《愛吃小泉的悠同學》(愛吃拉麵的小泉同學)

動筆動畫化 於 23/01/2018 發表 收藏文章
http://ramen-koizumi.com/character/

本來想搵主題曲播下,不過唔見有!
最近超鍾意睇呢套嘢!(當然一定唔係紫羅蘭同封神演義嘅程度)

初時睇個名就真係全部唔想Click入去,睇啲畫都唔係太特別,
但就比佢個主題曲,同埋隔場嘅節奏令我覺得好新鮮同吸引。

(肯定好快比人block,所以有得睇好睇!)

Intro係一後好古風嘅音樂新奏,令人即刻聯想到拉麵車或麵店,

呢啲可能所有人都覺得係好正常應該咁做,
但就係呢啲「阿媽係女人」嘅元素,令好多人都唔知點解會不知不覺睇落去,
其實就係因為呢類細節配合,如小泉會食麵要扎起頭髮這種「阿媽係女人」嘅細節,
你再諗返其他動畫,有幾多個話自己鍾意食拉麵嘅女角會因為咁而扎起頭髮?
呢一個部份就係特出咗小泉呢個人物,令觀眾好快就理解到佢係咩人... ...

唔好意思,其實我唔係為咗分析先寫文,只係一時興奮過頭,打多幾句。


最近鍾意嘅角色(包括自己寫嘅《叛神軍團》的利雅)都係咁嘅設定,
金色長髮呆滯的女生。
仲有Saber、紫羅蘭(我絕對覺得佢哋一啲都唔似,係兩個人)
宜家加埋小泉同學!其實應該仲有... ...不過一時諗唔起,鋼鍊嘅雲妮都係... ...

好鍾意佢個冧樣!(雖然有色味,但唔好向嗰個方向去諗,滿足嘅幸福感覺係吸引。)

另一點幾鍾意嘅就係佢呢種輕鬆嘅畫風,
其實一直以嚟除咗啲勁到爆嘅大作係好值得欣賞之外,
我自己就對呢種平凡簡單,但唔易畫嘅畫係好鍾意。
可能十個有九個人都話呢種畫好易,
咁我唔係畫師,我唔知有幾易,
我只係知我想做到呢啲效果,但自己就無喧嘅天份去做。

cute得嚟又佢嘅細節,因為套嘢本身就係清新得嚟好治癒,
所以就咁睇唔會有太重負擔,又唔洗成日爆血、又要破壞世界、又唔洗估嚟估去,
係眾多大作被人狂咁SHARE嘅世界,
我就想間中睇返呢類故事,比佢平衡下心理。
(我初時都想睇《食戟》... ...不過太重春藥、太熱血... ...有啲受唔住... ...老人家要平淡小小)


真係睇見都想食... ...好餓... ...

作者本人作品集:
https://ttmmmrc.wordpress.com/
《叛神軍團》(包括免費賞閱部份的付費作品)
《音樂漫遊─ Slow Music》(含視覺小說版本)
《DSE幻想校園》(預計2018年3月出版發售)
《筆示驅魔傳》(含視覺小說版本)
《格子控的執著》(包括免費賞閱部份的付費作品)

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→