幪面超人ZI-O情報|「龍騎」城戶真司回歸!

宅而時習之 於 21/01/2019 發表 收藏文章
自路過的DECADE短暫回歸後,ZI-O進入了「未來幪面超人篇」,雖然當中兩位未來超人都唔係來自平成,但演出者則出身戰隊系列,包括上個篇章的「幪面超人SHINOBI」神蔵蓮太郎(多和田任益),佢係來自《手裏劍戰隊忍忍者》入面星忍者,而今個篇章「幪面超人QUIZ」堂安主水(鈴木勝大)更加係《特命戰隊Go Busters》入面的紅戰士,可以話係為ZI-O增添唔少樂趣。
而官方已經率先公布下個篇章(即係21、22集)會係「龍騎篇」!而當中主角城戶真司(須賀貴匡)更加回歸演出,須賀貴匡自當年龍騎完結後,除左有配音過龍騎外,就無左演出過龍騎,所以今次係隔16年後再次演出,各位龍騎迷一定要留意,除左城戶真司外,城戶真司的上司 大久保大介(津田寛治)亦都會登場!
而另外今個篇章雖然係「龍騎篇」,但對手竟然唔係異類龍騎,而係係劇場版角色「龍牙」,龍牙可以講係黑暗版龍騎,亦都表示左異類超人可以唔係主角而係其他角色的,異類龍牙造型相當有氣勢,更有“生存模式”的影子,劇情透露左三位超人都唔係佢對手,網上之前亦都有流出片場照,「龍騎篇」ZI-O將會有新型態“ZI-O II”,咁究竟劇情將會如何發展?請大家好好留意2月3號同2月10號播出的第21、22集!

來源:Twitter

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→