日本警方拘捕販賣及使用外掛版「龍珠 爆裂激戰」人士

宅而時習之 於 02/10/2018 發表 收藏文章
手機遊戲相信各位都一定有玩,唔理你玩過幾多款,總會玩過有抽卡成份的遊戲,而且課金要素仲非常多,除時比左好多錢都係得個吉,有部分人就係睇中左呢點,專門修改遊戲數據,製作(金手指)修改版遊戲程式,但你又知唔知道咁樣係犯法?
人氣手機遊戲「七龍珠 爆裂激戰」以經動畫”龍珠“為主題,以經典場面,仲有簡單操作吸引非常多人玩,而且除咗本土日本玩家外,仲有國際版本,所以亦有更加多外國玩家參與,總下載數目更已經達到2億5千萬。
玩家多,其實好自然就會有不法玩家,想透過修改數據去獲取大量課金石去抽盡遊戲角色,或者將每位龍珠戰士修改到一拳超人咁直接零技巧過關。
根據日本每日新聞報導,岐阜縣警方係昨日(1/10)拘捕左七名有關販賣修改版遊戲及使用改版遊戲的人,販賣的人係外國網站下載完外掛版遊戲後係日本拍賣網站轉售,一年之間賺取左大約20万~650万日元(港幣一萬三千至四十四萬),而使用外掛版遊戲的玩家就被追蹤到IP而鎖定左,當然係手機發現有外掛版遊戲而被捕,最後,事件的告發人當然就係日本遊戲公司BANDAI(バンダイナムコエンターテインメント)。
所以,大量遊戲課金,相信無人係會支持,但更加唔好去使用或者賣一些違規的遊戲程式,你以為最多比人BAN?分分鐘犯左法都唔知。

來源:日本每日新聞

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→