元氣壽司疑將宣傳《我的英雄學院》合作 小編發大量倒米回應：咩係我英？我只係識家英 精選

香港元氣壽司疑將與《我的英雄學院》合作，為宣傳活動於Threads上發文，但因為其小編用字不當，令整個宣傳活動慘變「倒米」活動！
根據元氣壽司在Threads中的發文，圖中拍到有一個外表 Cosplay 《我的英雄學院》轟焦凍的元氣壽司員工，本來在預告他們將與該套動漫合作。但在宣傳文案中，該小編就以「Kam Kam新同事」（指尷尬）、「個樣同名標奇立異都算⋯個人仲要極傲同無禮貌」等字眼攻擊該名角色。
由於其宣傳文中用字非常不當，有人起初以為是小編公器私用，攻擊一些 Cosplay 上班的同事們，當下文有人指是否與《我英》合作時，就指「弱弱一問咩係我英？小編只係識家英」等一眾自以為成幽默的發言回應，卻被一眾真心喜歡動漫的 Fans 抨擊「唔尊重ACG文化」、「佢啲comment都幾唔尊重個角色同套作品，啲fans睇到應該幾嬲」、「其實你地知唔知咩係marketing」。在今日早前元氣壽司的小編再度發文「道歉」，但其回應方式同樣「自以為風趣」，依然被指「戇X當有趣」。