一生只想尋找一個肯挨麥記的女人

唔好講咁多，睇左<<一生只想尋找一個肯挨麥記的女人>>先


似曾相識的對白:
晚飯時間，西洋菜街

女:「好肚餓，不如你諗食乜！」

男:「譚仔呀！今日想食米線！」
女:「吓，好逼喎...」(面已黑)

男:「沙嗲王呀！都坐得舒服！」
女:「吓，要等勁耐喎...」(再黑d)

男:「不如食碗雲吞麵呀！寶貝你想減肥嘛！」
女:「吓，勁多阿叔阿伯喎...」..........

如果以上短片係TVB播，我一定以為係植入式廣告，短短時間內已經有30幾萬人睇過，多人睇過ATV
討論區瘋狂討論，Social Media Marketing 要成功，我覺得"引起共鳴"好重要，別人才有機會Share

至於點樣變成一個sales，好似呢條片為例 (原著由: 張晨("鳥"不起) 寫)，一d品牌不斷被提起可以係策略之一

原本想寫14巴港女抽下水，但係太negative......

以下的內容係影片裏沒有，但真係寫得好好(原文可到FACEBOOK 睇)

"講真，當個女仔提議食麥記嘅時候，我真係懷疑佢係到試探我。只要我話好，就會收取「你是好人」嘅好人卡。

但我見佢咁真心又一試無妨。
一坐低佢就問我食咩，就自己行左出去買。

我心諗「出事！」

係麥記兵法之中，只要你戰略得宜，一餐飯既價格要超越California Pizza絕對唔係難事。

一個散嗌嘅扭扭粉，掟個靚彎去隔離「麥café」整杯藍梅特飲，加件芝士餅。

驀然回首order多客薯條走鹽，雞翼併盤當做例行，真係我慣了傷心，臨尾飄移外賣一個開心樂園餐，話要換禮物比細佬。

成壇野已經一百幾廿蚊，仲要未買你個份。"

以上根本是一個廣告，不是嗎?
"女朋友問我好地地做咩喊，我唯有話啲洋蔥澀眼，真係「一層一層一層 的剝開我的心」，但係我食梗魚柳包...

個一刻，我終於明白，咩叫感動。
踢場足球係 運動、
比賽攞獎係 激動、
BB出世係 作動、
上床攪野係 性衝動、
套都唔戴係 輕舉妄動、
長洲個個係 張保仔洞，

只有女朋友係你唔太惦嘅情況下，主動拉你去食麥記，

仲要顧住你面子，唔令你難堪，掛住個笑樣拖住你隻手仔食薯條，個一下先叫感動。
劉心悠始終會老、法拉都有黑面嘅時候、雷凱欣會爆炸、何家淑女你又唔係陳X聰、Angela Monkey都開始同人撞樣啦！"

願各位找到一個肯挨麥記的女人