[人生有幾多個十年？]睽違14年，金城武再度回歸《鬼武者》！！！ 精選

Capcom 日前揭曉《鬼武者》2018 年版日語聲優，正式宣佈金城武14 年後重回聲優陣容，今次既《鬼武者》將會重新收錄日文語音！金城武本身就係一個電玩愛好者，而相信巴打們都知道《鬼武者》男主角「明智左馬介秀滿」就係以他既形象（包含聲音、動作）度身訂造。

本次將會喺金城武自 2004 年《鬼武者 3》後，睽違 14 年再次歸位，呢個消息出咗街之後令好多期待已久既玩家興奮不已。今次次用既係全新聲優陣容，首波要角名單包括立木文彥（織田信長）、名塚佳織（雪姬）、小松未可子（楓）、高木涉（木下藤吉郎）、金元壽子（夢丸）、大塚芳忠（ギルデンスタン）、佐古真弓（ヘキュバ）以及麥人（系統導覽）等加入，令一眾玩家非常咁期待。
《鬼武者》2018 版翻新重點

今次《鬼武者》2018 年版，制作組會將角色、背景、事件動畫重新用HD 高解析畫面製作。除咗原版 4:3 畫面比變成支援現行普及既 16:9 比例（等比例放大），仲會配合玩家移動，適當移動顯示範圍，補完唔同畫面比既落差。而且，喺原版操作系統之外，另追加控制器既類比搖桿角色移動、行走速度，打造更直覺既移動方式。難易度會收錄「簡單」，等久違既你吔無縫上手。《鬼武者》預計 12 月 20 日喺 PS4、Xbox One、Nintendo Switch 平台推出，2019 年 1 月 16 日 PC Steam 開賣。