Metal Gear Survive負評如潮,唔叫Metal Gear咪乜事都冇囉!

卡關の達人 於 28/02/2018 發表 收藏文章
遊戲界受歡迎嘅IP有好多,Metal Gear絕對係其中一個,俾着你係Konami都唔想放棄佢啦,個問題就係佢自己都唔知個問題係邊。無錯,以往Metal Gear係好受歡迎,係必買之選,但同時大家對呢個系列嘅期望亦都越嚟越高,即係佢要做到嘅質素唔單止好就得,係要超越好呢個level。另一方面Metal Gear嘅成功基本上係歸功於小島秀夫,喺玩家嘅角度Metal Gear就係等如小島秀夫,而Konami點到小島大家都知,所以其實Metal Gear可以算係變咗做禁忌。


其實MGS喺Gamescom 2016首次發佈嘅時候都已經伏已中,當日嗰條trailer到今日已經累積咗13萬dislike,個個都叫Konami放過MG啦,正正經出隻game咪算。雖然話隻game已經開發緊,但其實改少少樣,改過個名已經唔會有人話佢,點知Konami真係勇者無懼,照出,咁咪瀨嘢囉!


雖然開新save要俾錢真係笑出嚟(詳見:開新save要俾錢都俾你諗到,抵你"賺"啦ww ),不過而家有邊個廠唔諗盡辦法搵錢架,其實隻game玩落唔差,可以話係寫實版嘅Fortnite(,當然有啲唔同啦),衰就衰在個名囉!Konami下次都係乖乖地唔好用MG個名出喇,坦白講,MGS真係唔差。

留言


請按此登錄後留言。未成為會員? 立即註冊
    快捷鍵:←
    快捷鍵:→