經常爆料嘅後果,Tom Holland:"我試過對住空氣打咗15分鐘"

卡關の達人 於 17/01/2018 發表 收藏文章
Tom Holland漏口風就出哂名,曾經試過唔小心爆咗Spider-man: Homecoming會拍三部曲,Marvel方面本身就無諗住咁快講出嚟。加上Avengers 3會喺4月上映,所以Tom Holland參加ACE Comic Con嘅時候當然就俾一班傳媒朋友"圍攻",問佢關於Avengers 3同4嘅劇情。


Tom Holland就話其實佢都無乜嘢可以爆,因為劇組可以話係嚴防佢:"其中有一場對打戲,佢哋話之後會加CG,跟住我就打空氣打咗15分鐘。打完我就問導演究竟我係同邊個打緊,佢哋話係機密、無可奉告,無論我點問佢哋都係唔答。雖然我成日都唔知自己實際係做緊乜,不過相信將來拍戲嘅時候都會遇到呢個情況,既然我決定咗要做呢個角色,就要適應呢種模式。"


其實都好合理,唔通下下俾你爆哂出嚟咩ww。又咁講,相信Marvel唔係針對Tom Holland嘅,對住其他演員應該都一樣,就好似Ocamp玩D-Game(Detective Game) 咁,做helper嘅都只會知自己個角色要做啲乜,唔會知道其他嘢,避免穿橋吖嘛,不過劇組對Tom應該會謹慎啲,一句都唔會講ww。

留言


請按此登錄後留言。未成為會員? 立即註冊
    快捷鍵:←
    快捷鍵:→