「童年回憶」Mega Man 11《洛克人11 命運的齒輪 》終於返黎喇！！ 精選 推薦

係舊年12月CAPCOM話將會推最新嘅《洛克人11 命運的齒輪 》，令到好多洛克人嘅粉絲都十分興奮。但之後，再無任何消息放出。等左半年，最近官方終於公佈大量嘅遊戲資料，當中仲包括新嘅預告，同埋佢嘅發售日期將會定係10月2。
《洛克人11 命運的齒輪 》將會有新嘅BOSS出現，係預告到睇到嘅「Fuse Man」同「Block Man」。而且，我地係預告到仲發配到《洛克人11》中嘅全新「Double Gear」系統，呢個系統係威利博士年輕果陣發明嘅，呢個系統可以為活克人增加兩種全新嘅能力。使用能力會消耗洛克人頭頂上方嘅能量條，用完之後你需要等待能量條再次充滿，然後你就可以繼續使用兩種能力。第一種能力可以令洛克人進入慢動作，玩家可以係面對遊戲障礙物嘅時候可以更容易作出反應，都更容易攻擊到BOSS。
第二種能力係超級洛克大砲，用佢可以釋放出強大嘅攻擊，甚至可以穿透敵人嘅盾牌。
官方之前已經公開左《Rockman 11》將會用誇平台嘅方式，係PS4、Xbox One、Switch以及PC平台上推出 , 各版本係歐美地區推出時間為10月2日 , 日本以及亞洲地區為10月4日 , 係PC Steam平台還表示今次《Rockman 11》包含繁體中文 , 意味住今作會有繁中版。最新預告：