方形比卡超陪你周圍冒險！《Pokemon Quest》同時登陸Switch、手機平台 精選 推薦

任天堂今日(30/5)宣布推出多款遊戲，除左黎近11月既《Pokemon Let's Go！比卡超 / 伊貝》，另一款遊戲《Pokemon Quest》亦都宣布會先後於Switch同手機平台推出。
《Pokemon Quest》繼承左《Pokemon》系列遊戲既輕快作風，亦係繼2017年《跳躍吧！鯉魚王》再次登上手機平台。
今次既遊戲係一款強調社交互動既輕鬆小品，小精靈變成方塊一樣既外表，可以好似積木一樣疊高，非常有趣。另外，玩家同樣要飼養同訓練屬於自己既小精靈。組成三隻小精靈既隊伍，帶住佢地周圍冒險、探索、同時搜集資源，係小精靈營地為佢地烹調美食、佈置裝飾，塑造獨一無二既小精靈營地。官方亦都發布左三款遊戲介紹影片：
今次遊戲既風格簡單樸素，而且輕鬆歡樂，最適合係忙碌生活後想得到調劑同治癒既玩家。或者方塊外表既小精靈日後會好似Tsum Tsum咁大熱，推出多款公仔商品？
《Pokemon Quest》目前已經支援Switch平台，亦會係6月下旬登陸iOS同Android平台，遊戲完全免費，遊戲內亦會提供內購項目。