完全新作「劇場版超時空要塞Δ」制作決定|仲有MACROSS CROSSOVER LIVE 2019

宅而時習之 於 24/09/2018 發表 收藏文章
係琴日(23/9)舉行嘅超時空要塞Δ限定演唱會活動中,發表左兩樣重大事情。

琴日(23/9)所舉行嘅活動『ワルキューレ扇情のプレミアムライブイベント』at 豊洲PIT』中,第一項發表係決定製作完全新作嘅「劇場版超時空要塞Δ」,之前就已經上映過以濃縮劇情同總篇集向嘅「激情的女武神」,但故事結局可以話係未完結,仲有埋藏伏筆。果然將會再製作全新劇場版,故事亦應該好大機會繼續上一個劇場版嘅故事,究竟將會仲有咩故事可以講呢?
而另外發表嘅係,2019年6月1同2日將會舉行『MACROSS CROSSOVER LIVE 2019 at 幕張メッセ』,到時候係會齊集超時空要塞歷代歌姫歌王同台演出,由林明美(飯島真理)熱氣巴薩拿(福山芳樹)、雪露蘭卡(May'n&中島愛)到Delta嘅Walküre都會一齊演出,可以話係超時空要塞迷一個非常大嘅盛宴。
演唱會門將會以抽選方式進行,依家已經開始接受抽選,大家有興趣就一定要去參加!


演唱會詳情

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→