人類滅絕計劃第二階段-VR 男友

宅而時習之 於 14/09/2018 發表 收藏文章
過去嘅愚人節,曾經有一間VR公司發表愚人節企劃,話要繼《VR 女友》後推出《VR 男友》,令一眾宅女宅(男?)大為興奮。然而,人類滅絕計劃真係要開始,因為VR 品牌「IVR」宣布,將參與今屆東京電玩展,帶來最新 VR 技術女性向戀愛手機遊戲《VR 男友(VR カレシ)》(iOS / Android),仲現場開放實機試玩。


IVR 表示,將使用 IVR 所擅長嘅 3D 角色造型技術,讓玩家親手打造專屬男友,將會係市面上獨一無二女性向戀愛遊戲。玩家談戀愛嘅對象唔會只係樸實眼鏡男,而係可以自訂體型、髮型、膚色、肌肉量、服裝嘅「理想男友」,自由度相當高。


雖然宣傳片中仲未展現角色要素,不過已經聽到三位知名聲優:森久保祥太郎、鈴木千尋、細谷佳正嘅配音片段。當然,玩家係開角色嘅時候都可以配合喜好外貌,自行選擇角色的聲音和性格。


我都知男人未必滿足到閣下,IVR日後仲會推出《VR 女友:夏日假期》、《AR 女友》,睇住宣傳片止住渴先啦。



來源:官網

如果喜歡我們的文章,請即分享到︰

標籤: VR  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→