打八號風球都關動畫事?關... ...因為我想返屋企去睇新番

動筆動畫化 於 12/06/2017 發表 收藏文章
今次個風球唔知中唔中,見個風勢就好準!

八號就唔會錯,但幾點掛?又係咪要等收左市先呢?

重記得上年動漫展,我就寫左一段咁嘅嘢... ...

//...

我覺得呢件事真係好浪漫!「返工之前」、「放工之後」
真係有一種「After Before」既味道,
又有「太陽之西」、「海角之南」既一種詩意。

但當回到現實,一方面我不單止冇得早放工、而且重要大家塞死曬係架車上面、繼而又冇得去動漫展!
天文台...你知唔知你呢個決定令呢個社會增加左幾多既負能樣出黎呀?

先唔講冇得早收工!(你知道睇返黃子華係兒童不宜個show到講成年人返工既心態先!)
平時收工已經多人到塞成個鐘先返到屋企,你而家重要話掛八號,
即係話我要趕住去令自己塞車,塞成個鐘返到樓下... ...再燥d既係... ...返到樓下一滴風都無... ...熱死左係街... ...

其實我想講既係今日我諗住去一年一度既動漫展!

係LAST TWO DAY動漫,你突然六點話掛八號?

我準備曬相機黎COSPLAY扮攝影師架麻!我個一身萬佛朝宗既蜘蛛架閃光燈點算?Doll☆Elements點算?

你得返一日,重要係收八點喎!咁我點算呀?

點解書展可以開到十一、二點,動漫展就九點收檔架!NO~!!!!!!!!!!!!

我呢D中國人既玻璃心真係好脆弱... ...

... ///

好啦!講完動漫展嘅主題,回到宜家廢up嘅發洩部份!係寫文係上文嘅十一點三十分,見到天文台係咁!

死!原來上面張圖會跟時間走位!好彩之前有CAP到即! 14:30

段字又係咁:
//....
按照現時預測路徑,苗柏會在今晚午夜前後在香港一百公里範圍內登陸,本港今晚風勢會顯著增強,雨勢頗大。

由於與苗柏相關的烈風範圍較小,苗柏要相當接近珠江口一帶,其烈風才可能影響本港。天文台會視乎苗柏的移動路徑及強度變化在下午稍後考慮是否需要改發八號烈風或暴風信號。

海面有大浪及湧浪,市民應遠離岸邊及停止所有水上活動。

...///

我都唔知今日有無得早收工,是關禽晚睇一拳超人之後直落 J2巨人2 同原聲巨人2 睇曬都成點鐘,

而家真係好鬼眼訓... ...但仲有好多新番未睇,就連「月色真美」都未睇... ...

事關趕稿,好想好想睇動畫!
誠哥!網開一面!比個半天假我... ...返去訓返陣... ...

2017-06-12 14:15 :
天文台:
在過去一小時,橫瀾島及西貢分別錄得的最高持續風速為每小時67及42公里。

根據佢發出3號和8號信號的參考指標:
當參考網絡中半數或以上的測風站錄得或預料錄得的持續風速達到有關的風速限值,且風勢可能持續時,則會發出3號或8號信號。3號信號風速範圍為每小時41至62公里,而8號信號則為每小63至117公里。

宜家都去到67,重要佢自己預測係個路線都會近,點解咁都唔可以掛八號?
數據嘅嘢... ...真係由得佢去講... ...

留言


請按此登錄後留言。未成為會員? 立即註冊
    快捷鍵:←
    快捷鍵:→