睇Avengers 3要同女朋友約法三章!?

卡關の達人 於 16/04/2018 發表 收藏文章
Avengers 3: Infinity War下個禮拜三就會上畫,俗語有云,十年磨一劍,Marvel Studios十週年作品,總動員多達七十幾位英雄登場,即使上年開始有人對Marvel而家嘅風格有啲厭,都無阻大家對Avengers 3充滿期待。

喺外國有位巴打買咗飛之後問女朋友係咪一齊去,女朋友答完係之後,呢位巴打居然諗住同女朋友約法三章ww:
引用1. 入場前你想食我都可以買,但睇緊嗰陣唔好問我任何嘢。
2. 睇緊嘅時候唔好講嘢,有問題就寫低,完場我會答你。
3. 唔好拖住我,咁會令我分心,會令我miss咗我已經等咗10年嘅內容。忍住你啲牢騷,等credit之後嘅彩蛋都播埋先好爆,Kiss都係。
4. 主角死咗,我哋一齊喊,如果你冇喊就返屋企啦,我需要你代入套戲度。
5. 如果你決定唔嚟,唔該早24個鐘通知我,我會搵返個啱嘅人一齊睇,嗰個應該會係Jesse。如果你臨開場前先話唔嚟,我被迫一個人睇嘅話,我律師會搵你。
6. 如果有個痴線白人諗住走入嚟亂槍掃射,你需要盡快制服佢同睇實佢,等套戲做完先報警,我唔想因為咁而睇唔到套戲。

遵守哂以上嘅規則,睇完場戲就去你最鍾意嗰間雪糕舖,有冇問題?

計我話,根本呢位巴打本身就諗住女朋友會唔去就搵Jesse一齊睇,點知女朋友覆佢Yes,唯有約法三章啦ww(講笑)。小編飛已買,不過想約法三章嘅前提係……

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→