玩家嬲到震?《Dark Souls Remastered》外掛橫行無忌

拉打文 於 29/05/2018 發表 收藏文章
《Dark Souls Remastered》係2018年5月24日已經發售,今次既重製除左畫面更加流暢同穩定,係操作上同改良左唔少,令電腦玩家玩得更加開心。但遊戲發售短短幾日,外掛既大量湧入就令一班玩家都大叫救命。
《Dark Souls》系列遊戲已經唔係第一次出現外掛,曾經係《Dark Souls 3》既時侯已經有人利用外掛永久隱形、瞬間移動、甚至一擊秒殺黎戲弄一眾玩家。慶幸既係當時有好心玩家製作左具有辨認出外掛玩家功能既MOD,令到大家都可以繼續安心打機。
不過因為今次重製版既遊戲引擎唔同,呢個MOD就已經用唔著,令到一班外掛玩家再次肆無忌憚。究竟官方幾時先可以封殺同杜絕外掛既出現,而唔係靠玩家自己諗出對應既方法呢?

留言


請按此登錄後留言。未成為會員? 立即註冊
    快捷鍵:←
    快捷鍵:→