Mola Mola!多蒙特同PES提前解約,傳史浩克04接手!

卡關の達人 於 04/06/2018 發表 收藏文章
利申先,我認我無玩PES,亦都知有一班hardcore fans玩緊,不過大家必須對比fifa嘅玩家數真係差好遠,所以唔係我無玩就當無人玩,只係仲玩緊PES嘅人真係好少。廢話講完,入正題,相信大家都知UEFA終於同Konami斬纜,完咗原有嘅10年合約之後決定唔再續約,99%機率加盟FIFA,PES嘅生存空間進一步受到壓迫。


但有陣時走得一個就自然會有人跟,上個禮拜五官方就發咗公告,多蒙特提出解除原先到2020年6月先到期嘅合約,PES2019將唔會包含包括隊徽、球員、球場等多蒙特元素。不過今次Konami都算反應快,有傳史浩克04已經同意同Konami合作,PES總算喺四大聯賽都有合作伙伴,包括英超嘅利物浦、西甲嘅巴塞隆拿、以及意甲嘅國際米蘭等。


Konami官方公告
引用衷心感謝各位一直以來對我們產品的支持。
本通知是針對現正接受預訂的產品“PES2019/Winning Eleven”中授權相關事宜。

我們在部分事先公開的“PES2019/Winning Eleven”宣傳資料中包含了多特蒙德足球俱樂部,但是請注意,但是很不幸現在它有可能不會出現在產品當中。

之前KONAMI和多蒙特足球會簽訂了授權協議,包括在2020年6月之前允許KONAMI在產品中使用多蒙特足球會的隊徽,球員,球場和其他特性。然而俱樂部方面提早中止了這一協議的執行。 KONAMI將不會在“PES2019/Winning Eleven”中包含多蒙特足球會的隊徽,球員,球場和其他特性。

但是請放心PES/Winning Eleven系列遊戲會繼續努力與各俱樂部和聯賽組成新的合作關係以讓各位繼續享受足球的樂趣。
敬請期待並支持我們。謝謝!


其實PES擁有完整版權嘅聯賽都所剩無幾,得返俄超、阿甲、丹超、葡超、瑞超、蘇超以及比甲。


其實PES真係唔知仲捱到幾耐,即使成為咗印尼亞運嘅試驗項目,亦都唔代表4年後嘅杭州亞運就一定唔揀FIFA,個人認為Konami而家應該快快手傾中超嘅版權返嚟,氹下中國先,至少可以增加成為杭州亞運項目嘅籌碼。另外,Konami其實真係可以參考下大家意見,加入足球小將、踢出我天地、閃電十一人等足球動漫元素,雖然聽落膠膠地,但橫掂同人鬥真實球隊嘅版權都肯定無得鬥,咁不如索性做啲人哋一定唔做嘅嘢,或者可以殺出條血路呢!

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→