MHW全球銷量突破750萬;CAPCOM承諾會處理惡意影響其他人收割素材嘅玩家!

卡關の達人 於 07/03/2018 發表 收藏文章
CAPCOM喺3月5號公佈最新嘅MHW官方銷售數據,目前已經喺全球賣咗超過750萬套,包含PS4同Xbox One嘅實體同數位版,成為CAPCOM史上最暢銷嘅遊戲,對上一隻係Resident Evil 5,賣咗9年總共賣出約740萬套。其實MHW頭三日銷量已經達500萬,兩星期已經賣咗600萬套,雖然銷量會不斷放緩,但隨住唔同嘅DLC推出,加上PC版會喺秋季推出,銷量1000萬絕對不是夢!


不過多人玩自然問題多,特別今集可以隨機入場,其中一個好大嘅問題就係成日都有人特登喺完場刮素材嗰60秒阻住人刮,其中有人喺Reddit講過:"當我哋就嚟打完隻麒麟,有人特登貼埋去打,咁喺真係打完之後佢就成為咗第一位完成搜刮嘅玩家,當佢搞掂之後就不斷中斷我哋搜括嘅動作。雖然話着返件不動衣就解決到,但如果CAPCOM肯做啲嘢就更加好,官方就表示製作團隊已經諗緊點解決,希望最後真係有對策啦。

留言


請按此登錄後留言。未成為會員? 立即註冊
    快捷鍵:←
    快捷鍵:→