Captain America、Iron Man退居二線，Thor同Thanos戲份最多！ 精選

MCU踏入十周年，Avengers 3可以算係MCU十周年嘅高潮，亦係一個新舊交替嘅小總結，相信唔少人都好期待。一直有追開嘅相信都好習慣Iron Man同Captain America lead住大家企喺前排、佔最多戲份，不過羅素兄弟最近就表示Avengers 3嘅敘事角度將會同以往唔同！


以往大家都好習慣喺Iron Man同Captain America個角度出發，但羅素兄弟就表示Avengers 3將會以Thanos嘅角度去描寫："成套Avengers 3 Thanos會佔大量戲份，可能同大家預想嘅唔同，但事實上呢套可以話係Thanos嘅個人電影。喺商業電影選擇以反派為主軸，係非常罕見、好冒險嘅決定！另外，Thor喺呢場戰役將會被推到最前線，係今集嘅關鍵之一，呢樣係過去嘅Avengers都冇出現過。" 細佬就咁睇，都係時間換下啲主要人物，始終每個英雄都有各自嘅特色，冇理由有咩大事就剩係嗰一兩個做主角，即使漫畫係咁，喺電影嘅角度係唔健康。