制作人漏口風？！Netflix《暗黑破壞神》動畫影集製作中... 精選

動畫公司(誤...XDD)暴雪（Blizzard）近年出咗唔少好game，例如爐石、鬥陣到魔獸等等，但除咗佢地既遊戲有水準之外，佢地既動畫一樣係超高水準之作，所以佢地又有被遊戲耽誤既動畫公司之稱。而今次暴雪似乎已經同 NETFLIX 合作要將《暗黑破壞神》(Diablo)系列改編成動畫，而消息既可信性亦非常高。根據外電 Variety 消息，美國 Boom! 動畫工作室（Boom! Studios）創辦人 Andrew Cosby 喺佢既Twitter上面答一位fans既問題，有關之前謠傳既《暗黑破壞神》改編動畫佢有冇份參與，Andy 唔小心就漏咗口風。

引用我想我能夠確認的是，我的確為動視（Activision）與 Netflix 編寫全新《暗黑破壞神》動畫系列的製作大綱。這很令人興奮，我希望至高天能讓一切成真。

因此引起咗《暗黑破壞神》fans熱烈討論，不過呢條推文放咗上去冇一陣就被人刪除咗了。

以上係2012 年推出既短篇動畫《暗黑破壞神 3：憤怒》，相信所有Diablo既fans聽到呢個消息到無比既興奮，至高天、七大魔王同涅法雷姆既背景故事每一個都引人入勝，我地將來喺Netflix見到佢地既機會應該都幾高，更加有外媒消息指出編劇已與Netflix進行最後會談，雖然消息滿天飛，而成數都好似好高，但我地都係要等暴雪官方宣佈先可以作實。