咗唔啱玩嘅，都可以down嚟試下嘅。