[LOL]大師兄Doublelift,抵唔住再次出局壓力,決心跟隨Sneaky性轉換cosplay?務求轉運?

宅。上癮 於 02/11/2018 發表 收藏文章
相信大家一講起Doublelift,都一定會諗起佢既經典金句「Everyone Else Is Trash...」,佢既花名大師兄亦都係咁嚟,Trash talk就講得多啦,但呢個被人稱為北美第一既AD,雖然每每都喺本地聯賽拎到好成績,但喺最重要既世界賽就已經連續多年止步16強,反觀對手C9既AD Sneaky,就年年抽中死亡之組,但同樣年年入到8強,今年仲要為北美賽區打入四強,成為繼S2之後,首次再次入到四強既北美戰隊,成為咗北美最後希望,雖然最後只步四強,但都已經係對fans有所交代,而大師兄又再一次帶俾NA失望,可能因為太傷心既關係啦,日前萬聖節大師兄就大吹妖孽之風,身著豹紋大衣,滿口鮮紅既唇膏就同101班點狗入面既奸角幾乎如出一轍。

至於點解大師兄性轉換cosplay就會諗起Sneaky呢,事關呢位年年補低八強既AD最為人熟知既就係佢既cosplay,佢扮起女仔嚟講,有時真係索過真女,而萬聖節當然都唔少得佢啦,今次Sneaky再次令自己變成女兒身,化身成《Fate/Apocrypha》動畫中既知名角色阿福。可能係大師兄見Sneaky咁成功,都想學佢cosplay下,吸吸旺氣~

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→