超豪華版《DMC 5》,最新預購特典送你原裝 但丁、尼祿、V Jackets!!!但係貴到你唔信~

宅。上癮 於 23/10/2018 發表 收藏文章
《Devil May Cry》系列靠著爽快既戰鬥同出色既故事成為咗好多巴打心目中既神作,而對我地呢啲fans嚟講,有咩幸福得過聽到自己愛game釋出新情報?《Devil May Cry 5》預計明年 3 月上市,雖然仲有幾個月先出,但宣傳工作由依加已經開始,而今日又有一波超誇張既新預購特典情報出嚟啦。《DMC 5》超豪華限定版(Devil May Cry 5 Ultra Limited Edition),一共推出三個版本,三個版本分別係送但丁、尼祿或者V 三位主角既實體衣裝。平時啲game豪華版就送game 入面既skin,今次直頭送你現實版既skin丫,所以咪貴到咁囉!
《DMC 5》超豪華限定-尼祿版,預購即送爆袖尼祿Jackets,預購價 75 萬日元,折合港幣大約5萬2...
超豪華限定-但丁版,但丁實體Jackets,預購價 90 萬日元,折合港幣大約6萬2...
拿拿拿...V版就最平既,預購價 60 萬日元,折合新台幣約 16.4 萬元,折合港幣大約4萬1,但就最難carry囉,無袖深 V 裸胸衣裝~

幾皮野一件大Jacket又真係唔係個個買得起,所以官方都好貼心咁推出咗呢件黑色短恤衫,唔係太貴之餘,加上可以著到出嘛,至少唔會好似上面個幾件咁中二先啦XD,港幣大約都係800蚊左右。有興趣既朋友記得去官網訂購啦~

留言


請按此登錄後留言。未成為會員? 立即註冊
    快捷鍵:←
    快捷鍵:→