如果你曾經玩過一隻叫做《天堂》嘅 online game 的話，你應該已經唔再係𡃁仔，甚至已經係一個阿叔。因為唔經唔覺，距離2000年《天堂》喺香港發行，已經17年。呢隻叱咤一時嘅MMORPG，依家喺手機上面捲土重來，再次掀起 online game 熱潮！
半夜開ser 18萬人搶住入
當時喺電腦玩嘅《天堂》係一隻超多人玩嘅online game，血盟、攻城戰呢啲都係《天堂》嘅經典元素，攻城戰一打起上嚟，成個畫面都係人，隨時有幾十萬人同時on緊，電腦幾勁都難逃lag機命運。最新推出嘅《天堂M》就係經典online game《天堂》為手機度身訂造嘅重製版，可能由於大家實在太掛住佢，所以當佢喺12月11號00:00開服嘅時候，即刻就重現逼爆情境，官方仲出公告話實在太多人玩，搞到網絡大塞車！
（以前《天堂》逼過旺角）
手機遊戲《天堂M》喺12月11號正式上市，睇下台北發佈會現場幾咁熱鬧就知大家有幾期待啦。
Gamania 橘子集團執行長劉柏園介紹遊戲時話，喺開server嘅時候，瞬間上線人數超過18萬人、前 3 小時累積排隊登入人數達 67 萬人，唔怪得頭幾個鐘入極都入唔到啦。當時半夜三更都咁多人急住login，所以Gamania緊急開多咗server，到當日中午，最高同時在線人數已經有157,548，玩家創建遊戲角色總數達到807,006個！
Online game最緊要疊馬
間中上去某大討論區嘅「遊戲台」，都會見到一啲「月經post」，一係就問依家到底仲有咩online game好玩，一係就話online game已死。講返舊時，的確係有好多「好玩」嘅online game，但所謂「好玩」其實最重要都係夠人多！點解呀？巴閉囉！英雄主義，疊馬。一班人一齊打機吹水先係集體回憶。
《天堂M》嘅遊戲設定同畫面都似足經典嗰隻《天堂》，角色方面當然仲係王族、騎士、妖精同法師四種。
登入一刻可以睇到，server真係爆晒，第一日已經加開過幾次，依家已經有幾十個ser，有時開新角色仲要排隊⋯⋯
呢一隻game同當年最唔同，就係加咗坊間俗稱「內掛」嘅「自動狩獵」系統，唔使再好似當年咁升lv升到嘔血。因為咁，玩過更早推出嘅韓版《天堂M》嘅老手，都推介大家用妖精做起手角色，因為妖精嘅遠程攻擊，喺「自動狩獵」時會著數啲。
（會場ipad示範「自動狩獵」）
（跟住任務玩一陣已經升咗好多lv，30lv後先見真章）
（手機game必定有課金元素，喺《天堂M》入面，玩家可以買pack、金幣、藍鑽，藍鑽用嚟抽變身卡，直接爭強實力！）
講真，今時今日咁多game玩，如果仲要好似以前咁打生打死升lv、打裝，對於非舊作死忠嚟講就唔係咁吸引，手機介面嘅局限更加令人好難「煲game」，所以加入「自動狩獵」似乎係無可厚非。不過，正如啱啱講到，以前online game最大吸引之處，就係玩家喺線上嘅互動，暫時《天堂M》就夠晒多人，但「自動狩獵」就係令玩家唔需要成日對住個芒㩒㩒㩒，咁會唔會搞到個個都掛機，結果都係冇互動呢？呢樣就靠大家一齊上水玩攻城戰喇。
（連達哥都嚟咗，仲擺出型棍pose！）
半夜開ser 18萬人搶住入
當時喺電腦玩嘅《天堂》係一隻超多人玩嘅online game，血盟、攻城戰呢啲都係《天堂》嘅經典元素，攻城戰一打起上嚟，成個畫面都係人，隨時有幾十萬人同時on緊，電腦幾勁都難逃lag機命運。最新推出嘅《天堂M》就係經典online game《天堂》為手機度身訂造嘅重製版，可能由於大家實在太掛住佢，所以當佢喺12月11號00:00開服嘅時候，即刻就重現逼爆情境，官方仲出公告話實在太多人玩，搞到網絡大塞車！
手機遊戲《天堂M》喺12月11號正式上市，睇下台北發佈會現場幾咁熱鬧就知大家有幾期待啦。
Gamania 橘子集團執行長劉柏園介紹遊戲時話，喺開server嘅時候，瞬間上線人數超過18萬人、前 3 小時累積排隊登入人數達 67 萬人，唔怪得頭幾個鐘入極都入唔到啦。當時半夜三更都咁多人急住login，所以Gamania緊急開多咗server，到當日中午，最高同時在線人數已經有157,548，玩家創建遊戲角色總數達到807,006個！
Online game最緊要疊馬
間中上去某大討論區嘅「遊戲台」，都會見到一啲「月經post」，一係就問依家到底仲有咩online game好玩，一係就話online game已死。講返舊時，的確係有好多「好玩」嘅online game，但所謂「好玩」其實最重要都係夠人多！點解呀？巴閉囉！英雄主義，疊馬。一班人一齊打機吹水先係集體回憶。
《天堂M》嘅遊戲設定同畫面都似足經典嗰隻《天堂》，角色方面當然仲係王族、騎士、妖精同法師四種。
登入一刻可以睇到，server真係爆晒，第一日已經加開過幾次，依家已經有幾十個ser，有時開新角色仲要排隊⋯⋯
呢一隻game同當年最唔同，就係加咗坊間俗稱「內掛」嘅「自動狩獵」系統，唔使再好似當年咁升lv升到嘔血。因為咁，玩過更早推出嘅韓版《天堂M》嘅老手，都推介大家用妖精做起手角色，因為妖精嘅遠程攻擊，喺「自動狩獵」時會著數啲。
講真，今時今日咁多game玩，如果仲要好似以前咁打生打死升lv、打裝，對於非舊作死忠嚟講就唔係咁吸引，手機介面嘅局限更加令人好難「煲game」，所以加入「自動狩獵」似乎係無可厚非。不過，正如啱啱講到，以前online game最大吸引之處，就係玩家喺線上嘅互動，暫時《天堂M》就夠晒多人，但「自動狩獵」就係令玩家唔需要成日對住個芒㩒㩒㩒，咁會唔會搞到個個都掛機，結果都係冇互動呢？呢樣就靠大家一齊上水玩攻城戰喇。
請按此登錄後留言。未成為會員? 立即註冊