[香港制作]《PUBG》惡搞動畫，當外掛遇上外掛時~包你笑死 精選

《PUBG》食雞風行全球，相信唔少兄弟都有玩，呢隻game特色在於大屠殺既玩法，FPS老手固然係有技術優勢，但新手同樣可以因為地圖既隨機性而活到最後，快速上手既玩法加上可以同朋友有趣既互動，令呢隻遊戲長期處於火熱位置。但同好多FPS遊戲一樣，食雞外掛風行，都令好多玩家同遊戲開發商頭痛，不過最近就有一隊叫Nuclear Productions既香港制作團隊將痛苦化為歡樂，佢地用SFM打造咗一條名為「Hacker vs Hacker」既惡搞動畫，講述《PUBG》外掛玩家遇到外掛玩家時候既對決，成為6 月最為熱門的 SFM 動畫之一。

而喺「Hacker vs Hacker」爆紅既2個月後，佢地再次推出新影片「Battle of Noobs」同再次爆紅，「Battle of Noobs」承接上一集的劇情，兩位外掛佬被ban咗AC之後，冇外掛既佢地到底如何喺《PUBG》呢個殘酷既世界生存呢？

題外話講一講比大家知，Source Filmmaker（又稱SFM）係 Valve 用來製作遊戲動畫既主要工具，而隨著該工具喺2013 年釋出咗公測版本之後，就成為咗好多人廣泛使用既創作工具，即便唔係 Valve 旗下遊戲既玩家都相當熱愛運用該項工具打造各種惡搞影片。