玩轉成個世界！Google Maps開放APIs俾遊戲開發商！ 精選 推薦

AR game、將遊戲同現實世界結合已經成為大勢所趨，但如果真係想出一隻同現實世界結合嘅game，其實係需要大量地形環境嘅資訊。有見及此，Google Maps就開放全新嘅APIs，等啲遊戲開發商可以出啲更貼近現實嘅遊戲。


Google就表示，希望咁多位Developer透過呢個APIs就可以輕輕鬆鬆打造出幻想嘅世界，透過Google Map嘅即時更新同地理數據，玩家置遊戲就同置身現實冇分別。為咗令更多開發人員用到，Google仲將Google Maps導入Unity，令到佢哋喺開發遊戲嘅時候可以更專注喺玩家嘅虛擬體驗。其實以往開發一隻base on真實環境嘅遊戲真係好難，因為開發團隊一定要好熟悉嗰個地方嘅地理資訊，但有咗今次Google開放嘅APIs，成個開發過程就會輕鬆好多，資源亦都可以重點咁擺返喺遊玩體驗度。