俾着係你都唔想畫，富奸喺《週刊少年Jump》50周年真情剖白！ 精選

《週刊少年Jump》今年就50周年，除咗出咗堆特別連載、喺日本有展覽、同整咗隻手機game，當然唔少得叫啲喺佢度連載過嘅漫畫家寫返幾句感言，不過話哂都算係米飯班主，個個都寫得好行下ww。


《海賊王》尾田榮一郎
"我曾經有兩年經歷過無論點努力都無法得到雜誌社嘅青睞，諗返起呢兩年應該係究竟我會唔會成為漫畫家嘅關鍵。每次落選我都會質疑自己呢個童年嘅夢想，如果都仲係唔受歡迎，不如就完啦。海賊王係我最後嘅底牌，去啦路夫！俾我成為漫畫家啦！就係咁我就畫咗海賊王，最終做到漫畫家真係好好！"

《火影忍者》岸本齊史
"諗返《週刊少年Jump》嘅歷史，造就呢本雜誌嘅成功，唔係編輯，唔係我哋呢啲漫畫家，而係喺云云娛樂之中揀咗漫畫、仲要係真心鍾意漫畫嘅咁多位讀者，特別係揀咗《週刊少年Jump》嘅讀者。我以前都係讀者之一，能夠成為成就《週刊少年Jump》成功嘅讀者之一，我非常驕傲。"

(仲有嘅，不過唔講咁多喇)

嗱，都話好行架啦ww，啲感言幾正面，又可能真係全部都係真心話嘅，不過出名有性格、賺夠就休刊、抖夠又出返嚟畫返幾期嘅冨樫義博居然真情剖白：
"由開始連載到今日，呢4年嘅心情、感受都變咗幾多。因為大約70%嘅版稅被抽走，換句話即係如果我一日做20個鐘，有14個鐘係白做。一諗到事實真係咁，就好想半夜跑出街去飆車，如果我有車牌。其實無論係身體、生活定心靈都已經支離破碎，對於《週刊少年Jump》鎖量達653萬本其實真係無乜特別感受，我只係個玩家，又有咩必要為咗遊戲嘅主角成就解鎖而高興呢？"

大佬，俾我都唔想畫呢，100%工作 70%白做喎，冨樫，係我哋怪錯咗你TT！