《No Man' s Sky》不再無人？7月將加入多人連線模式 精選 推薦

2016年推出既宇宙探索遊戲《No Man’s Sky》曾經係公佈既時候吸引大批喜愛宇宙冒險既打機迷，但期望越大失望越大，遊戲內容太過空泛同一成不變，結果劣評無數，玩家人數流失90%，更被喻為2016年最伏遊戲。而最近官方就公布黎近將會實裝下一個大型更新《No Man’s Sky NEXT》，當中加入左多人連線模式。另外，同日亦都會推出遊戲既Xbox1版本。
今次既多人連線模式終於唔再好似之前咁，淨係用光球形式見到其他玩家存在，毫無互動。而係可以係其他玩家既基地一齊建立設施、同玩家組隊進行星際探索、甚至進行星際艦隊大戰。
今次既更新「NEXT」將會係7月24日推出，同步推出既Xbox1版本都會包含所有既更新。
或者大家可以試下拎返隻Game出黎，重新探索下宇宙既奧秘。