[LOL電競消息]世界賽抽籤出爐!AHQ抽中死亡之組，晉級之路岌岌可危，反觀閃電狼... 精選

大家好，琴日同大家介紹過英雄聯盟S7世界賽新賽制後(未睇又唔清楚今年賽制變化嘅讀者可點這裡:HERE)，今日抽籤結果就出爐啦!可憐AHQ再次被抽中死亡之組，不過小組賽我地等陣先講，先睇左無咁重要嘅外卡賽先。
先睇睇我地台港澳LMS嘅戰隊HKA，HKA抽中嘅隊伍算係係外卡賽中實力較高，分別係FB（土耳其）、RPG（日本），但教練Tabe好似就未驚過，係接受LMS分析台訪問時仲霸氣咁話「我地肯定爆打日本隊」，希望真係咁啦。
致於其他三賽區戰隊，WE、FNC、C9通通都係打過入世界賽嘅強隊，相信出線不成問題。睇完外卡賽就到重頭戲，小組賽。
先講A組(死亡之組):
呢組入面有中國第一種子EDG，韓國第二種子兼三屆世界賽冠軍SKT，而我地LMS賽區第二種子就偏偏分入呢組，出線情況岌岌可危。點解咁講呢?SKT有幾難打就係人都知，所以跳過。而EDG係AHQ平時練習嘅老對手，可以話係十份熟知雙方套路(尤其是打野套路)，而係國際賽事入面，AHQ咁多年黎都只係贏過EDG一次咁大把(仲要只係BO1)，所以EDG打AHQ真係好似「老豆打仔」咁打，要出線恐怕很難，但不利消息並不只咁少。基於同組不得有兩支同區隊伍規定，A組第三對手極有機會係NA(C9)或者係EU(FNC)，睇黎AHQ今次都係出國代購團。
小編A組大膽預測:首名SKT，次名EDG

之後到B組:
B組有韓國第一種子LZ，北美第二種子IMT加上東南亞代表GAM。呢組者時黎講都幾而估，GAM雖然今年MSI表現出色，但上路Stark離開後，實力大減，相信只會係部跑分子。
小編B組大膽預測:首名LZ，次名IMT

C組:
C組係計A組之後強度最高嘅組別，入面有歐洲第一種子G2，韓國第三種子SSG(上年亞軍)，中國第二種子RNG，每隊都係世界賽常客，而RNG今年有Uzi回歸坐陣加上凶狠嘅團戰打法正正係韓國隊伍最怕嘅，所以我認為RNG可以拎到首名。SSG次名。不過歐洲王者G2多變嘅打法，都曾經係今年MSI擊敗過當時無敵SKT嘅SKT，相信都會為C組對手造成不少麻煩。呢組如果TBD係C9相信會更有睇頭。小編C組大膽預測:首名RNG，次名SSG

最後係D組。
D組實力都相對較弱，由台港澳第一種子FW，北美第一種子TSM，歐洲第二種子MSF，閃電狼籤運可以話係相當唔錯。D組入面，實力最高應該係FW，而TSM近年雷聲大雨點少就大家都知啦，連續2年止步16強，今年MSI中6強取4都入唔到淘汰賽，雖然有大師兄Doublelift回歸，但反應操作都不復當年勇，而MSF更加係第一次出戰世界賽嘅新仔隊伍，論經驗同實力都係組內最高。唯一要怕就係外卡賽心魔，中國第三種子WE，如果WE贏得外卡賽，基於同組不得有兩支同區隊伍規定，WE很大機會分去D組，所以到時FW能否沖破WE四保一心魔，就睇呢次，但個人覺得FW一定會出線，只差在次名定首名。小編D組大膽預測:首名FW，次名WE

今次分析是預測就到呢到，嚟緊仲會有今次世界賽戰隊分析同回顧，大家記得留意啦~