超藍格比達決戰布羅利?|龍珠超:布羅利

宅而時習之 於 03/09/2018 發表 收藏文章
即將12月14係日本上映嘅劇場版【龍珠超:布羅利】新角色預測
今個劇場版好多人除左想知道究竟布羅利嘅故事,點解無死到,一直係邊到之外,近排係外國嘅討論區好熱烈討論最後隱藏角色就係“格比達”由悟空同比達使用舞步合体成嘅角色。當然係仲要係超藍格比達。
空穴來風,未必無因,事因係早前嘅龍珠遊戲【Xenoverse 2】推出左新DLC包,外國破解組係DLC包發現除左有今期新角色外,仲有兩個未上線嘅角色,根據招式對比,其中一個係布羅利,另外一位就係格比達,而且仲識只有超藍先有嘅(超神龍擊),而呢個破解組更加一直都估岩曬Fighterz嘅DLC角色,所以準確度都相當高。
另外,美國都為左記念新劇場版,重播左巴達克SP,熱戰同復活之融合,前兩套作品都同今次劇場版有關聯,咁復活之融合可唔可以算係一大劇透呢?
而國內一位專門發佈偷跑資料嘅網民更加早前上載左一張類似原畫嘅超藍格比達人設圖出嚟,令成個事情可信度再提高。
但原作中,比達其實係無學過融合舞步,可以合體只有佢地兩個仔,亦都好多網民奇怪點解唔出極意,咁當然極意係神之境界嘅頂點,邊可能咁容易使出嚟。
咁究竟格比達會唔會真係出嚟?一般以日本發售商品嘅方法,相信好快就會有答案。


來源:微博(仪迷) 微博(諾克提斯殿下)

如果喜歡我們的文章,請即分享到︰

標籤: 龍珠  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→