MHW僅3日已達500萬銷量；打機都唔夠好玩，真實都要做獵人？ 精選 推薦

喺MHW推出之前，MH系列嘅累計銷量已經達4500萬。最新作MHW對比以往系列，第一次將畫質大幅度強化，將地圖改成仿Open World，導入更立體化嘅環境以及魔物生態。特別今集好多改動明顯係想MH可以衝出亞洲，CAPCOM亦都如願以償，推出短短3日就已經賣出500萬套(包含下載版)，成為歷代之冠，加上今集Bandai有份製作，相信之後會有大量合作，MHW熱潮有排都唔會退！


頭先都講咗MHW擺明係要衝出亞洲，除咗全球同步推出之外，CAPCOM喺英國就搞咗個實體活動，務求令各位玩家無論打機定真實都要做獵人！個活動就係鼓勵玩家去搵尼斯湖水怪、大腳怪等，呢啲傳說怪物真實存在嘅證據，如果有人提供到確實嘅證據，就可以攞到50,000英鎊獎金。但其實如果你真係搵到呢啲證據嘅話，又點會剩係值5萬鎊咁少ww。