倒帶 ─ 大神終於發現自己喜歡狩生的時候 (ReLife 重返十七歲)

鍾意一樣嘢，重來都係好主觀。
而呢一種感覺，可能每日每日咁見，你會覺得密麻咗。
但偶然間嘅離別，要一次相遇，亦會令你重新對呢一件事物，
又有返鍾意佢嘅衝動、同埋會心欣賞嘅感覺。
講到咁曖昧，其實我只係想講，我真係幾鍾意Relife嘅一個部份即。
以下係一段我自己edit嘅MV，我好鍾意狩生玲奈呢個咁矛盾嘅女仔。


鍾意人又唔敢講，但其實已經做到好出面，只係大神太無知覺，
成日都覺得自己有毅力就咩都攪得掂，又鐘意比目標自己去挑戰，
但次次都攪到自己車毀人亡，好彩嘅係身邊有班咁嘅朋友，
如果唔係真係幾難有個咁好玩嘅中學生活。

講咁多佢，因為我真係覺得自己好似佢。
可能因為咁好鍾意佢。

呢一段雖然視點不在狩生，但焦點係佢。
從了解咗呢個角色後，再用大神嘅視點去睇，可以睇住佢哋青春覺醒，成件事就好有感覺。

《迎向未來》(明日への扉)呢首歌，首先主因係Relife的片尾本身是選用了這一首，
我仲記得睇到某一集尾，突然播呢首歌，我真係著咗燈咁。明明唔識日文都即刻跟住唱！
呢首歌唔係我個年代，第一次聽係Goose House同 片平里菜 嘅Cover，
第一次聽已經好鍾意，聽返原唱I WiSH（川嶋あい）……係更加鍾意！
我諗正正係一個令我可以好感動嘅原因就係，
有幾個我都好鍾意嘅單位組合一齊，形成呢一個氛圍，令我每一次去睇、聽返呢一首歌，都係咁有感覺。
於是我今次特登cut咗呢一小段出嚟播(我自己製作嘅原版係成套Relife精華20分鐘)，咁可能大家會睇得輕鬆啲！
作者本人作品集：
https://ttmmmrc.wordpress.com/
《叛神軍團》(包括免費賞閱部份的付費作品)
《音樂漫遊─ Slow Music》(含視覺小說版本)
《DSE幻想校園》(預計2018年3月出版發售)
《筆示驅魔傳》(含視覺小說版本)
《格子控的執著》(包括免費賞閱部份的付費作品)