如何移除Google Image Search 精選

事情是這樣的，有一張朋友飲醉酒的相，佢唔算好出名，但係都會有人在搜尋引擎揾佢個名。當有人揾佢個名，個張一pat爛泥的相就會出現，對於普通人來講已經尷尬，對一個名人來講更慘!


如果朋友揾你個名，Google出上面個張圖，雖然見唔到樣，但係點都唔係一件好事!

移除Google Image Search的圖

好早前曾經講過Google係唔識睇圖，佢最主要係依據別人在填ALT Text去判定這是一幅關於什麼的圖。

最簡單去移除張圖的方法，就係找出源頭。

如果係自己的網站當然冇問題，當你移除網站圖片後，只要等到下一次Google 的蜘蛛抓下你個網站，圖片便會在Google的伺服器移除，時間通常幾天至一個月不等。
如果不幸地在別人的網站，第一部就是通知該網站擁有者去移除圖片，經驗話我知，十個人九個唔會回應，除非見到律師信。

Google亦有教學教你點做，以下是其步驟:

在Google image search result按下該圖片
按下你滑鼠右鍵，複製URL Bar的地址
跟住用 URL removal tool

當你輸入圖片的URL後，只要等到下次Google crawl你網站，圖片應該會移除了。

以下由Google話你知點做Removal 呢個動作


不知為何近來越多客人問的都是移除Google 的內容，之前係Google Auto Suggest，現在就是圖片。
顯然，Google收集的資料只會越來越多，不論個人及公司都需要好好管理資料的散播。

除了圖片，如果Google收錄左一些過時的網站資料，可以閲讀 <<如何在網上保護網上名聲>>