PS5或最遲2020發表,PS4週期被迫縮短?

卡關の達人 於 28/02/2018 發表 收藏文章
上年任天堂就憑NS打咗個靚反擊,成功搶返輕玩家呢個重要市場,Sony終於無得再求其出啲game氹下啲輕玩家,Knack係一個好例子,第一集算賣得,但第二集仆直。明顯地PS4係無可能挑戰到NS便攜呢個優勢,咁唯有繼續向重度玩家嘅方向發展。


以前一代家用機嘅週期大概8至10年,但而家問題嚟喇,PC嘅軍備競賽係無止境,當PS4個4K都只係渲染技術,PC已經推到真8K,甚至連真係想玩VR嘅都寧願俾double買Vive而唔揀PSVR。最慘嘅係不斷有好多高端技術出現,意味住舊有技術會不斷跌價。認真諗諗,以往家用機對比PC有個優勢就係3千幾做到人哋成萬蚊嘅嘢,但今時今日,你砌部唔打機,上網煲劇唔lag嘅機都五六千(,唔好攞二三千文書皇嚟比ww),再買部PS4 pro加埋都九千至一萬,呢個價已經砌到部打機順,甚到VR ready嘅電腦,PS4嘅優勢慢慢得返獨佔作(當然呢點好重要)。


為咗擴大返自身優勢,縮短PS4嘅週期推下一部機係無辦法之中嘅辦法。Ubisoft CEO喺2017年嘅財務發佈會就講過,預計Sony同Microsoft會係兩年內出新機,會力推高畫質同VR。我哋就睇下究竟Sony真係要為咗追規格而咁快推新機,定諗到啲硬件以外嘅元素繼續保持優勢!

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→